UyCyr - Malachi - 2

2:1  Қудрәтлик Сәрдар Пәрвәрдигар шундақ дәйдуки: «Әй роһанийлар, бу силәргә берилгән әмир. Әгәр Маңа қулақ салмисаңлар вә Мениң намимни һөрмәтләшни чин қәлбиңларға пүкмисәңлар, Мән силәргә ләнәт яғдуримән, бәрикәтлириңларға ләнәт яғдуримән. Дәрвәқә, шундақ қилдим, чүнки силәр намимни һөрмәтләшни чин қәлбиңларға пүкмидиңлар.

2:2  Қудрәтлик Сәрдар Пәрвәрдигар шундақ дәйдуки: «Әй роһанийлар, бу силәргә берилгән әмир. Әгәр Маңа қулақ салмисаңлар вә Мениң намимни һөрмәтләшни чин қәлбиңларға пүкмисәңлар, Мән силәргә ләнәт яғдуримән, бәрикәтлириңларға ләнәт яғдуримән. Дәрвәқә, шундақ қилдим, чүнки силәр намимни һөрмәтләшни чин қәлбиңларға пүкмидиңлар.

2:3  Мән силәрниң әвладиңларни җазалаймән вә силәрниң һейтларда қилған қурванлиғиңларниң мәйнәтчиликлирини йүзүңларға сүркәймән, шундақла, силәрни шу мәйнәтчиликләр билән биргә ташлаветимән.

2:4  Шуниңда силәр Мениң лавийлар билән түзгән келишимимни давамлаштуруш тоғрисида қилған әмримниң мәхситини билип қалисиләр. Мана бу Мән қудрәтлик Сәрдар Пәрвәрдигарниң сөзлиридур!»

2:5  «Лавийлар билән түзгән келишимимниң мәхсити һаятлиқ вә аманлиқни ата қилиш болуп, дәрвәқә, Мән уни уларға ата қилдим. Бу келишимимдә уларниң Мени һөрмәтлиши тәләп қилинған еди. Улар Маңа ихласмән болди вә Мени һөрмәтлиди.

2:6  Улар хәлиққә һәқиқәтни үгәтти, уларниң ағзидин натоғра сөзләр чиқмиди. Улар инақлиқ вә дуруслуқ йолида Мән билән биллә маңди. Улар нурғун кишиләрни гуна йолидин қайтуруп кәлди.

2:7  Роһанийларниң ағзидин чиққан тәлим Пәрвәрдигарниң һәқиқитини сақлап қелиши керәк. Хәлиқ уларни издәп, улардин савақ елиши лазим, чүнки улар қудрәтлик Сәрдар Пәрвәрдигарниң әлчилиридур.

2:8  Бирақ силәр роһанийлар һазир Пәрвәрдигарниң йолидин чәтнәп кәттиңлар. Силәрниң тәлимлириңлар нурғун кишиләрни гуна йолиға киргүзүп қойди. Силәр Мениң лавийлар билән түзгән келишимимни буздуңлар», деди қудрәтлик Сәрдар Пәрвәрдигар.

2:9  Пәрвәрдигар йәнә: «Мән силәрни пүтүн хәлиқ алдида камситилишқа вә харлиққа дучар қилдим. Чүнки силәр Мениң йолумда маңмай, кишиләргә тәлим бәргиниңларда айримчилиқ қилдиңлар», деди.

2:10  Һәммимизниң Худа Атимиз бир әмәсму? Һәммимизни Худа яратқан әмәсму? Шундақ туруп, биз немә үчүн бир-биримизни алдап, әҗдатлиримизниң Худа билән түзгән келишимини бузимиз?

2:11  Йәһудийә хәлқи Пәрвәрдигарға сәмимийәтсизлик қилди. Улар Исраилда, һәтта Йерусалимда жиркиничлик гуна өткүзди. Улар бутларға чоқунидиған аяллар билән той қилип, Пәрвәрдигар яхши көридиған ибадәтханини булғиди.

2:12  Шундақ иш қилғанларни, у ким болушидин һәм қандақ һәдийә сунушидин қәтъий нәзәр Пәрвәрдигар Исраил җамаитидин йоқатқай.

2:13  Силәр йәнә шундақ иш қиливатисиләр, силәр Пәрвәрдигарниң қурванлиқ суписини көз-йешиңларға чилаватисиләр, үн селип, өксүп жиғлаватисиләр. Чүнки Пәрвәрдигар силәрниң һәдийәлириңларға қарапму қоймайватиду вә уни қобул қилмайватиду.

2:14  Силәр йәнә: «Пәрвәрдигар немә үчүн бизниң һәдийәлиримизни қобул қилмайдиғанду?» дәп сорайсиләр. Пәрвәрдигар яшлиқ чеғиңларда аялиңларға қилған қәсимиңларға гувадур. Чүнки некалинип алған һәмрайиң саңа садақәтмән болсиму, амма сән униңға садақәтсизлик қилдиң.

2:15  Пәрвәрдигар сени вә аялиңни бир тән, бир җан қилмиғанмиди? Җисманий вә роһий җәһәттә силәр Пәрвәрдигарға мәнсүп. Пәрвәрдигар силәрдин немини күтиду? Силәрниң бир тән, бир җан болуш арқилиқ Худа йолида маңидиған пәрзәнтләрниң дунияға келишини күтиду. Шуңа қәлбиңларни пак тутуп, қәдинас аялиңларға садиқ болуңлар.

2:16  Пәрвәрдигар — исраиллар етиқат қилип кәлгән Худа: «Мән аҗришишқа нәпрәтлинимән», дәйду. «Аҗришиш худди бирсигә қилған зораванлиқ билән баравәрдур. Шуңа қәлбиңларни пак тутуп, садақәтсизлик қилмаңлар!»

2:17  Силәр гәп-сөзүңлар билән Пәрвәрдигарни безар қилдиңлар. Лекин силәр: «Биз Уни қандақ безар қиптуқ?» дәп сорайсиләр. Силәр: «Пәрвәрдигарниң нәзиридә яманлиқ қилғучиларму яхшидур, йәнә келип Пәрвәрдигар улардин хурсәндур», «Қени адил Худа?» дәп билҗирлап Уни безар қилдиңлар.