FreGeneve1669 - II Thessalonians - 1

1:1  PAUL & Silvain, & Timothée, à l'Eglife des Theffaloniciens, qui eft en Dieu noftre Pere & au Seigneur Jefus Chrift :

1:2  Grace vous foit, & paix de par Dieu noftre Pere, & de par le Seigneur Jefus Chrift.

1:3  Freres, nous devons toûjours rendre graces à Dieu de vous, comme c'eft bien raifon, dautant que voftre foi croift grandement, & que la charité de chacun de vous abonde de l'un envers l'autre.

1:4  Tellement que mefmes nous nous glorifions de vous és Eglifes de Dieu, à caufe de voftre patience & de voftre foi en toues vos perfecutions & afflictions que vous fouftenez :

1:5  Lefquelles font une manifefte demonftration du jufte jugement de Dieu : à ce que vous foyez repurez dignes du royaume de Dieu : pour lequel auffi vous fouffrez.

1:6  Veu que c'eft une chofe jufte envers Dieu, qu'il rende affliction à ceux qui vous affligent :

1:7  Et à vous qui eftes affligez, relafche avec nous, lors que le Seigneur Jefus fera revelé du ciel avec les Anges de fa puiffance,

1:8  Avec flamme de feu, exercant vengeance contre ceux qui ne connoiffent point Dieu, & qui n'obeïffent point à l'Evangile de noftre Seigneur Jefus Chrift.

1:9  Lefquels feront punis de perdition eternelle, de par la face du Seigneur, & de par la gloire de fa force.

1:10  Quand il viendra pour eftre glorifié en fes Saints, & eftre rendu admirable en tous les croyans (parce que noftre témoignage envers vous a efté creu) en ce jour-là.

1:11  Pour laquelle caufe auffi nous prions toûjours pour vous, que noftre Dieu vous rende dignes de fa vocation, & accompliffe en vous tout le bon plaifir de fa bonté, & l'œuvre de la foi puiffamment :

1:12  Afin que le Nom de noftre Seigneur Jefus Chrift foit glorifié en vous, & vous en lui, felon la grace de noftre Dieu, & du Seigneur Jefus Chrift.