JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 51
| Jere | CopSahBi | 51:1 | ⲡϣⲁϫⲉ ⲙⲡϫⲟⲉⲓⲥ ⲉⲛⲧⲁϥϣⲱⲡⲉ ϣⲁ ⲓⲉⲣⲉⲙⲓⲁⲥ ⲉⲧⲁⲩⲟϥ ⲉϫⲛ ⲛⲓⲟⲩⲇⲁⲓ ⲧⲏⲣⲟⲩ ⲉⲧϣⲟⲟⲡ ϩⲙ ⲡⲕⲁϩ ⲛⲕⲏⲙⲉ ⲙⲛ ⲛⲉⲧϩⲙⲟⲟⲥ ϩⲛ ⲙⲉϭⲧⲱⲗ ⲙⲛ ⲧⲁⲫⲛⲁⲥ ⲙⲛ ⲡⲕⲁϩ ⲙⲡⲁⲑⲟⲩⲣⲏⲥ ⲉϥϫⲱ ⲙⲙⲟⲥ ⲛⲁⲩ | |
| Jere | CopSahBi | 51:2 | ⲧⲁⲓ ⲧⲉ ⲑⲉ ⲉⲛⲧⲁϥϫⲟⲟⲥ ⲛϭⲓ ⲡϫⲟⲉⲓⲥ ⲡⲛⲟⲩⲧⲉ ⲙⲡ ϫⲉ ⲛⲧⲱⲧⲛ ⲁⲧⲉⲧⲛⲛⲁⲩ ⲉⲛⲡⲉⲑⲟⲟⲩ ⲧⲏⲣⲟⲩ ⲉⲛⲧⲁⲓⲛⲧⲟⲩ ⲉϫⲛ ⲑⲓⲏⲙ ⲙⲛ ⲙⲡⲟⲗⲓⲥ ⲛⲓⲟⲩⲇⲁ ⲁⲩⲱ ⲉⲓⲥ ϩⲏⲏⲛⲉ ⲥⲉϣⲏϥ ⲙⲡⲟⲟⲩ ϫⲉ ⲙⲛ ⲡⲉⲧϣⲟⲟⲡ ⲛϩⲏⲧⲟⲩ | |
| Jere | CopSahBi | 51:3 | ⲉⲧⲃⲉ ⲛⲉⲩⲡⲟⲛⲏⲣⲓⲁ ⲉⲛⲧⲁⲩⲁⲁⲩ ϫⲉ ⲉⲩⲉϯϭⲱⲛⲧ ⲛⲁⲓ ⲉⲩⲃⲏⲕ ⲉⲩⲧⲁⲗⲁⲓ ϣⲟⲩϩⲏⲛⲉ ⲉϩⲣⲁⲓ ⲛϩⲉⲛⲕⲉⲛⲟⲩⲧⲉ ⲛⲁⲓ ⲉⲧⲉ ⲙⲡⲉⲧⲛⲥⲟⲩⲱⲛⲟⲩ | |
| Jere | CopSahBi | 51:4 | ⲁⲩⲱ ⲁⲉⲓⲧⲛⲛⲟⲟⲩ ϣⲁⲣⲱⲧⲛ ⲛⲛⲁϩⲙϩⲁⲗ ⲛⲉⲡⲣⲟⲫⲏⲧⲏⲥ ⲛϣⲟⲣⲡ ⲁⲉⲓⲧⲛⲛⲟⲟⲩⲥⲉ ⲉⲉⲓϫⲱ ⲙⲙⲟⲥ ϫⲉ ⲙⲡⲣⲉⲓⲣⲉ ⲙⲡϩⲱⲃ ⲙⲡⲉⲓⲧⲱⲗⲙ ⲡⲁⲓ ⲉⲛⲧⲁⲓⲙⲉⲥⲧⲱϥ | |
| Jere | CopSahBi | 51:5 | ⲁⲩⲱ ⲙⲡⲟⲩⲥⲱⲧⲙ ⲛⲥⲱⲓ ⲟⲩⲇⲉ ⲙⲡⲟⲩⲣⲓⲕⲉ ⲙⲡⲉⲩⲙⲁⲁϫⲉ ⲉⲧⲣⲉⲩⲕⲧⲟⲟⲩ ⲉⲃⲟⲗ ϩⲛ ⲛⲉⲩⲡⲟⲛⲏⲣⲓⲁ ⲉⲧⲙⲧⲣⲉⲩⲧⲁⲗⲉ ϣⲟⲩϩⲏⲛⲉ ⲉϩⲣⲁⲓ ⲛϩⲉⲛⲕⲉⲛⲟⲩⲧⲉ | |
| Jere | CopSahBi | 51:6 | ⲁϥⲉⲓ ⲉⲡⲉⲥⲏⲧ ⲛϭⲓ ⲡⲁϭⲱⲛⲧ ⲁⲩⲱ ⲧⲁⲟⲣⲅⲏ ⲁⲥⲙⲟⲩϩ ϩⲛ ⲙⲡⲩⲗⲏ ⲛⲓⲟⲩⲇⲁ ⲙⲛ ⲡⲃⲟⲗ ⲛⲑⲓⲏⲙ ⲁⲩⲱ ⲁⲩϣⲱⲡⲉ ⲉⲩϫⲁⲉⲓⲉ ϩⲛ ⲟⲩⲙⲁ ⲉⲙⲉⲩⲙⲟⲟϣⲉ ϩⲓϫⲱϥ ⲛⲑⲉ ⲙⲡⲟⲟⲩ ⲛϩⲟⲟⲩ | |
| Jere | CopSahBi | 51:7 | ⲧⲉⲛⲟⲩ ϭⲉ ⲧⲁⲓ ⲧⲉ ⲑⲉ ⲉⲛⲧⲁϥϫⲟⲟⲥ ⲛϭⲓ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ϫⲉ ⲉⲧⲃⲉ ⲟⲩ ⲛⲧⲱⲧⲛ ⲧⲉⲧⲛⲉⲓⲣⲉ ⲛⲛⲉⲓⲛⲟϭ ⲙⲡⲉⲑⲟⲟⲩ ϩⲛ ⲛⲉⲧⲙⲯⲩⲭⲏ ϫⲉ ⲉⲩⲉϩⲱⲧⲃ ⲛⲟⲩⲣⲱⲙⲉ ⲙⲛ ⲟⲩⲥϩⲓⲙⲉ ⲟⲩϣⲏⲣⲉ ⲕⲟⲩⲓ ⲙⲛ ⲡⲉⲧϫⲓⲉⲕⲓⲃⲉ ⲉⲃⲟⲗ ϩⲛ ⲧⲙⲏⲧⲉ ⲛⲓⲟⲩⲇⲁ ⲉⲧⲙⲧⲣⲉⲗⲁⲁⲩ ϣⲱϫⲡ ⲛϩⲏⲧ ⲧⲏⲩⲧⲛ | |
| Jere | CopSahBi | 51:8 | ⲉⲧⲣⲁϭⲱⲛⲧ ϩⲛ ⲛⲉϩⲃⲏⲩⲉ ⲛⲛⲉⲧⲛϭⲓϫ ⲉⲧⲉⲧⲛⲧⲁⲗⲉ ϣⲟⲩϩⲏⲛⲉ ⲉϩⲣⲁⲓ ⲛϩⲉⲛⲕⲉⲛⲟⲩⲧⲉ ϩⲙ ⲡⲕⲁϩ ⲛⲕⲏⲙⲉ ⲡⲁⲓ ⲉⲛⲧⲁⲧⲉⲧⲛⲃⲱⲕ ⲉϩⲟⲩⲛ ⲉⲣⲟϥ ⲉϣⲱⲡⲉ ⲛϩⲏⲧϥ ϫⲉⲕⲁⲥ ⲉⲩⲉϩⲉⲧⲃ ⲧⲏⲩⲧⲛ ⲁⲩⲱ ⲛⲧⲉⲧⲛϣⲱⲡⲉ ⲉⲩⲥⲁϩⲟⲩ ⲙⲛ ⲟⲩⲛⲟϭⲛⲉϭ ϩⲛ ⲛϩⲉⲑⲛⲟⲥ ⲙⲡⲕⲁϩ | |
| Jere | CopSahBi | 51:9 | ⲙⲏ ⲁⲧⲉⲧⲛⲣⲡⲱⲃϣ ⲛⲧⲱⲧⲛ ⲛⲙⲡⲉⲑⲟⲟⲩ ⲛⲛⲉⲧⲛⲉⲓⲟⲧⲉ ⲙⲛ ⲙⲡⲉⲑⲟⲟⲩ ⲛⲛⲉⲣⲱⲟⲩ ⲛⲓⲟⲩⲇⲁ ⲙⲛ ⲙⲡⲉⲑⲟⲟⲩ ⲛⲛⲉⲧⲛⲁⲣⲭⲱⲛ ⲙⲛ ⲙⲡⲉⲑⲟⲟⲩ ⲛⲛⲉⲧⲛϩⲓⲟⲙⲉ ⲛⲉⲛⲧⲁⲩⲁⲁⲩ ϩⲙ ⲡⲕⲁϩ ⲛⲓⲟⲩⲇⲁ ⲙⲛ ⲡⲃⲟⲗ ⲛⲑⲓⲏⲙ | |
| Jere | CopSahBi | 51:10 | ⲁⲩⲱ ⲙⲡⲟⲩⲗⲟ ϩⲛ ⲛⲁⲓ ϣⲁ ϩⲟⲩⲛ ⲉⲡⲟⲟⲩ ⲛϩⲟⲟⲩ ⲟⲩⲇⲉ ⲙⲡⲟⲩⲁⲙⲁϩⲧⲉ ⲛⲛⲁⲟⲩⲁϩ ⲥⲁϩⲛⲉ ⲙⲛ ⲛⲁⲛⲟⲙⲟⲥ ⲛⲁⲓ ⲉⲛⲧⲁⲓⲧⲁⲁⲩ ⲙⲡⲉⲧⲛⲙⲧⲟ ⲉⲃⲟⲗ ⲁⲩⲱ ⲙⲡⲉⲙⲧⲟ ⲉⲃⲟⲗ ⲛⲛⲉⲧⲛⲉⲓⲟⲧⲉ | |
| Jere | CopSahBi | 51:12 | ⲉⲧⲣⲁⲧⲁⲕⲉ ⲡϣⲱϫⲡ ⲧⲏⲣϥ ⲉⲧϩⲛⲕⲏⲙⲉ ⲛⲥⲉϩⲉ ϩⲛ ⲧⲥⲏϥⲉ ⲛⲥⲉⲱϫⲛ ϩⲙ ⲡⲉϩⲕⲟ ϫⲓⲛ ⲡⲉⲩⲕⲟⲩⲓ ϣⲁ ⲡⲉⲩⲛⲟϭ ⲛⲥⲉϣⲱⲡⲉ ⲉⲩⲛⲟϭⲛⲉϭ ⲙⲛ ⲟⲩⲧⲁⲕⲟ ⲙⲛ ⲟⲩⲥⲁϩⲟⲩ | |
| Jere | CopSahBi | 51:13 | ⲁⲩⲱ ϯⲛⲁϭⲙ ⲡϣⲓⲛⲉ ⲛⲛⲉⲧϩⲙⲟⲟⲥ ϩⲙ ⲡⲕⲁϩ ⲛⲕⲏⲙⲉ ⲛⲑⲉ ⲉⲛⲧⲁⲓϭⲙ ⲡϣⲓⲛⲉ ⲛⲑⲓⲏⲙ ϩⲛ ⲟⲩⲥⲏϥⲉ ⲙⲛ ⲟⲩϩⲕⲟ ⲙⲛ ⲡⲙⲟⲩ | |
| Jere | CopSahBi | 51:14 | ⲁⲩⲱ ⲛⲛⲉⲗⲁⲁⲩ ⲟⲩϫⲁⲉⲓ ⲉⲃⲟⲗ ϩⲙ ⲡϣⲱϫⲡ ⲛⲓⲟⲩⲇⲁ ⲛⲁⲓ ⲉⲧⲟ ⲛⲣⲙⲛϭⲟⲉⲓⲗⲉ ϩⲙ ⲡⲕⲁϩ ⲛⲕⲏⲙⲉ ⲉⲧⲣⲉⲩⲕⲧⲟⲟⲩ ⲉⲡⲕⲁϩ ⲛⲓⲟⲩⲇⲁ ⲡⲁⲓ ⲉⲧⲟⲩϩⲉⲗⲡⲓⲍⲉ ⲉⲣⲟϥ ϩⲛ ⲛⲉⲩⲯⲩⲭⲏ ⲉⲧⲣⲉⲩⲕⲧⲟⲟⲩ ⲉⲙⲁⲩ ⲛⲛⲉⲩⲕⲧⲟⲟⲩ ϭⲉ ⲉⲙⲁⲩ ⲉⲓⲙⲏⲧⲓ ⲛⲉⲧⲛⲁⲟⲩϫⲁⲓ | |
| Jere | CopSahBi | 51:15 | ⲁⲩⲱ ⲁⲩⲟⲩⲱϣⲃ ⲛⲓⲉⲣⲉⲙⲓⲁⲥ ⲛϭⲓ ⲛⲣⲱⲙⲉ ⲧⲏⲣⲟⲩ ⲉⲛⲧⲁⲩⲉⲓⲙⲉ ϫⲉ ⲛⲉⲩϩⲓⲟⲙⲉ ⲧⲁⲗⲉ ϣⲟⲩϩⲏⲛⲉ ⲉϩⲣⲁⲓ ⲛϩⲉⲛⲕⲉⲛⲟⲩⲧⲉ ⲙⲛ ⲛⲕⲉϩⲓⲟⲙⲉ ⲧⲏⲣⲟⲩ ⲟⲩⲥⲩⲛⲁⲅⲱⲅⲏ ⲉⲛⲁϣⲱⲥ ⲙⲛ ⲡⲗⲁⲟⲥ ⲧⲏⲣϥ ⲉⲧϩⲙⲟⲟⲥ ϩⲙ ⲡⲕⲁϩ ⲛⲕⲏⲙⲉ ϩⲣⲁⲓ ϩⲙ ⲡⲁⲑⲟⲩⲣⲏⲥ ⲉⲩϫⲱ ⲙⲙⲟⲥ ⲛⲁϥ ϫⲉ | |
| Jere | CopSahBi | 51:17 | ϫⲉ ϩⲛ ⲟⲩⲉⲓⲣⲉ ⲧⲛⲛⲁⲉⲓⲣⲉ ⲛϣⲁϫⲉ ⲛⲓⲙ ⲉⲧⲛⲏⲩ ⲉⲃⲟⲗ ϩⲛ ⲣⲱⲛ ⲉⲧⲣⲉⲛⲣⲑⲩⲥⲓⲁ ⲛⲧⲉⲣⲱ ⲛⲧⲡⲉ ⲁⲩⲱ ⲛⲧⲛⲟⲩⲱⲧⲛ ⲛⲁⲥ ⲉⲃⲟⲗ ⲛϩⲉⲛⲟⲩⲱⲧⲛ ⲕⲁⲧⲁ ⲑⲉ ⲉⲧⲛⲉⲓⲣⲉ ⲙⲙⲟⲥ ⲁⲛⲟⲛ ⲙⲛ ⲛⲉⲛⲉⲓⲟⲧⲉ ⲙⲛ ⲛⲉⲛⲉⲣⲱⲟⲩ ⲙⲛ ⲛⲉⲛⲁⲣⲭⲱⲛ ϩⲛ ⲙⲡⲟⲗⲓⲥ ⲛⲓⲟⲩⲇⲁ ⲙⲛ ⲡⲃⲟⲗ ⲛⲑⲓⲏⲙ ⲁⲩⲱ ⲛⲉⲁⲛⲥⲓ ⲛⲟⲉⲓⲕ ⲡⲉ ⲁⲛ ϣⲱⲡⲉ ⲉⲛⲥⲙⲟⲛⲧ ⲁⲩⲱ ⲙⲡⲛⲛⲁⲩ ⲉⲡⲉⲑⲟⲟⲩ | |
| Jere | CopSahBi | 51:19 | ⲁⲛⲟⲛ ϭⲉ ⲧⲛⲛⲁⲧⲁⲗⲉ ϣⲟⲩϩⲏⲛⲉ ⲉϩⲣⲁⲓ ⲛⲧⲉⲣⲱ ⲛⲧⲡⲉ ⲁⲩⲱ ⲧⲛⲛⲁⲟⲩⲱⲧⲛ ⲛⲁⲥ ⲉⲃⲟⲗ ⲛϩⲉⲛⲟⲩⲱⲧⲛ ⲙⲏ ⲁⲧϫⲛ ⲛⲉⲛϩⲟⲟⲩⲧ ⲛⲧⲁⲛⲧⲁⲙⲓⲟ ⲛⲁⲥ ⲛϩⲉⲛⲭⲁⲃⲱⲛⲏ ⲁⲩⲱ ⲁⲛⲟⲩⲱⲧⲛ ⲛⲁⲥ ⲉⲃⲟⲗ ⲛⲟⲩⲏⲣⲡ | |
| Jere | CopSahBi | 51:20 | ⲡⲉϫⲉⲓⲉⲣⲉⲙⲓⲁⲥ ⲙⲡⲗⲁⲟⲥ ⲧⲏⲣϥ ⲛⲇⲩⲛⲁⲧⲟⲥ ⲙⲛ ⲛⲉϩⲓⲟⲙⲉ ⲙⲡⲗⲁⲟⲥ ⲧⲏⲣϥ ⲛⲉⲛⲧⲁⲩⲟⲩⲱϣⲃ ⲛⲁϥ ⲛϩⲉⲛϣⲁϫⲉ ⲉϥϫⲱ ⲙⲙⲟⲥ ⲛⲁⲩ | |
| Jere | CopSahBi | 51:21 | ϫⲉ ⲙⲏ ⲛⲧⲉⲑⲩⲥⲓⲁ ⲁⲛ ⲉⲛⲧⲁⲧⲉⲧⲛⲁⲁⲥ ϩⲛ ⲙⲡⲟⲗⲓⲥ ⲛⲓⲟⲩⲇⲁ ⲙⲛ ⲡⲃⲟⲗ ⲛⲑⲓⲏⲙ ⲛⲧⲱⲧⲛ ⲙⲛ ⲛⲉⲧⲛⲉⲓⲟⲧⲉ ⲙⲛ ⲛⲉⲧⲛⲣⲣⲱⲟⲩ ⲙⲛ ⲛⲉⲧⲛⲁⲣⲭⲱⲛ ⲙⲛ ⲡⲗⲁⲟⲥ ⲙⲡⲕⲁϩ ⲧⲉⲛⲧⲁϥⲣⲡⲉⲥⲙⲉⲉⲩⲉ ⲛϭⲓ ⲡϫⲟⲉⲓⲥ ⲉⲁⲥⲉⲓ ⲉϩⲣⲁⲓ ⲉϫⲙ ⲡⲉϥϩⲏⲧ | |
| Jere | CopSahBi | 51:22 | ⲙⲡϥⲉϣϥⲓ ϭⲉ ⲉⲣⲟϥ ⲛϭⲓ ⲡϫⲟⲉⲓⲥ ⲙⲡⲉⲙⲧⲟ ⲉⲃⲟⲗ ⲛⲙⲡⲟⲛⲏⲣⲓⲁ ⲛⲛⲉⲧⲛϩⲃⲏⲩⲉ ⲁⲩⲱ ⲉⲃⲟⲗ ϩⲛ ⲛⲃⲟⲧⲉ ⲉⲛⲧⲁⲧⲉⲧⲛⲁⲁⲩ ⲁⲡⲉⲧⲛⲕⲁϩ ϣⲱⲡⲉ ⲉⲩϫⲁⲉⲓⲉ ⲙⲛ ⲟⲩⲙⲁ ⲉⲙⲉⲩⲙⲟⲟϣⲉ ϩⲓϫⲱϥ ⲁⲩⲱ ⲉⲩⲥⲁϩⲟⲩ ⲛⲑⲉ ⲙⲡⲟⲟⲩ ⲛϩⲟⲟⲩ | |
| Jere | CopSahBi | 51:23 | ⲙⲡⲉⲙⲧⲟ ⲉⲃⲟⲗ ⲛⲛⲉⲧⲉⲧⲛⲧⲁⲗⲉ ϣⲟⲩϩⲏⲛⲉ ⲛⲁⲩ ⲉϩⲣⲁⲓ ⲙⲛ ⲛⲉⲛⲧⲁⲧⲉⲧⲛⲣⲛⲟⲃⲉ ⲉⲡϫⲟⲉⲓⲥ ⲛϩⲏⲧⲟⲩ ⲁⲩⲱ ⲙⲡⲉⲧⲛⲥⲱⲧⲙ ⲛⲥⲁ ⲡϫⲟⲉⲓⲥ ⲟⲩⲇⲉ ⲙⲡⲉⲧⲛⲙⲟⲟϣⲉ ϩⲛ ⲛⲉϥⲟⲩⲁϩ ⲥⲁϩⲛⲉ ⲙⲛ ⲡⲉϥⲛⲟⲙⲟⲥ ⲙⲛ ⲛⲉϥⲙⲛⲧⲙⲛⲧⲣⲉ ⲁⲛⲉⲓⲡⲉⲑⲟⲟⲩ ⲧⲏⲣⲟⲩ ⲉⲓ ⲉϩⲣⲁⲓ ⲉϫⲱⲧⲛ | |
| Jere | CopSahBi | 51:25 | ⲧⲁⲓ ⲧⲉ ⲑⲉ ⲉⲛⲧⲁϥϫⲟⲟⲥ ⲛϭⲓ ⲡϫⲟⲉⲓⲥ ⲡⲛⲟⲩⲧⲉ ⲙⲡ ϫⲉ ⲛⲧⲱⲧⲛ ⲙⲛ ⲛⲉⲧⲛϩⲓⲟⲙⲉ ⲁⲧⲉⲧⲛϣⲁϫⲉ ϩⲛ ⲧⲉⲧⲛⲧⲁⲡⲣⲟ ⲁⲩⲱ ⲁⲧⲉⲧⲛϫⲱⲕ ⲉⲃⲟⲗ ϩⲛ ⲛⲉⲧⲛϭⲓϫ ⲉⲧⲉⲧⲛϫⲱ ⲙⲙⲟⲥ ϫⲉ ϩⲛ ⲟⲩⲉⲓⲣⲉ ⲧⲛⲛⲁⲉⲓⲣⲉ ⲛϩⲉⲛϩⲟⲙⲟⲗⲟⲅⲓⲁ ⲛⲉⲛⲧⲁⲛϫⲟⲟⲩ ⲉⲧⲣⲉⲛⲧⲁⲗⲉ ⲑⲩⲥⲓⲁ ⲉϩⲣⲁⲓ ⲛⲧⲉⲣⲱ ⲛⲧⲡⲉ ⲁⲩⲱ ⲉⲩⲱⲧⲛ ⲛⲁⲥ ⲉⲃⲟⲗ ⲛϩⲉⲛⲏⲣⲡ ϩⲛ ⲟⲩⲙⲟⲩⲛ ⲉⲃⲟⲗ ⲁⲧⲉⲧⲛⲙⲟⲩⲛ ⲉⲃⲟⲗ ϩⲛ ⲛⲉⲧⲛϩⲟⲙⲟⲗⲟⲅⲓⲁ ⲁⲩⲱ ϩⲛ ⲟⲩⲉⲓⲣⲉ ⲁⲧⲉⲧⲛⲁⲁⲩ | |
| Jere | CopSahBi | 51:26 | ⲉⲧⲃⲉ ⲡⲁⲓ ⲥⲱⲧⲙ ⲉⲡϣⲁϫⲉ ⲙⲡϫⲟⲉⲓⲥ ⲛⲁ ⲓⲟⲩⲇⲁ ⲧⲏⲣⲟⲩ ⲛⲉⲧϩⲙⲟⲟⲥ ϩⲙ ⲡⲕⲁϩ ⲛⲕⲏⲙⲉ ⲉⲓⲥ ϩⲏⲏⲧⲉ ⲁⲉⲓⲱⲣⲕ ϩⲙ ⲡⲁⲛⲟϭ ⲛⲣⲁⲛ ⲡⲉϫⲉⲡϫⲟⲉⲓⲥ ϫⲉ ⲉϣⲱⲡⲉ ⲉⲣⲉⲡⲁⲣⲁⲛ ϫⲓⲛ ⲧⲉⲛⲟⲩ ⲛⲁϭⲱ ϩⲛ ⲧⲧⲁⲡⲣⲟ ⲛⲛⲁ ⲓⲟⲩⲇⲁ ⲧⲏⲣⲟⲩ ⲉⲧⲣⲉⲩϫⲟⲟⲥ ϫⲉ ϥⲟⲛϩ ⲛϭⲓ ⲡϫⲟⲉⲓⲥ ⲡϫⲟⲉⲓⲥ ⲉϫⲙ ⲡⲕⲁϩ ⲧⲏⲣϥ ⲛⲕⲏⲙⲉ | |
| Jere | CopSahBi | 51:27 | ϫⲉ ⲉⲓⲥ ϩⲏⲏⲧⲉ ⲁⲛⲟⲕ ⲁⲉⲓⲣⲟⲉⲓⲥ ⲉϩⲣⲁⲓ ⲉϫⲱⲟⲩ ⲉⲧϩⲙⲕⲟⲟⲩ ⲁⲩⲱ ⲉⲧⲙⲣⲡⲉⲧⲛⲁⲛⲟⲩϥ ⲛⲁⲩ ⲛⲥⲉⲱϫⲛ ⲛϭⲓ ⲛⲁ ⲓⲟⲩⲇⲁ ⲧⲏⲣⲟⲩ ⲛⲉⲧⲟⲩⲏϩ ϩⲙ ⲡⲕⲁϩ ⲛⲕⲏⲙⲉ ϩⲛ ⲧⲥⲏϥⲉ ⲙⲛ ⲡⲉϩⲕⲟ ϣⲁⲛⲧⲟⲩⲱϫⲛ | |
| Jere | CopSahBi | 51:28 | ⲁⲩⲱ ⲡⲉⲧⲛⲁⲛⲟⲩϩⲙ ϩⲛ ⲧⲥⲏϥⲉ ⲥⲉⲛⲁⲕⲧⲟⲟⲩ ⲉⲃⲟⲗ ϩⲙ ⲡⲕⲁϩ ⲛⲕⲏⲙⲉ ⲉⲡⲕⲁϩ ⲛⲓⲟⲩⲇⲁ ⲉⲩⲥⲟⲃⲕ ϩⲛ ⲧⲉⲩⲏⲡⲉ ⲁⲩⲱ ⲥⲉⲛⲁⲉⲓⲙⲉ ⲧⲏⲣⲟⲩ ⲛϭⲓ ⲛϣⲱϫⲡ ⲛⲓⲟⲩⲇⲁ ⲛⲁⲓ ⲉⲛⲧⲁⲩⲣⲣⲙⲛϭⲟⲉⲓⲗⲉ ϩⲙ ⲡⲕⲁϩ ⲛⲕⲏⲙⲉ ϫⲉ ϣⲁϫⲉ ⲛⲛⲓⲙ ⲡⲉⲧⲥⲙⲟⲛⲧ ⲡⲱⲓ ⲡⲉ ⲡⲉ ϫⲛ ⲡⲱⲟⲩ ⲡⲉ | |
| Jere | CopSahBi | 51:30 | ⲧⲁⲓ ⲧⲉ ⲑⲉ ⲉⲛⲧⲁⲡϫⲟⲉⲓⲥ ϫⲟⲟⲥ ϫⲉ ⲉⲓⲥ ϩⲏⲏⲧⲉ ⲁⲛⲟⲕ ϯⲛⲁϯ ⲛⲟⲩⲁⲫⲣⲏ ⲡⲣⲣⲟ ⲛⲕⲏⲙⲉ ⲉϩⲣⲁⲓ ⲉⲛϭⲓϫ ⲙⲡⲉϥϫⲁϫⲉ ⲁⲩⲱ ⲉϩⲣⲁⲓ ⲉⲛϭⲓϫ ⲛⲛⲉⲧⲕⲱⲧⲉ ⲛⲥⲁ ⲧⲉϥⲯⲩⲭⲏ ⲛⲑⲉ ⲉⲛⲧⲁⲓϯ ⲛⲥⲉⲇⲉⲕⲓⲁⲥ ⲡⲣⲣⲟ ⲛⲓⲟⲩⲇⲁ ⲉϩⲣⲁⲓ ⲉⲛϭⲓϫ ⲛⲛⲁⲃⲟⲩⲭⲟⲇⲟⲛⲟⲥⲟⲣ ⲡⲣⲣⲟ ⲛⲧⲃⲁⲃⲩⲗⲱⲛ ⲡⲉϥϫⲁϫⲉ ⲁⲩⲱ ⲡⲉⲧϣⲓⲛⲉ ⲛⲥⲁ ⲧⲉϥⲯⲩⲭⲏ | |
| Jere | CopSahBi | 51:31 | ⲡϣⲁϫⲉ ⲉⲛⲧⲁⲓⲉⲣⲉⲙⲓⲁⲥ ⲡⲉⲡⲣⲟⲫⲏⲧⲏⲥ ϫⲟⲟϥ ⲃⲃⲁⲣⲟⲩⲭ ⲡϣⲏⲣⲉ ⲛⲛⲏⲣⲉⲓⲁⲥ ⲛⲧⲉⲣⲉϥⲥϩⲁⲓ ⲛⲛⲉⲓϣⲁϫⲉ ⲉⲩϫⲱⲱⲙⲉ ⲉⲃⲟⲗ ϩⲛ ⲧⲧⲁⲡⲣⲟ ⲛⲓⲉⲣⲉⲙⲓⲁⲥ ϩⲛ ⲧⲙⲉϩϥⲧⲟ ⲛⲣⲟⲙⲡⲉ ⲛⲓⲱⲁⲕⲉⲓⲙ ⲡϣⲏⲣⲉ ⲛⲓⲱⲥⲓⲁⲥ ⲡⲣⲣⲟ ⲛⲓⲟⲩⲇⲁ | |
| Jere | CopSahBi | 51:33 | ϫⲉ ⲁⲕϫⲟⲟⲥ ϫⲉ ⲟⲩⲟⲉⲓ ⲛⲁⲓ ⲟⲩⲟⲉⲓ ⲛⲁⲓ ϫⲉ ⲁⲡϫⲟⲉⲓⲥ ⲟⲩⲉϩ ⲟⲩϩⲓⲥⲉ ⲉϫⲙ ⲡⲁⲙⲕⲁϩ ⲁⲓⲛⲕⲟⲧⲕ ϩⲛ ϩⲉⲛⲁϣ ⲁϩⲟⲙ ⲁⲩⲱ ⲙⲡⲓϭⲓⲛⲉ ⲛⲟⲩⲁⲛⲁⲡⲁⲩⲥⲓⲥ | |
| Jere | CopSahBi | 51:34 | ⲁϫⲓⲥ ⲛⲁϥ ⲛⲧⲉⲉⲓϩⲉ ϫⲉ ⲧⲁⲓ ⲧⲉ ⲑⲉ ⲉⲛⲧⲁϥϫⲟⲟⲥ ⲛϭⲓ ⲡϫⲟⲉⲓⲥ ϫⲉ ⲉⲓⲥ ϩⲏⲏⲧⲉ ⲁⲛⲟⲕ ⲛⲉⲛⲧⲁⲓⲕⲟⲧⲟⲩ ϯⲛⲁϣⲣϣⲱⲣⲟⲩ ⲁⲩⲱ ⲛⲉⲛⲧⲁⲓⲧⲟϭⲟⲩ ϯⲛⲁⲡⲟⲣⲕⲟⲩ | |