JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 28
| Jere | TpiKJPB | 28:1 | ¶ Na em i kamap olsem long dispela yia stret, long stat bilong taim Sedekaia, king bilong Juda, i bosim kingdom, long namba foa yia, na long namba faiv mun, long Hananaia, pikinini man bilong profet Asur, husat i bilong Gibion, i toktok long mi long haus bilong BIKPELA, long pes bilong ol pris na bilong olgeta manmeri, i spik, | |
| Jere | TpiKJPB | 28:2 | BIKPELA bilong ol ami, God bilong Isrel, i toktok olsem, i spik, Mi bin brukim yok bilong king bilong Babilon. | |
| Jere | TpiKJPB | 28:3 | Insait long tupela yia olgeta bai Mi bringim gen long dispela ples olgeta sospen samting bilong haus bilong BIKPELA, dispela Nebukatnesar, king bilong Babilon, i bin tekewe long dispela ples, na karim ol i go long Babilon. | |
| Jere | TpiKJPB | 28:4 | Na Mi bai bringim gen long dispela ples Jekonaia, pikinini man bilong Jehoiakim, king bilong Juda, wantaim olgeta kalabus lain bilong Juda, husat i go long Babilon, BIKPELA i tok. Long wanem, Mi bai brukim yok bilong king bilong Babilon. | |
| Jere | TpiKJPB | 28:5 | Nau profet Jeremaia i tokim profet Hananaia long pes bilong ol pris, na long pes bilong olgeta manmeri husat i sanap long haus bilong BIKPELA, | |
| Jere | TpiKJPB | 28:6 | Yes, profet Jeremaia i tok, Amen. BIKPELA i ken mekim olsem. BIKPELA i ken mekim ol toktok bilong yu, dispela yu bin autim tok profet long en, bilong bringim gen ol sospen samting bilong haus bilong BIKPELA, na olgeta husat ol i karim i go kalabus, i lusim Babilon i kam long dispela ples. | |
| Jere | TpiKJPB | 28:7 | Tasol yu harim nau dispela tok long mi bai toktok long tupela ia bilong yu, na long ol ia bilong olgeta manmeri. | |
| Jere | TpiKJPB | 28:8 | Ol profet bilong taim bipo husat i bin stap bipo long mi na bipo long yu i autim tok profet i birua long planti kantri, na i birua long ol bikpela kingdom wantaim, bilong bikpela pait, na bilong samting nogut, na bilong sik nogut. | |
| Jere | TpiKJPB | 28:9 | Dispela profet husat i autim tok profet long bel isi, taim tok bilong profet bai kamap olsem, nau bai ol lain i save long dispela profet, long tru tru BIKPELA i bin salim em i kam. | |
| Jere | TpiKJPB | 28:10 | ¶ Nau profet Hananaia i rausim yok long nek bilong profet Jeremaia, na brukim dispela. | |
| Jere | TpiKJPB | 28:11 | Na Hananaia i autim tok long pes bilong olgeta manmeri, i spik, BIKPELA i tok olsem, Yes, olsem tasol bai Mi brukim yok bilong Nebukatnesar, king bilong Babilon, i lusim nek bilong olgeta kantri insait long taim bilong tupela yia olgeta. Na profet Jeremaia i go long rot bilong em. | |
| Jere | TpiKJPB | 28:12 | Nau tok bilong BIKPELA i kam long profet Jeremaia, bihain long profet Hananaia i bin brukim yok i lusim nek bilong profet Jeremaia, i spik, | |
| Jere | TpiKJPB | 28:13 | Go na tokim Hananaia, i spik, BIKPELA i tok olsem, Yu bin brukim ol yok diwai, tasol yu bai wokim long ol ol yok ain. | |
| Jere | TpiKJPB | 28:14 | Long wanem, BIKPELA bilong ol ami, God bilong Isrel, i tok olsem, Mi bin putim wanpela yok ain antap long nek bilong olgeta dispela kantri, inap long ol i ken stap aninit long Nebukatnesar, king bilong Babilon. Na ol bai stap aninit long em. Na Mi bin givim long em olgeta animal bilong ples kunai tu. | |
| Jere | TpiKJPB | 28:15 | Nau profet Jeremaia i tokim profet Hananaia, Harim nau, Hananaia, BIKPELA i no bin salim yu. Tasol yu mekim ol dispela manmeri putim bilip bilong ol long wanpela giaman. | |
| Jere | TpiKJPB | 28:16 | Olsem na, BIKPELA i tok olsem, Lukim, Mi bai rausim yu ausait long pes bilong dispela graun. Dispela yia bai yu dai, bilong wanem, yu bin skulim ol lain long kamap bikhet i birua long BIKPELA. | |