JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 47
| Jere | CopSahBi | 47:1 | ⲡϣⲁϫⲉ ⲉⲛⲧⲁϥϣⲱⲡⲉ ϣⲁ ⲓⲉⲣⲉⲙⲓⲁⲥ ⲉⲃⲟⲗ ϩⲓⲧⲙ ⲡϫⲟⲉⲓⲥ ⲙⲛⲛⲥⲁ ⲧⲣⲉϥϫⲟⲟⲩ ⲛϭⲓ ⲛⲁⲃⲟⲩⲍⲁⲣⲇⲁⲛ ⲡⲁⲣⲭⲓⲙⲁⲅⲓⲣⲟⲥ ⲉⲃⲟⲗ ϩⲛ ⲇⲁⲙⲁⲛ ⲛⲧⲉⲣⲉϥϫⲓ ϩⲛ ϩⲉⲛⲉⲓⲛⲉ ⲛϩⲟⲙⲧ ϩⲛ ⲧⲙⲏⲧⲉ ⲛⲧⲁⲡⲟⲓⲕⲓⲁ ⲛⲓⲟⲩⲇⲁ ⲉⲃⲟⲗ ϩⲛ ⲛⲉⲩϩⲏⲅⲉⲙⲱⲛ ⲉϩⲣⲁⲓ ⲉⲧⲃⲁⲃⲩⲗⲱⲛ | |
| Jere | CopSahBi | 47:2 | ⲁⲩⲱ ⲁϥϫⲓ ⲛⲓⲉⲣⲉⲙⲓⲁⲥ ⲛϭⲓ ⲡⲁⲣⲭⲓⲙⲁⲅⲓⲣⲟⲥ ⲡⲉϫⲁϥ ⲛⲁϥ ϫⲉ ⲡϫⲟⲉⲓⲥ ⲡⲉⲕⲛⲟⲩⲧⲉ ⲁϥϣⲁϫⲉ ⲛⲛⲉⲓⲡⲉⲑⲟⲟⲩ ⲉⲛⲧⲟⲩ ⲉϫⲙ ⲡⲉⲓⲙⲁ | |
| Jere | CopSahBi | 47:4 | ⲉⲓⲥ ϩⲏⲏⲧⲉ ϭⲉ ⲁⲓⲃⲟⲗⲕ ⲉⲃⲟⲗ ϩⲛ ⲡⲉⲓⲛⲉ ⲛϩⲟⲙⲧ ⲉⲧϩⲛⲛⲉⲕϭⲓϫ ⲉϣϫⲉ ⲛⲁⲛⲟⲩⲥ ⲙⲡⲉⲕⲙⲧⲟ ⲉⲃⲟⲗ ⲉⲧⲣⲉⲕⲉⲓ ⲛⲙⲙⲁⲓ ⲉⲧⲃⲁⲃⲩⲗⲱⲛ ⲉⲉⲓⲉ ⲁⲙⲟⲩ ⲁⲩⲱ ϯⲛⲁⲟⲃϣⲧ ⲉⲣⲟⲕ ⲁⲛ | |
| Jere | CopSahBi | 47:5 | ⲉϣϫⲉ ⲟⲩⲡⲟⲛⲏⲣⲟⲛ ⲇⲉ ⲡⲉ ⲛⲛⲁϩⲣⲛ ⲛⲉⲕⲃⲁⲗ ⲉⲧⲣⲉⲕⲉⲓ ⲉⲧⲃⲁⲃⲩⲗⲱⲛ ⲉⲉⲓⲉ ⲕⲟⲧⲕ ⲛⲅⲃⲱⲕ ϣⲁ ⲅⲟⲇⲟⲗⲓⲁⲥ ⲡϣⲏⲣⲉ ⲛⲁⲭⲓⲕⲁⲙ ⲡϣⲏⲣⲉ ⲛⲥⲁⲫⲁⲛ ⲡⲁⲓ ⲉⲛⲧⲁϥⲕⲁⲑⲓⲥⲧⲁ ⲙⲙⲟϥ ⲛϭⲓ ⲡⲣⲣⲟ ⲛⲧⲃⲁⲃⲩⲗⲱⲛ ϩⲛ ⲡⲕⲁϩ ⲛⲓⲟⲩⲇⲁ ⲛⲅⲟⲩⲱϩ ⲛⲙⲙⲁϥ ⲛⲧⲙⲏⲧⲉ ⲙⲡⲗⲁⲟⲥ ϩⲱⲃ ⲛⲓⲙ ⲉⲧⲛⲁⲛⲟⲩϥ ⲛⲛⲁϩⲣⲛ ⲛⲉⲕⲃⲁⲗ ⲉⲁⲁⲩ ⲙⲟⲟϣⲉ ⲛⲅⲁⲁⲩ ⲁⲩⲱ ⲡⲁⲣⲭⲓⲙⲁⲅⲓⲣⲟⲥ ⲁϥϯ ⲛϩⲉⲛⲇⲱⲣⲟⲛ ⲛⲁϥ ⲁϥϫⲟⲟⲩϥ | |
| Jere | CopSahBi | 47:6 | ⲉⲣⲁⲧϥ ⲛⲅⲟⲇⲟⲗⲓⲁⲥ ⲡϣⲏⲣⲉ ⲛⲁⲭⲓⲕⲁⲙ ⲉϩⲣⲁⲓ ⲉⲙⲁⲥⲥⲏⲫⲁ ⲁϥϩⲙⲟⲟⲥ ⲛⲧⲙⲏⲧⲉ ⲙⲡⲗⲁⲟⲥ ⲉⲛⲧⲁϥϣⲱϫⲡ ϩⲙ ⲡⲕⲁϩ | |
| Jere | CopSahBi | 47:7 | ⲁⲩⲥⲱⲧⲙ ⲧⲏⲣⲟⲩ ⲛϭⲓ ⲛϩⲏⲅⲉⲙⲱⲛ ⲛⲧϭⲟⲙ ⲉⲧϩⲛⲧⲥⲱϣⲉ ⲛⲧⲟⲟⲩ ⲙⲛ ⲛⲉⲩⲣⲱⲙⲉ ⲉⲧϩⲛⲧⲥⲱϣⲉ ϫⲉ ⲁⲡⲣⲣⲟ ⲛⲧⲃⲁⲃⲩⲗⲱⲛ ⲕⲁⲑⲓⲥⲧⲁ ⲛⲅⲟⲇⲟⲗⲓⲁⲥ ϩⲙ ⲡⲕⲁϩ ⲁⲩⲱ ⲁϥϯ ⲉⲧⲟⲟⲧϥ ⲛϩⲉⲛⲣⲱⲙⲉ ⲙⲛ ⲛⲉⲩϩⲓⲟⲙⲉ ⲛⲁⲓ ⲉⲛⲧⲁϥⲡⲟⲟⲛⲟⲩ ⲉϩⲣⲁⲓ ⲉⲧⲃⲁⲃⲩⲗⲱⲛ | |
| Jere | CopSahBi | 47:8 | ⲁⲩⲱ ⲁⲩⲉⲓ ϣⲁ ⲅⲟⲇⲟⲗⲓⲁⲥ ⲉϩⲣⲁⲓ ⲉⲙⲁⲥⲥⲏⲫⲁ ⲛϭⲓ ⲥⲁⲙⲁⲏⲗ ⲡϣⲏⲣⲉ ⲛⲁⲑⲁⲛⲓⲁⲥ ⲙⲛ ⲓⲱⲁⲛⲁⲛ ⲡϣⲏⲣⲉ ⲛⲕⲁⲣⲏⲉ ⲙⲛ ⲥⲁⲣⲁⲓⲁⲥ ⲡϣⲏⲣⲉ ⲛⲑⲁⲛⲁⲉⲙⲉⲑ ⲙⲛ ⲛϣⲏⲣⲉ ⲛⲱⲫⲉ ⲡϣⲏⲣⲉ ⲛⲛⲉⲧⲱⲫⲁⲧⲉⲓ ⲙⲛ ⲓⲉⲍⲟⲛⲓⲁⲥ ⲡϣⲏⲣⲉ ⲛⲙⲟⲭⲁⲧⲉⲓ ⲛⲧⲟⲟⲩ ⲙⲛ ⲛⲉⲩⲣⲱⲙⲉ | |
| Jere | CopSahBi | 47:9 | ⲁⲩⲱ ⲁϥⲱⲣⲕ ⲛⲁⲩ ⲛϭⲓ ⲅⲟⲇⲟⲗⲓⲁⲥ ⲙⲛ ⲛⲉⲩⲕⲉⲣⲱⲙⲉ ⲉϥϫⲱ ⲙⲙⲟⲥ ⲛⲁⲩ ϫⲉ ⲙⲡⲣⲣϩⲟⲧⲉ ϩⲏⲧⲟⲩ ⲛⲛϩⲙϩⲁⲗ ⲛⲛⲉⲭⲁⲗⲇⲁⲓⲟⲥ ⲁⲗⲗⲁ ⲟⲩⲱϩ ϩⲓϫⲙ ⲡⲉⲓⲕⲁϩ ⲛⲧⲉⲧⲛⲣϩⲱⲃ ⲙⲡⲣⲣⲟ ⲛⲧⲃⲁⲃⲩⲗⲱⲛ ⲁⲩⲱ ⲡⲉⲧⲛⲁⲛⲟⲩϥ ⲛⲁϣⲱⲡⲉ ⲛⲏⲧⲛ | |
| Jere | CopSahBi | 47:10 | ⲉⲓⲥ ϩⲏⲏⲧⲉ ⲁⲛⲟⲕ ϯϩⲙⲟⲟⲥ ⲙⲡⲉⲧⲛⲙⲧⲟ ⲉⲃⲟⲗ ϩⲛ ⲙⲁⲥⲥⲏⲫⲁ ⲉⲧⲣⲁⲁϩⲉⲣⲁⲧ ⲙⲡⲉⲙⲧⲟ ⲉⲃⲟⲗ ⲛⲛⲉⲭⲁⲗⲇⲁⲓⲟⲥ ⲛⲁⲓ ⲉⲧⲛⲏⲩ ⲉϫⲛ ⲧⲏⲩⲧⲛ ⲛⲧⲱⲧⲛ ⲇⲉ ϩⲱⲧ ⲧⲏⲩⲧⲛ ⲥⲱⲟⲩϩ ⲛⲟⲩⲏⲣⲡ ⲙⲛ ⲟⲩϩⲟⲡⲱⲣⲁ ⲙⲛ ⲟⲩⲛⲉϩ ⲛⲧⲉⲧⲛⲛⲟϫⲟⲩ ⲉϩⲣⲁⲓ ⲉⲛⲉⲧⲛⲁⲅⲅⲓⲟⲛ ⲛⲧⲉⲧⲛϣⲱⲡⲉ ϩⲛ ⲙⲡⲟⲗⲓⲥ ⲛⲁⲓ ⲉⲛⲧⲁⲧⲉⲧⲛⲁⲙⲁϩⲧⲉ ⲉϫⲱⲟⲩ | |
| Jere | CopSahBi | 47:11 | ⲛⲓⲟⲩⲇⲁⲓ ⲧⲏⲣⲟⲩ ⲉⲧϩⲙⲡⲕⲁϩ ⲙⲙⲱⲁⲃ ⲙⲛ ⲛⲉⲧϩⲙⲡⲕⲁϩ ⲛⲛϣⲏⲣⲉ ⲛⲁⲙⲙⲱⲛ ⲙⲛ ⲛⲉⲧϩⲛϯⲇⲟⲩⲙⲁⲓⲁ ⲙⲛ ⲛⲉⲧϩⲙⲡⲕⲁϩ ⲧⲏⲣϥ ⲁⲩⲥⲱⲧⲙ ⲛϫⲉ ⲁⲡⲣⲣⲟ ⲛⲧⲃⲁⲃⲩⲗⲱⲛ ϯ ⲛⲟⲩϣⲱϫⲡ ⲛⲛⲣⲱⲙⲉ ⲛⲓⲟⲩⲇⲁ ⲁⲩⲱ ϫⲉ ⲁϥⲕⲁⲑⲓⲥⲧⲁ ⲛⲅⲟⲇⲟⲗⲓⲁⲥ ⲡϣⲏⲣⲉ ⲛⲁⲭⲓⲕⲁⲙ ⲉϩⲣⲁⲓ ⲉϫⲱⲟⲩ | |
| Jere | CopSahBi | 47:12 | ⲁⲩⲕⲧⲟⲟⲩ ϭⲉ ⲛϭⲓ ⲛⲓⲟⲩⲇⲁⲓ ⲉⲃⲟⲗ ϩⲛ ⲛⲉⲩⲙⲁ ⲉⲛⲧⲁⲩϫⲱⲱⲣⲉ ⲉⲣⲟⲟⲩ ⲁⲩⲉⲓ ⲉϩⲣⲁⲓ ⲉⲡⲕⲁϩ ⲛⲓⲟⲩⲇⲁ ϣⲁ ⲅⲟⲇⲟⲗⲓⲁⲥ ⲉϩⲣⲁⲓ ⲉⲙⲁⲥⲥⲏⲫⲁ ⲁⲩⲥⲱⲟⲩϩ ⲉϩⲟⲩⲛ ⲛⲟⲩⲏⲣⲡ ⲙⲛ ⲟⲩⲛⲟϭ ⲛϩⲟⲡⲱⲣⲁ ⲉⲛⲁϣⲱⲥ ⲙⲛ ⲟⲩⲛⲉϩ | |
| Jere | CopSahBi | 47:13 | ⲁⲩⲱ ⲓⲱⲁⲛⲁⲛ ⲡϣⲏⲣⲉ ⲛⲕⲁⲣⲏⲉ ⲙⲛ ⲛϩⲏⲅⲉⲙⲱⲛ ⲧⲏⲣⲟⲩ ⲛⲧϭⲟⲙ ⲛⲁⲓ ⲉⲧϩⲛⲧⲥⲱϣⲉ ⲁⲩⲉⲓ ϣⲁ ⲅⲟⲇⲟⲗⲓⲁⲥ ⲉⲙⲁⲥⲥⲏⲫⲁ | |
| Jere | CopSahBi | 47:14 | ⲡⲉϫⲁⲩ ⲛⲁϥ ϫⲉ ϩⲛ ⲟⲩⲉⲓⲙⲉ ⲕⲉⲓⲙⲉ ϫⲉ ⲃⲉⲗⲓⲥⲁ ⲡⲣⲣⲟ ⲛⲛϣⲏⲣⲉ ⲛⲁⲙⲙⲱⲛ ⲁϥϫⲟⲟⲩ ⲓⲥⲙⲁⲏⲗ ⲡϣⲏⲣⲉ ⲛⲁⲑⲁⲛⲓⲁⲥ ⲉⲧⲣⲉϥⲡⲁⲧⲁⲥⲥⲉ ⲛⲧⲉⲕⲯⲩⲭⲏ ⲁⲩⲱ ⲅⲟⲇⲟⲗⲓⲁⲥ ⲙⲡϥⲡⲓⲥⲧⲉⲩ ⲛⲁⲩ | |
| Jere | CopSahBi | 47:15 | ⲡⲉϫⲉⲓⲱⲁⲛⲁⲛ ⲛⲅⲟⲇⲟⲗⲓⲁⲥ ϩⲛ ⲟⲩϩⲱⲡ ϩⲛ ⲙⲁⲥⲥⲏⲫⲁ ϫⲉ ϯⲛⲁⲃⲱⲕ ⲧⲉⲛⲟⲩ ⲧⲁⲡⲁⲧⲁⲥⲥⲉ ⲛⲓⲥⲙⲁⲏⲗ ⲙⲡⲣⲧⲣⲉⲗⲁⲁⲩ ⲉⲓⲙⲉ ⲙⲏⲡⲱⲥ ⲛϥⲡⲁⲧⲁⲥⲥⲉ ⲛⲧⲉⲕⲯⲩⲭⲏ ⲛⲥⲉϫⲱⲱⲣⲉ ⲉⲃⲟⲗ ⲛϭⲓ ⲛⲓⲟⲩⲇⲁⲓ ⲧⲏⲣⲟⲩ ⲉⲧⲥⲟⲟⲩϩ ⲉⲣⲟⲕ ⲁⲩⲱ ⲛⲥⲉⲧⲁⲕⲟ ⲛϭⲓ ⲛϣⲱϫⲡ ⲛⲓⲟⲩⲇⲁ | |