Site uses cookies to provide basic functionality.

OK
JEREMIAH
Prev Up Next
Chapter 43
Jere TpiKJPB 43:1  ¶ Na em i kamap olsem, long taim Jeremaia i bin wokim wanpela pinis bilong toktok long olgeta manmeri long olgeta toktok bilong BIKPELA, God bilong ol, long dispela BIKPELA, God bilong ol, i bin salim em long ol, yes, olgeta dispela toktok,
Jere TpiKJPB 43:2  Orait Asaraia, pikinini man bilong Hosea, na Johanan, pikinini man bilong Karea, na olgeta hambak man i tokim Jeremaia, i spik, Yu toktok giaman. BIKPELA, God bilong yumi, i no bin salim yu long tok, No ken go insait long Isip bilong stap waira long dispela hap.
Jere TpiKJPB 43:3  Tasol Baruk, pikinini man bilong Neraia, i mekim yu birua long mipela, bilong givim mipela i go long han bilong ol lain Kaldia, inap long ol i ken mekim mipela dai, na karim mipela i go kalabus long Babilon.
Jere TpiKJPB 43:4  Olsem na Johanan, pikinini man bilong Karea, na olgeta kepten bilong ol soldia, na olgeta manmeri, i no bihainim nek bilong BIKPELA, bilong stap long hap bilong Juda.
Jere TpiKJPB 43:5  Tasol Johanan, pikinini man bilong Karea, na olgeta kepten bilong ol soldia, i kisim olgeta hap lain i stap yet bilong Juda, husat i kam bek long olgeta kantri, we ol i bin ranim ol i go, bilong stap gen long hap bilong Juda,
Jere TpiKJPB 43:6  Yes, ol man, na ol meri, na ol pikinini, na ol pikinini meri bilong king, na olgeta wan wan man husat Nebusaredan, kepten bilong ol wasman, i bin lusim wantaim Gedalaia, pikinini man bilong Ahikam, pikinini man bilong Safan, na profet Jeremaia, na Baruk, pikinini man bilong Neraia.
Jere TpiKJPB 43:7  Olsem na ol kam insait long hap bilong Isip. Long wanem, ol i no bihainim nek bilong BIKPELA. Yes, olsem tasol ol i kam long Tapanes.
Jere TpiKJPB 43:8  ¶ Nau tok bilong BIKPELA i kam long Jeremaia long Tapanes, i spik,
Jere TpiKJPB 43:9  Kisim ol bikpela ston long han bilong yu, na haitim ol long retpela graun insait long ples bilong kukim brik, dispela i stap long ai bilong haus bilong Fero long Tapanes, long hap ai bilong olgeta man bilong Juda i lukim.
Jere TpiKJPB 43:10  Na tokim ol, BIKPELA bilong ol ami, God bilong Isrel, i tok olsem, Lukim, Mi bai salim na kisim Nebukadresar, king bilong Babilon, wokboi bilong Mi, na Mi bai putim sia king bilong em antap long ol dispela ston, dispela Mi bin haitim. Na em bai opim haus sel king bilong em antap long ol.
Jere TpiKJPB 43:11  Na taim em i kam, em bai paitim hap bilong Isip, na givim kain lain i bilong dai long dai, na kain lain i bilong kalabus long kalabus, na kain lain i bilong bainat long bainat.
Jere TpiKJPB 43:12  Na Mi bai kirapim wanpela paia long ol haus bilong ol god bilong Isip. Na em bai kukim ol, na karim ol i go kalabus. Na em bai bilasim em yet wantaim hap bilong Isip, olsem wanpela wasman bilong sipsip i putim klos bilong em. Na em bai go ausait i lusim dispela ples wantaim bel isi.
Jere TpiKJPB 43:13  Em bai brukim tu ol piksa god bilong Bet-semes, dispela i stap long hap bilong Isip. Na ol haus bilong ol god bilong Isip bai em i kukim wantaim paia.