I PETER
Chapter 5
| I Pe | Kapingam | 5:1 | Au e-hagamahi-adu gi goodou i-nia mee aanei, goodou go digau mmaadua-daumaha. Gei-au tangada madua-daumaha labelaa, guu-hai tangada e-haga-modongoohia di hagaduadua o Christ, gei au e-madalia labelaa e-hai-mee gi-di madamada dela ga-gila-aga. Malaa, au e-hagamahi-adu gi goodou, | |
| I Pe | Kapingam | 5:2 | bolo goodou gi-ngalua be digau hagaloohi-siibi o-di hagabuulinga siibi dela ne-dugu-adu go God, gi-benebene-ina mai godou hiihai manawa be di hiihai a God gei hagalee mai godou de-hiihai. | |
| I Pe | Kapingam | 5:3 | Goodou hudee heia goodou gii-dagi digau ala e-benebene, gei goodou heia nia mee e-kawe go digaula. | |
| I Pe | Kapingam | 5:4 | I-di madagoaa Tangada Hagaloohi-siibi Aamua ga-hanimoi, goodou gaa-kae di hau madamada dela hagalee ngudu dono dingidingia. | |
| I Pe | Kapingam | 5:5 | Gei goodou ala go nia dama-daane, goodou gi-dugu-anga goodou gi digau mmaadua. Goodou gi-hila-gi-lala, gi-hagadau-maamaa i godou mehanga. Idimaa, di Beebaa-Dabu e-helekai, “God e-hai-baahi gi-nia daangada ala e-hagamuamua, ge e-wanga dono dumaalia gi digau ala e-hila-gi-lala.” | |
| I Pe | Kapingam | 5:6 | Malaa, goodou gi-hila-gi-lala, i-lala nia mogobuna o God, go Mee dela ga-haga-menege-aga goodou i dono madagoaa humalia. | |
| I Pe | Kapingam | 5:7 | Dugu-ina godou manawa-gee huogodoo gi Mee, idimaa, Mee e-madamada humalia i goodou. | |
| I Pe | Kapingam | 5:8 | Goodou gi-hagatogomaalia ge gi-kanakana, idimaa, di-godou hagadaumee go Setan, e-heehee ge e-wolowolo gadoo be-di laion, e-halahala dana dangada e-gai. | |
| I Pe | Kapingam | 5:9 | Goodou gi-hai-baahi gi di-godou hagadaumee, gei gi-mau-dangihi i-di godou hagadonu, idimaa, goodou gu-iloo bolo godou duaahina-daumaha ala e-noho i-nia madagowaa huogodoo i henuailala, e-hai be goodou i-lodo di hagaduadua dela e-tale ginai goodou. | |
| I Pe | Kapingam | 5:10 | I-muli di hagaduadua bodobodo-nei, God honu tumaalia dela ne-haga-gahi-mai goodou gi-hai-mee gi dono madamada dee-odi i-di godou hagadaubuni ang-gi Christ, ga-haga-manawa lamalia, hagamaaloo-aga, ge haga-mau-dangihi goodou. | |
| I Pe | Kapingam | 5:12 | Au e-hihi di lede bodobodo deenei mai i-di hagamaamaa o Silas, e-dugu ko-au bolo tuaahina manawa-dahi. Au e-hagamaaloo-aga godou manawa, ge e-haga-modongoohia-adu gi goodou bolo deenei go tumaalia donu o God. Goodou gii-tuu maaloo i tumaalia deenei. | |
| I Pe | Kapingam | 5:13 | Godou duaahina nohongo-dabu i Babylon gu-hilihili-aga gadoo be goodou mai di manawa o God, digaula mo dagu dama-daane go Mark, e-hagau-adu di-nadau hagaaloho. | |