CopSahBible2 - Baruch - 5

5:1  ⲧⲱⲟⲩⲛ ⲑⲓⲏⲙ ⲛⲧⲉⲕⲟ ⲛⲧⲟ ⲕⲁϩⲏⲟⲩ ⲛⲧⲉⲥⲧⲟⲗⲏ ⲙⲡⲟⲩϩⲏⲃⲉ ⲙⲛ ⲡⲟⲩⲡⲉⲑⲟⲟⲩ ⲛⲧⲉϯϩⲓⲱⲱⲧⲉ ⲙⲡⲉⲟⲟⲩ ⲛⲧⲟⲩⲙⲛⲧⲥⲁⲓⲉ ⲧⲉⲃⲟⲗ ϩⲓⲧⲟⲟⲧϥ ⲙⲡⲛⲟⲩⲧⲉ ϣⲁ ⲉⲛⲉϩ

5:2  ϯϩⲓⲱⲱⲧⲉ ⲛⲧⲇⲓⲡⲗⲟⲉⲓⲥ ⲛⲧⲇⲓⲕⲁⲓⲟⲥⲩⲛⲏ ⲙⲡⲛⲟⲩⲧⲉ ϯ ⲛⲧⲙⲓⲧⲣⲁ ⲉϩⲣⲁⲓ ⲉϫⲱ ⲙⲡⲉⲟⲟⲩ ⲙⲡϣⲁ ⲉⲛⲉϩ

5:3  ⲡⲛⲟⲩⲧⲉ ⲅⲁⲣ ⲛⲁⲧⲥⲁⲃⲉ ⲡⲕⲁϩ ⲧⲏⲣϥ ⲉⲡⲟⲩⲟⲉⲓⲛ ⲙⲡⲟⲩⲟⲩⲃⲁϣ

5:4  ⲡⲟⲩⲣⲁⲛ ⲇⲉ ⲥⲉⲛⲁⲙⲟⲩⲧⲉ ⲉⲣⲟϥ ⲉⲃⲟⲗ ϩⲓⲧⲙ ⲡⲛⲟⲩⲧⲉ ϣⲁ ⲉⲛⲉϩ ϫⲉ ϯⲣⲏⲛⲏ ⲙⲛ ⲧⲇⲓⲕⲁⲓⲟⲥⲩⲛⲏ ⲙⲛ ⲡⲉⲟⲟⲩ ⲛⲧⲙⲛⲧⲣⲉϥϣⲙϣⲉⲛⲟⲩⲧⲉ

5:5  ⲧⲱⲟⲩⲛ ⲑⲓⲏⲙ ⲛⲧⲉⲁϩⲉⲣⲁⲧⲉ ⲉϫⲙ ⲡϫⲓⲥⲉ ⲛⲧⲉϭⲱϣⲧ ⲉⲡⲥⲁ ⲛⲙⲙⲁ ⲛϣⲁ ⲛⲧⲉⲛⲁⲩ ⲉⲛⲟⲩϣⲏⲣⲉ ⲧⲏⲣⲟⲩ ⲉⲩⲥⲟⲟⲩϩ