CopSahBible2 - Hosea - 3

3:1  ⲡⲉϫⲉ ⲡϫⲟⲉⲓⲥ ⲛⲁⲓ ϫⲉ ⲃⲱⲕ ⲟⲛ ⲛⲅⲙⲉⲣⲉⲟⲩ ⲥϩⲓⲙⲉ ⲉⲥⲙⲉ ⲛϩⲉⲛⲡⲉⲧϩⲟⲟⲩ ⲁⲩⲱ ⲟⲩⲛⲟⲉⲓⲕ ⲕⲁⲧⲁ ⲑⲉ ⲉⲧⲉⲡⲛⲟⲩⲧⲉ ⲙⲉ ⲛⲛϣⲏⲣⲉ ⲙⲡⲓⲏⲗ ⲁⲩⲱ ⲛⲧⲟⲟⲩ ⲥⲉϭⲱϣⲧ ⲉϫⲛϩⲉⲛⲛⲟⲩⲧⲉ ⲛϣⲙⲙⲟ ⲁⲩⲱ ⲥⲉⲟⲩⲱⲙ ⲛϩⲉⲛⲉⲕⲣⲟϫ ϩⲓⲉⲗⲉⲗ ϣⲱⲟⲩ

3:2  ⲁⲩⲱ ⲁⲓⲃⲱⲕ ⲁⲓⲙⲓⲥⲑⲟⲩ ⲙⲙⲟⲥ ⲛⲁⲓ ϩⲁⲙⲛⲧⲏ ⲛϩⲁⲧ ⲙⲛⲟⲩϣⲓ ⲛⲉⲓⲱⲧ ⲙⲛⲟⲩϣⲓ ⲛⲏⲣⲡ

3:3  ⲁⲩⲱ ⲁⲓϫⲟⲟⲥ ⲛⲁⲥ ϫⲉ ϩⲙⲟⲟⲥ ϩⲁⲣⲁⲧ ⲛϩⲉⲛϩⲟⲟⲩ ⲉⲛⲁϣⲱⲟⲩ ⲛⲧⲉⲧⲙⲡⲟⲣⲛⲉⲩⲉ ⲟⲩⲧⲉ ⲛⲧⲉⲧⲙϣⲱⲡⲉ ⲛⲕⲉϩⲁⲓ ⲁⲛⲟⲕ ϩⲱ ϯⲛⲁϣⲱⲡⲉ ⲛⲉ

3:4  ⲉⲃⲟⲗ ϫⲉ ⲥⲉⲛⲁϩⲙⲟⲟⲥ ⲛϩⲉⲛϩⲟⲟⲩ ⲉⲛⲁϣⲱⲟⲩ ⲛϭⲓ ⲛϣⲏⲣⲉ ⲙⲡ ⲉⲙⲛ

3:5  ⲁⲩⲱ ⲙⲛⲛⲥⲁ ⲛⲁⲓ ⲥⲉⲛⲁⲕⲧⲟⲟⲩ ⲛϭⲓ ⲛϣⲏⲣⲉ ⲙⲡⲓⲏⲗ ⲥⲉϣⲓⲛⲉ ⲛⲥⲁ ⲡϫⲟⲉⲓⲥ ⲡⲉⲩⲛⲟⲩⲧⲉ ⲁⲩⲱ ⲇⲁⲩⲓⲇ ⲡⲉⲩⲣⲣⲟ ⲛⲥⲉⲣϣⲡⲏⲣⲉ ⲉϫⲙ ⲡϫⲟⲉⲓⲥ ⲁⲩⲱ ⲉϫⲛ ⲛⲉϥⲁⲅⲁⲑⲟⲛ ϩⲛ ⲑⲁⲏ ⲛⲛⲉϩⲟⲟⲩ