Site uses cookies to provide basic functionality.

OK
AMOS
1 2 3 4 5 6 7 8 9
Prev Up Next
Chapter 6
Amos WelBeibl 6:1  Gwae chi sydd mor gyfforddus yn Seion, ac yn teimlo mor saff ar fryniau Samaria! Chi bobl bwysig y genedl sbesial ma – ie, chi mae pobl Israel yn troi atyn nhw am arweiniad.
Amos WelBeibl 6:2  Dych chi'n dweud wrthyn nhw, “Ewch draw i ddinas Calne, i weld sut mae pethau yno! Ewch yn eich blaen wedyn i Chamath fawr, ac i lawr i Gath y Philistiaid. Ydy pethau'n well arnyn nhw nag ar y ddwy wlad yma? Oes ganddyn nhw fwy o dir na chi?”
Amos WelBeibl 6:3  Dych chi'n gwrthod derbyn fod dydd drwg yn dod. Dych chi'n gofyn am gyfnod o drais!
Amos WelBeibl 6:4  Druan ohonoch chi, sy'n diogi ar eich soffas ifori moethus. Yn gorweddian ar glustogau cyfforddus, ac yn mwynhau gwledda ar gig oen a'r cig eidion gorau.
Amos WelBeibl 6:5  Yn mwmian canu i gyfeiliant y nabl – a meddwl eich bod chi'n gerddorion gwych fel y Brenin Dafydd!
Amos WelBeibl 6:6  Dych chi'n yfed gwin wrth y galwyni ac yn pampro eich cyrff gyda'r olew gorau! Ond dych chi'n poeni dim fod dinistr yn dod ar bobl Joseff!
Amos WelBeibl 6:7  Felly, chi fydd y rhai cyntaf i gael eich caethgludo, a hynny'n fuan iawn! Bydd y gwledda a'r gorweddian yn dod i ben!
Amos WelBeibl 6:8  Mae fy Meistr, yr ARGLWYDD, yn tyngu iddo'i hun: “Dw i'n casáu balchder gwlad Jacob, ac yn ffieiddio ei phlastai. Bydda i'n cyhoeddi y bydd dinas Samaria a'i phobl yn cael eu rhoi yn llaw'r gelyn.” —yr ARGLWYDD sy'n dweud hyn, y Duw hollbwerus.
Amos WelBeibl 6:9  Os bydd deg o bobl yn dal yn fyw mewn tŷ, byddan nhw'n marw.
Amos WelBeibl 6:10  Yna bydd perthynas yn dod i gasglu'r cyrff o'r tŷ – gyda'r bwriad o'u llosgi. A bydd yn galw ar rywun sy'n cuddio yng nghefn y tŷ, “Oes unrhyw un arall yn fyw ond ti?” ac yn cael yr ateb, “Na, neb.” Yna bydd yn dweud, “Ust! paid hyd yn oed â dweud enw'r ARGLWYDD”.
Amos WelBeibl 6:11  Felly, mae'r ARGLWYDD yn rhoi'r gorchymyn: “Mae'r tai mawr crand i gael eu chwalu'n ulw, a'r tai cyffredin hefyd, yn ddarnau mân.”
Amos WelBeibl 6:12  Ydy ceffylau'n gallu carlamu dros greigiau mawr? Ydy'n bosib ei aredig hefo ychen? Ac eto dych chi wedi troi cyfiawnder yn wenwyn marwol ac wedi gwneud yr hyn sy'n iawn yn beth chwerw.
Amos WelBeibl 6:13  Dych chi mor falch eich bod chi wedi concro tref Lo-defâr, a meddech chi wedyn, “Dŷn ni wedi dal Carnaïm! Roedden ni'n rhy gryf iddyn nhw!”
Amos WelBeibl 6:14  Ond gwylia di, wlad Israel, —yr ARGLWYDD sy'n dweud hyn, y Duw hollbwerus. Dw i'n codi cenedl i ymladd yn dy erbyn di. Bydd yn dy ormesu di o Fwlch Chamath yn y gogledd i Wadi'r Araba lawr yn y de!