UyCyr - Malachi - 4

4:1  Қудрәтлик Сәрдар Пәрвәрдигар шундақ дәйдуки: «Бир күн келидуки, у күн худди тонурдики лавулдап көйүватқан оттәк болиду. Шу күни тәкәббурлар вә яманлиқ қилғучилар самандәк көйдүрүп ташлиниду. Улардин нә йилтиз, нә шах-шумбиғичә һеч нәрсә қалмайду».

4:2  «Амма Мениң намимни һөрмәтлигән силәргә болса адаләтлик қуяш чиқип, шипалиқ нурлирини чачиду. Силәр яйлаққа қоюветилгән мозайлардәк шатлинип, сәкрәп жүрисиләр.

4:3  Мән һөкүмүмни әмәлгә ашуридиған күндә силәр яманлиқ қилғучиларни худди тапиниңлар астидики күлдәк дәссәйсиләр», деди қудрәтлик Сәрдар Пәрвәрдигар.

4:4  «Мән Синай теғида хизмәткарим Муса арқилиқ барлиқ Исраил хәлқигә чүшәргән Тәвраттики әмир-пәрманлиримға бойсунушни чин қәлбиңларға пүкүңлар.

4:5  Билип қоюңларки, Мән Пәрвәрдигарниң улуқ вә қорқунучлуқ күни келиштин бурун силәргә Илияс пәйғәмбәрни әвәтимән.

4:6  У атиларни балилириға, балиларни атилириға чин жүрәклиридин яраштуриду. Шундақ болмиса, Мән бу зиминға ләнәт яғдуримән».