CSlElizabeth - Psalms - 6

6:1  В конец, в песнех о осмем, псалом Давиду.

6:2  Господи, да не яростию Твоею обличиши мене, ниже гневом Твоим накажеши мене.

6:3  Помилуй мя, Господи, яко немощен есмь: изцели мя, Господи, яко смятошася кости моя,

6:4  и душа моя смятеся зело: и Ты, Господи, доколе?

6:5  Обратися, Господи, избави душу мою, спаси мя ради милости Твоея:

6:6  яко несть в смерти поминаяй Тебе, во аде же кто исповестся Тебе?

6:7  Утрудихся воздыханием моим, измыю на всяку нощь ложе мое, слезами моими постелю мою омочу.

6:8  Смятеся от ярости око мое, обетшах во всех вразех моих.

6:9  Отступите от мене, вси делающии беззаконие, яко услыша Господь глас плача моего,

6:10  услыша Господь моление мое, Господь молитву мою прият.

6:11  Да постыдятся и смятутся вси врази мои, да возвратятся и устыдятся зело вскоре.