I SAMUEL
Chapter 5
| I Sa | TpiKJPB | 5:1 | ¶ Na ol Filistin i kisim bokis kontrak bilong God, na bringim dispela i lusim Ebenisar i go long Asdot. | |
| I Sa | TpiKJPB | 5:2 | Taim ol Filistin i kisim bokis kontrak bilong God, ol i bringim dispela insait long haus bilong Degon, na putim em klostu long Degon. | |
| I Sa | TpiKJPB | 5:3 | Na taim ol lain bilong Asdot i kirap long moning tru long de bihain, lukim, Degon i bin pundaun long pes bilong em long graun long ai bilong bokis kontrak bilong BIKPELA. Na ol i kisim Degon, na putim em gen long ples bilong em. | |
| I Sa | TpiKJPB | 5:4 | Na taim ol i kirap long moning tru long de bihain, lukim, Degon i bin pundaun long pes bilong em long graun long ai bilong bokis kontrak bilong BIKPELA. Na het bilong Degon na tupela insait bilong ol han stret bilong em i bruk pinis antap long hap bilong as bilong dua. Bikpela hap bilong bodi bilong Degon tasol i stap yet long em. | |
| I Sa | TpiKJPB | 5:5 | Olsem na ol pris bilong Degon, o wanpela arapela husat i kam insait long haus bilong Degon, i no save krungutim hap bilong as bilong dua bilong Degon long Asdot inap long tude. | |
| I Sa | TpiKJPB | 5:6 | ¶ Tasol han bilong BIKPELA i hevi antap long ol lain bilong Asdot, na Em i bagarapim ol olgeta, na paitim ol wantaim ol sik emrot, yes, Asdot na ol hap arere bilong en. | |
| I Sa | TpiKJPB | 5:7 | Na taim ol man bilong Asdot i luksave long em i olsem, ol i tok, Bokis kontrak bilong God bilong Isrel bai i no inap stap wantaim yumi. Long wanem, han bilong Em i strong tru antap long yumi, na antap long Degon, god bilong yumi. | |
| I Sa | TpiKJPB | 5:8 | Olsem na ol i salim tok na bungim olgeta bikman bilong ol Filistin i kam long ol, na tok, Yumi bai mekim wanem wantaim bokis kontrak bilong God bilong Isrel? Na ol i bekim tok, Larim ol i karim nabaut bokis kontrak bilong God bilong Isrel i go long Gat. Na ol i karim bokis kontrak bilong God bilong Isrel nabaut long dispela hap. | |
| I Sa | TpiKJPB | 5:9 | Na em i stap olsem, long, bihain long ol i bin karim dispela nabaut, han bilong BIKPELA i birua long dispela biktaun wantaim wanpela bikpela bagarap olgeta tru. Na Em i paitim ol man bilong dispela biktaun, man nating na bikman wantaim, na ol i gat ol sik emrot long ol hap hait bilong ol. | |
| I Sa | TpiKJPB | 5:10 | Olsem na ol i salim bokis kontrak bilong God i go long Ekron. Na em i kamap olsem, taim bokis kontrak bilong God i kam long Ekron, long ol lain Ekron i singaut, i spik, Ol i bin bringim klostu dispela bokis kontrak bilong God bilong Isrel long yumi, long kilim yumi i dai na ol lain bilong yumi. | |
| I Sa | TpiKJPB | 5:11 | Olsem na ol i salim tok na bungim wantaim olgeta bikman bilong ol Filistin, na tok, Salim i go dispela bokis kontrak bilong God bilong Isrel, na larim em i go bek gen long ples bilong em yet, inap long em i no kilim yumi i dai, na ol lain bilong yumi. Long wanem, i gat wanpela bikpela bagarap olgeta bilong kamapim dai i stap long olgeta hap bilong dispela biktaun. Han bilong God i hevi tru long dispela hap. | |