JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 41
| Jere | TpiKJPB | 41:1 | ¶ Nau em i kamap olsem long namba seven mun, long Ismel, pikinini man bilong Netanaia, pikinini man bilong Elisama, tumbuna pikinini bilong ol lain king, na ol hetman bilong king, yes, tenpela man wantaim em, i kam long Gedalaia, pikinini man bilong Ahikam, long Mispa. Na long dispela hap ol i bin kaikai bret wantaim long Mispa. | |
| Jere | TpiKJPB | 41:2 | Nau Ismel, pikinini man bilong Netanaia, i kirap, na dispela tenpela man husat i stap wantaim em, na ol i paitim Gedalaia, pikinini man bilong Ahikam, pikinini man bilong Safan, wantaim bainat, na kilim em i dai, husat king bilong Babilon i bin makim nambawan gavman long bosim dispela hap. | |
| Jere | TpiKJPB | 41:3 | Ismel i kilim i dai tu olgeta Ju husat i stap wantaim em, yes, wantaim Gedalaia, long Mispa, na ol lain Kaldia husat ol i lukim long dispela hap, na ol man bilong bikpela pait. | |
| Jere | TpiKJPB | 41:4 | Na em i kamap olsem long namba tu de bihain long em i bin kilim i dai Gedalaia, na i no gat man i save long en, | |
| Jere | TpiKJPB | 41:5 | Long i gat sampela i kam long Sekem, long Sailo, na long Samaria, yes, 80 man, taim ol i bin katim maus gras bilong ol, na taim ol klos bilong ol i bruk, na taim ol i bin katim ol yet , wantaim ol ofa na insens long han bilong ol, bilong bringim ol long haus bilong BIKPELA. | |
| Jere | TpiKJPB | 41:6 | Na Ismel, pikinini man bilong Netanaia, i go ausait long Mispa bilong bungim ol , taim em i krai tru long olgeta hap bilong rot taim em i go. Na em i kamap olsem, taim em i bungim ol, em i tokim ol, Kam long Gedalaia, pikinini man bilong Ahikam. | |
| Jere | TpiKJPB | 41:7 | Na em i stap olsem, taim ol i kam insait long namel bilong biktaun, long Ismel, pikinini man bilong Netanaia, i kilim ol i dai, na tromoi ol i go long namel bilong bikpela hul, em, na ol man husat i stap wantaim em. | |
| Jere | TpiKJPB | 41:8 | Tasol ol i lukim tenpela man namel long ol husat i tokim Ismel, No ken kilim mipela i dai. Long wanem, mipela i gat ol samting i dia tru long ples kunai, bilong wit, na bilong bali, na bilong wel, na bilong hani. Olsem na em i stap isi, na em i no kilim ol i dai namel long ol brata bilong ol. | |
| Jere | TpiKJPB | 41:9 | Nau dispela bikpela hul we Ismel i bin tromoi olgeta daibodi bilong ol man, husat em i bin kilim i dai bilong tingim Gedalaia, em dispela samting king Esa i bin wokim bikos em i pret long Beasa, king bilong Isrel. Na Ismel, pikinini man bilong Netanaia, i pulimapim dispela wantaim ol lain husat ol i kilim i dai. | |
| Jere | TpiKJPB | 41:10 | Nau Ismel i karim i go kalabus olgeta lain i stap yet bilong ol manmeri husat i stap long Mispa, yes, ol pikinini meri bilong king, na olgeta manmeri husat i stap yet long Mispa, husat Nebusaredan, kepten bilong ol wasman, i bin putim long han bilong Gedalaia, pikinini man bilong Ahikam. Na Ismel, pikinini man bilong Netanaia, i karim ol i go kalabus, na em i lusim dispela hap bilong go hapsait i go long ol lain Amon. | |
| Jere | TpiKJPB | 41:11 | ¶ Tasol taim Johanan, pikinini man bilong Karea, na olgeta kepten bilong ol soldia husat i stap wantaim em, i harim long olgeta dispela pasin nogut Ismel, pikinini man bilong Netanaia, i bin mekim, | |
| Jere | TpiKJPB | 41:12 | Nau ol i kisim olgeta man, na go bilong pait wantaim Ismel, pikinini man bilong Netanaia, na ol i painim em pinis klostu long ol dispela bikpela wara i stap long Gibion. | |
| Jere | TpiKJPB | 41:13 | Nau em i kamap olsem, long taim olgeta manmeri husat i stap wantaim Ismel i lukim Johanan, pikinini man bilong Karea, na olgeta kepten bilong ol soldia husat i stap wantaim em, nau ol i amamas. | |
| Jere | TpiKJPB | 41:14 | Olsem na olgeta manmeri husat Ismel i bin karim i go kalabus long Mispa i tingting gut nabaut na go bek, na go long Johanan, pikinini man bilong Karea | |
| Jere | TpiKJPB | 41:15 | Tasol Ismel, pikinini man bilong Netanaia, i ranawe long Johanan wantaim etpela man, na go long ol lain Amon. | |
| Jere | TpiKJPB | 41:16 | Nau Johanan, pikinini man bilong Karea, na olgeta kepten bilong ol soldia husat i stap wantaim em, i kisim olgeta hap lain i stap yet bilong ol manmeri husat em i bin kisim bek gen long Ismel, pikinini man bilong Netanaia, long Mispa, bihain long em i bin kilim i dai Gedalaia, pikinini man bilong Ahikam, yes, ol strongpela man bilong bikpela pait, na ol meri, na ol pikinini, na ol yunik, husat em i bin bringim gen long Gibion. | |
| Jere | TpiKJPB | 41:17 | Na ol i lusim dispela hap, na stap long ples bilong stap bilong Kimham, dispela i klostu long Betlehem, bilong go insait long hap bilong Isip, | |