NUMBERS
Chapter 36
| Numb | Azeri | 36:1 | يوسئف اؤولادلارينين نسئل‌لرئندن مِنَسّه اوغلو، ماکئر اوغلو، گئلعاد اؤولادلارينين عايئله باشچيلاري ياخينلاشيب، موسانين قاباغيندا و ائسرايئل طايفالارينين باشچيلاري اولان رهبرلرئن قاباغيندا دانيشيب، | |
| Numb | Azeri | 36:2 | بله ددئلر: "رب آغاميزا امر اتدي کي، اؤلکه‌ني ائسرايئل اؤولادلارينا پوشکله ائرث اولاراق ورئن. رب طرفئندن آغاميزا امر اولوندو کي، قارداشيميز صِلوفخادين ائرثئني اونون قيزلارينا ورسئن. | |
| Numb | Azeri | 36:3 | اگر صِلوفخادين قيزلاري آيري بئر ائسرايئل قبئله‌سئنئن کئشئلرئنه اَره گتسه‌لر، اونلارين ائرثي بئزئم آتالاريميزين ائرثئندن گؤتورولوب، اَرلرئنئن قبئله ائرثئنه قاتيلاجاق. بلجه، پوشکله بئزه دوشَن پاي آزالاجاق. | |
| Numb | Azeri | 36:4 | ائسرايئل اؤولادلارينين آزادليق ائلي گلنده، قيزلارين ائرثي اَرلرئنئن قبئله ائرثئنه علاوه اولوناجاق. بلجه، قيزلارين ائرثي آتالاريميزين قبئله‌سئنه دوشَن ائرثدن دوشه‌جک." | |
| Numb | Azeri | 36:5 | موسا ربّئن امرئنه گؤره ائسرايئل اؤولادلارينا امر ادئب ددي: "يوسئف اؤولادلارينين قبئله‌سي دوز ديئر. | |
| Numb | Azeri | 36:6 | صِلوفخادين قيزلاري حاقّيندا ربّئن امر ادئب ددئيي سؤز بودور: «اونلار اؤز ائسته‌دئکلري کئشئيه اَره گده بئلرلر، آنجاق آتالارينين منصوب اولدوغو قبئله‌دن اولان آداما کي، نسئل ائچئنده‌دئر، اَره گتمه‌لي‌دئرلر. | |
| Numb | Azeri | 36:7 | بلجه ائسرايئل اؤولادلارينين ائرثي قبئله‌دن قبئله‌يه کچمز. چونکي ائسرايئل اؤولادلارينين هر بئري آتالاري قبئله‌سئنئن ائرثئنه باغلي قالمالي‌دير. | |
| Numb | Azeri | 36:8 | ائسرايئل قبئله‌لرئندن هر هانسي بئرئنده ائرثه مالئک اولان هر قيز، آتاسينين منصوب اولدوغو قبئله‌دن و نسئلدن اَره گتمه‌لي‌دئر کي، هر بئر ائسرايئل اؤولادي آتالارينين ائرثئنه مالئک اولسون. | |
| Numb | Azeri | 36:9 | بلجه هچ بئر ائرث بئر قبئله‌دن آيري قبئله‌يه کچمز. چونکي هر بئر ائسرايئل قبئله‌سي اؤز ائرثئنه باغلي قالمالي‌دير.»" | |
| Numb | Azeri | 36:11 | صِلوفخادين قيزلاري مَخلا، تئرصا، خوگلا، مئلکا، و نوعا، عَمئسي اوغلانلارينا اَره گتدئلر. | |
| Numb | Azeri | 36:12 | اونلار يوسئف اوغلو مِنَسّه اؤولادلارينين نسئللرئنه منصوب کئشئلره اَره گتدئلر. اونا گؤره ده ائرثي آتالارينين منصوب اولدوغو قبئله و نسئل ائچئنده قالدي. | |