JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 52
| Jere | CopSahBi | 52:1 | ϩⲛ ⲧⲙⲉϩϫⲟⲩⲧ ⲟⲩⲉⲉ ⲛⲣⲟⲙⲡⲉ ⲛⲥⲉⲇⲉⲕⲓⲁⲥ ⲛⲧⲉⲣⲉϥⲣⲣⲣⲟ ⲁⲩⲱ ⲁϥⲣⲣⲣⲟ ⲙⲙⲛⲧⲟⲩⲉ ⲛⲣⲟⲙⲡⲉ ⲁⲩⲱ ⲡⲣⲁⲛ ⲛⲧⲉϥⲙⲙⲁⲁⲩ ⲡⲉ ⲁⲙⲡⲓⲧⲁⲁⲗ ⲧϣⲉⲉⲣⲉ ⲛⲓⲉⲣⲉⲙⲓⲁⲥ ⲡⲉⲃⲟⲗ ϩⲛ ⲗⲟⲃⲉⲛⲁ | |
| Jere | CopSahBi | 52:4 | ⲁⲩⲱ ⲁⲥϣⲱⲡⲉ ϩⲛ ⲧⲙⲉϩⲯⲓⲧ ⲛⲣⲟⲙⲡⲉ ⲛⲧⲉϥⲙⲛⲧⲉⲣⲟ ϩⲙ ⲡⲙⲉϩⲯⲓⲧ ⲛⲉⲃⲟⲧ ⲛⲥⲟⲩⲙⲏⲧ ⲙⲡⲉⲃⲟⲧ ⲁϥⲉⲓ ⲛϭⲓ ⲛⲁⲃⲟⲩⲭⲟⲇⲟⲛⲟⲥⲟⲣ ⲡⲣⲣⲟ ⲛⲧⲃⲁⲃⲩⲗⲱⲛ ⲙⲛ ⲧⲉϥϭⲟⲙ ⲧⲏⲣⲥ ⲉϫⲛ ⲑⲓⲏⲙ ⲁⲩⲕⲱⲧⲉ ⲉⲣⲟⲥ ⲁⲩⲱ ⲁⲩⲕⲱⲧ ϩⲓⲣⲱⲥ ⲛⲟⲩⲥⲟⲃⲧ ⲛϥⲧⲟⲩ ϣⲓⲙⲉ ⲛⲱⲛⲉ ⲉⲩⲕⲱⲧⲉ | |
| Jere | CopSahBi | 52:7 | ⲁⲩⲱ ⲁⲩϭⲱⲧϩ ⲉⲧⲡⲟⲗⲓⲥ ⲣⲣⲱⲙⲉ ⲧⲏⲣⲟⲩ ⲛⲣⲉϥⲙⲓϣⲉ ⲁⲩⲡⲱⲧ ⲁⲩⲉⲓ ⲉⲃⲟⲗ ϩⲛ ⲧⲡⲟⲗⲓⲥ ⲛⲧⲉⲩϣⲏ ϩⲛ ⲧⲉϩⲓⲏ ⲛⲧⲡⲩⲗⲏ ⲛⲧⲙⲏⲧⲉ ⲙⲡⲥⲟⲃⲧ ⲁⲩⲱ ⲧϫⲟ ⲉⲧϩⲓⲃⲟⲗ ⲉⲧϩⲓⲧⲟⲩⲛ ⲡⲕⲏⲡⲟⲥ ⲙⲡⲣⲣⲟ ⲁⲩⲱ ⲛⲉⲭⲁⲗⲇⲁⲓⲟⲥ ⲉⲩⲕⲧⲏⲩ ⲉⲧⲡⲟⲗⲓⲥ ⲁⲛⲏ ⲃⲱⲕ ϩⲛ ⲧⲉϩⲓⲏ ⲉϩⲣⲁⲓ ⲉⲁⲣⲁⲃⲁ | |
| Jere | CopSahBi | 52:8 | ⲁⲥⲡⲱⲧ ⲛϭⲓ ⲧϭⲟⲙ ⲛⲛⲉⲭⲁⲗⲇⲁⲓⲟⲥ ⲛⲥⲁ ⲡⲣⲣⲟ ϩⲓ ⲡⲉⲕⲣⲟ ⲛϩⲓⲉⲣⲓⲭⲱ ⲁⲩⲱ ⲛⲉϥϩⲙϩⲁⲗ ⲧⲏⲣⲟⲩ ⲁⲩϫⲱⲱⲣⲉ ⲉⲃⲟⲗ ⲛⲧⲟⲟⲧϥ | |
| Jere | CopSahBi | 52:10 | ⲡⲣⲣⲟ ⲇⲉ ⲛⲧⲃⲁⲃⲩⲗⲱⲛ ⲁϥⲕⲱⲛⲥ ⲛⲛϣⲏⲣⲉ ⲛⲥⲉⲇⲉⲕⲓⲁⲥ ⲙⲡⲉⲙⲧⲟ ⲉⲃⲟⲗ ⲛⲛⲉϥⲃⲁⲗ ⲁⲩⲱ ⲛⲁⲣⲭⲱⲛ ⲧⲏⲣⲟⲩ ⲛⲓⲟⲩⲇⲁ ⲁϥⲕⲟⲛⲥⲟⲩ ϩⲛ ⲇⲉⲃⲗⲁⲑⲁ | |
| Jere | CopSahBi | 52:11 | ⲃⲃⲁⲗ ⲇⲉ ⲛⲥⲉⲇⲉⲕⲓⲁⲥ ⲁϥⲁⲁⲩ ⲃⲃⲗⲗⲉ ⲁϥⲥⲟⲛϩϥ ϩⲛ ϩⲉⲛⲡⲉⲇⲉⲥ ⲁϥⲛⲧϥ ⲛϭⲓ ⲡⲣⲣⲟ ⲛⲧⲃⲁⲃⲩⲗⲱⲛ ⲉⲧⲃⲁⲃⲩⲗⲱⲛ ⲁϥⲧⲁⲁϥ ⲉⲟⲧⲡϥ ⲉϩⲟⲩⲛ ⲉⲡⲙⲁ ⲛⲥⲓⲕⲉ ϣⲁ ⲡⲉϩⲟⲟⲩ ⲉⲛⲧⲁϥⲙⲟⲩ ⲛϩⲏⲧϥ | |
| Jere | CopSahBi | 52:12 | ⲁⲩⲱ ϩⲣⲁⲓ ϩⲙ ⲡⲙⲉϩⲛϯⲟⲩ ⲛⲉⲃⲟⲧ ⲛⲥⲟⲩⲙⲏⲧ ⲙⲡⲉⲃⲟⲧ ⲁϥⲉⲓ ⲛϭⲓ ⲛⲁⲃⲟⲩⲍⲁⲣⲇⲁⲛ ⲡⲁⲣⲭⲓⲙⲁⲅⲓⲣⲟⲥ ⲉⲧⲁϩⲉⲣⲁⲧϥ ⲙⲡⲉⲙⲧⲟ ⲉⲃⲟⲗ ⲙⲡⲣⲣⲟ ⲛⲧⲃⲁⲃⲩⲗⲱⲛ ⲉϩⲣⲁⲓ ⲉⲑⲓⲏⲙ | |
| Jere | CopSahBi | 52:13 | ⲁϥⲣⲱⲕϩ ⲙⲡⲏⲓ ⲙⲡϫⲟⲉⲓⲥ ⲙⲛ ⲡⲏⲓ ⲙⲡⲣⲣⲟ ⲙⲛ ⲛⲏⲓ ⲧⲏⲣⲟⲩ ⲛⲧⲡⲟⲗⲓⲥ ⲁⲩⲱ ⲛⲟϭ ⲛⲓⲙ ⲛⲏⲓ ⲁϥⲣⲟⲕ ϩⲟⲩ ϩⲛ ⲟⲩⲥⲁⲧⲉ | |
| Jere | CopSahBi | 52:14 | ⲁⲩⲱ ⲥⲟⲧⲃ ⲛⲓⲙ ⲉⲧⲕⲱⲧⲉ ⲉⲑⲓⲏⲙ ⲁⲥϣⲣϣⲱⲣⲟⲩ ⲛϭⲓ ⲧϭⲟⲙ ⲧⲏⲣⲥ ⲛⲛⲉⲭⲁⲗⲇⲁⲓⲟⲥ ⲧⲁⲓ ⲉⲧϣⲟⲟⲡ ⲙⲛ ⲡⲁⲣⲭⲓⲙⲁⲅⲉⲓⲣⲟⲥ | |
| Jere | CopSahBi | 52:17 | ⲁⲩⲱ ⲛⲉⲥⲧⲩⲗⲟⲥ ⲛϩⲟⲙⲧ ⲉⲧϩⲙⲡⲏⲓ ⲙⲡϫⲟⲉⲓⲥ ⲙⲛ ⲛⲃⲁⲥⲓⲥ ⲙⲛ ⲧⲉⲑⲁⲗⲁⲥⲥⲁ ⲛϩⲟⲙⲧ ϩⲙ ⲡⲏⲓ ⲙⲡϫⲟⲉⲓⲥ ⲁⲩⲟⲩⲟϣϥⲟⲩ ⲛϭⲓ ⲛⲉⲭⲁⲗⲇⲁⲓⲟⲥ ⲁⲩϫⲓ ⲡⲉⲩϩⲟⲙⲧ ⲉϩⲣⲁⲓ ⲉⲧⲃⲁⲃⲩⲗⲱⲛ | |
| Jere | CopSahBi | 52:19 | ⲙⲛ ⲛϣⲟⲩⲣⲏ ⲙⲛ ⲛⲗⲩⲭⲛⲓⲁ ⲙⲛ ⲛⲉⲑⲩⲥⲕⲏ ⲙⲛ ⲛⲟⲩⲟⲧϩ ⲛⲉϩⲛⲁⲁⲩ ⲛⲉⲓⲉⲡ ⲛⲟⲩⲃ ⲉⲩⲟ ⲛⲛⲟⲩⲃ ⲧⲏⲣⲟⲩ ⲁⲩⲱ ⲛⲉⲧⲟ ⲛⲉⲓⲉⲡ ϩⲁⲧ ⲉϩⲉⲛϩⲁⲧ ⲧⲏⲣⲟⲩ ⲛⲉ ⲁϥϫⲓⲧⲟⲩ ⲛϭⲓ ⲡⲁⲣⲭⲓⲙⲁⲅⲉⲓⲣⲟⲥ | |
| Jere | CopSahBi | 52:20 | ⲁⲩⲱ ⲡⲉⲥⲧⲩⲗⲟⲥ ⲥⲛⲁⲩ ⲙⲛ ⲧⲉⲑⲁⲗⲁⲥⲥⲁ ⲙⲛ ⲡⲙⲛⲧⲥⲛⲟⲟⲩⲥ ⲙⲙⲁⲥⲉ ⲛϩⲟⲙⲧ ⲉⲧϩⲁⲣⲟⲥ ⲛⲧⲉⲑⲁⲗⲁⲥⲥⲁ ⲛⲁⲓ ⲉⲛⲧⲁⲡⲣⲣⲟ ⲥⲟⲗⲟⲙⲱⲛ ⲧⲁⲙⲓⲟⲟⲩ ⲉⲕⲁⲁⲩ ϩⲙ ⲡⲏⲓ ⲙⲡϫⲟⲉⲓⲥ ⲉⲙⲙⲛ ϣⲓ ϣⲟⲟⲡ ⲙⲡⲉⲩϩⲟⲙⲧ | |
| Jere | CopSahBi | 52:21 | ⲁⲩⲱ ⲛⲉⲥⲧⲩⲗⲟⲥ ⲛⲉϥⲟ ⲛⲙⲁⲃⲧⲏ ⲙⲙⲁϩⲉ ⲛϫⲓⲥⲉ ⲉⲡⲟⲩⲁ ⲡⲟⲩⲁ ⲁⲩⲱ ⲟⲩϩⲱⲥ ⲉϥⲛⲁⲣⲙⲛⲧⲥⲛⲟⲟⲩⲥ ⲙⲙⲁϩⲉ ⲡⲉ ⲡⲉϥⲕⲧⲟ ⲉⲣⲟϥ ⲉⲣⲉⲡⲉϥⲟⲩⲙⲟⲧ ⲛⲁⲣϥⲧⲟⲟⲩ ⲛⲧⲏⲏⲃⲉ ⲉϥⲕⲱⲧⲉ | |
| Jere | CopSahBi | 52:22 | ⲉⲣⲉⲟⲩⲧⲟⲩⲁ ⲛϩⲟⲙⲧ ϩⲓϫⲱⲟⲩ ⲉⲣⲉϯⲟⲩ ⲙⲙⲁϩⲉ ⲛϣⲓⲏ ϩⲓ ⲧⲡⲉ ⲙⲡⲉⲧⲟⲩⲁ ⲁⲩⲱ ⲟⲩⲙⲟⲩⲛⲅ ⲛϣⲛⲉ ⲙⲛ ϩⲉⲛⲙⲟⲩⲛⲅ ⲛϩⲉⲣⲙⲁⲛ ϩⲓϫⲙ ⲡⲉⲧⲟⲩⲁ ⲉⲩⲕⲱⲧⲉ ⲉⲣⲟϥ ⲉϩⲉⲛϩⲟⲙⲧ ⲧⲏⲣⲟⲩ ⲛⲉ ⲕⲁⲧⲁ ⲛⲁⲓ ⲟⲛ ⲛⲉⲩϣⲟⲟⲡ ⲡⲉ ⲙⲡⲙⲉϩⲥⲛⲁⲩ ⲛⲥⲧⲩⲗⲟⲥ ⲉⲩⲛϣⲙⲟⲩⲛ ⲛϩⲉⲣⲙⲁⲛ ϣⲟⲟⲡ ⲉⲡⲙⲁϩⲉ ⲙⲡⲙⲛⲧⲥⲛⲟⲟⲩⲥ ⲙⲙⲁϩⲉ | |
| Jere | CopSahBi | 52:23 | ⲉⲩⲛ ⲡⲥⲧⲁⲉⲓⲟⲩⲧⲁⲥⲉ ⲛϩⲉⲣⲙⲁⲛ ϩⲛ ⲟⲩⲥⲁ ⲛϩⲉⲣⲙⲁⲛ ⲇⲉ ⲧⲏⲣⲟⲩ ⲉⲧϩⲓϫⲛⲡⲉϣⲛⲉ ⲙⲡⲉϥⲕⲱⲧⲉ ⲥⲉⲉⲓⲣⲉ ⲛϣⲉ | |
| Jere | CopSahBi | 52:24 | ⲁⲩⲱ ⲁϥϫⲓ ⲛϭⲓ ⲡⲁⲣⲭⲓⲙⲁⲅⲉⲓⲣⲟⲥ ⲛⲥⲁⲣⲁⲓⲁⲥ ⲡϣⲟⲣⲡ ⲛⲟⲩⲏⲏⲃ ⲙⲛ ⲥⲟⲫⲟⲛⲓⲁⲥ ⲡⲉⲧⲟ ⲛⲡⲙⲉϩⲥⲛⲁⲩ ⲛⲟⲩⲏⲏⲃ ⲙⲛ ⲡϣⲟⲙⲧ ⲉⲧⲁⲣⲉϩ ⲉⲧⲉϩⲓⲏ | |
| Jere | CopSahBi | 52:25 | ⲙⲛ ⲟⲩⲥⲓⲟⲩⲣ ⲡⲉⲧⲟ ⲛⲉⲡⲓⲥⲧⲁⲧⲏⲥ ⲉϫⲛ ⲛⲣⲱⲙⲉ ⲉⲧⲙⲓϣⲉ ⲙⲛ ⲥⲁϣϥ ⲛⲣⲱⲙⲉ ⲛⲁⲓ ⲉⲧⲟ ⲛⲣⲙⲛⲥⲟⲉⲓⲧ ⲙⲡⲉⲙⲧⲟ ⲉⲃⲟⲗ ⲙⲡⲣⲣⲟ ⲉⲁⲩϭⲛⲧⲟⲩ ϩⲛ ⲧⲡⲟⲗⲓⲥ ⲁⲩⲱ ⲡⲉⲅⲣⲁⲙⲙⲁⲧⲉⲩⲥ ⲛⲛϭⲟⲙ ⲉⲧⲥϩⲁⲓ ⲛⲥⲁ ⲡⲗⲁⲟⲥ ⲛⲧⲉ ⲡⲕⲁϩ ⲁⲩⲱ ⲥⲉ ⲛⲣⲱⲙⲉ ⲉⲃⲟⲗ ϩⲙ ⲡⲗⲁⲟⲥ ⲙⲡⲕⲁϩ ⲛⲉⲛⲧⲁⲩϩⲉ ⲉⲣⲟⲟⲩ ϩⲛ ⲧⲙⲏⲧⲉ ⲛⲧⲡⲟⲗⲓⲥ | |
| Jere | CopSahBi | 52:31 | ⲁⲥϣⲱⲡⲉ ϩⲛ ⲧⲙⲉϩⲙⲁⲃ ⲥⲁϣϥ ⲛⲣⲟⲙⲡⲉ ⲛⲧⲉⲣⲟⲩⲡⲱⲱⲛⲉ ⲉⲃⲟⲗ ⲛⲓⲱⲁⲕⲓⲙ ⲡⲣⲣⲟ ⲛⲓⲟⲩⲇⲁ ϩⲙ ⲡⲙⲉϩⲙⲛⲧⲥⲛⲟⲟⲩⲥ ⲛⲉⲃⲟⲧ ϩⲛ ⲥⲟⲩϫⲟⲩⲧ ⲁϥⲧⲉ ⲙⲡⲉⲃⲟⲧ ⲁϥϫⲓ ⲛϭⲓ ⲟⲩⲗⲉⲙⲁⲇⲁⲭⲁⲣ ⲡⲣⲣⲟ ⲛⲧⲃⲁⲃⲩⲗⲱⲛ ϩⲛ ⲧⲉⲣⲟⲙⲡⲉ ⲉⲛⲧⲁϥⲣⲣⲣⲟ ⲛϩⲏⲧⲥ ⲛⲧⲁⲡⲉ ⲛⲓⲱⲁⲕⲉⲓⲙ ⲡⲣⲣⲟ ⲛⲓⲟⲩⲇⲁ ⲁϥⲛⲧϥ ⲉⲃⲟⲗ ϩⲙ ⲡⲏⲓ ⲉⲧⲟⲩϩⲁⲣⲉϩ ⲉⲣⲟϥ ⲛϩⲏⲧϥ | |
| Jere | CopSahBi | 52:32 | ⲁϥϣⲁϫⲉ ⲛⲙⲙⲁϥ ⲛϩⲉⲛϣⲁϫⲉ ⲉⲛⲁⲛⲟⲩⲟⲩ ⲁⲩⲱ ⲁϥⲕⲱ ⲙⲡⲉϥⲑⲣⲟⲛⲟⲥ ϩⲓϫⲛ ⲛⲉⲑⲣⲟⲛⲟⲥ ⲛⲛⲉⲣⲣⲱⲟⲩ ⲉⲧϣⲟⲟⲡ ⲛⲙⲙⲁϥ ϩⲛ ⲧⲃⲁⲃⲩⲗⲱⲛ | |
| Jere | CopSahBi | 52:33 | ⲁⲩⲱ ⲁϥϣⲓⲃⲉ ⲛⲧϩⲉⲃⲥⲱ ⲉⲧϩⲓϫⲱϥ ϩⲙ ⲡⲉϣⲧⲉⲕⲟ ⲁⲩϯⲕⲉⲧⲉ ϩⲓⲱⲱϥ ⲁⲩⲱ ⲛⲉϥⲟⲩⲱⲙ ⲙⲡⲉϥⲟⲉⲓⲕ ⲡⲉ ⲛⲥⲏⲩ ⲛⲓⲙ ⲙⲡⲉϥⲙⲧⲟ ⲉⲃⲟⲗ ⲛⲛⲉϩⲟⲟⲩ ⲧⲏⲣⲟⲩ ⲉⲛⲧⲁϥⲱⲛϩ ⲛϩⲏⲧⲟⲩ | |