JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 12
| Jere | CSlEliza | 12:1 | Праведен еси, Господи, яко отвещаю к Тебе: обаче судбы возглаголю к Тебе: что, яко путь нечестивых спеется, угобзишася вси творящии беззакония? | |
| Jere | CSlEliza | 12:2 | Насадил еси их, и укоренишася, чада сотвориша и сотвориша плод: близ еси Ты уст их, далече же от утроб их. | |
| Jere | CSlEliza | 12:3 | И Ты, Господи, разумееши мя, видел мя еси и искусил еси сердце мое пред Тобою: собери их яко овцы на заколение и очисти их в день заколения их. | |
| Jere | CSlEliza | 12:4 | Доколе плакати имать земля, и трава вся селная изсхнет от злобы живущих на ней? Погибоша скоти и птицы, яко рекоша: не узрит Бог путий наших. | |
| Jere | CSlEliza | 12:5 | Нозе твои текут и разслабляют тя: како уготовишися с коньми? И в земли мира твоего уповал еси, како сотвориши в шуме Иорданстем? | |
| Jere | CSlEliza | 12:6 | Понеже и братия твоя и дом отца твоего, и сии отвергошася тебе и тии возопиша, созади тебе собрашася: не веруй им, егда глаголати будут тебе благая. | |
| Jere | CSlEliza | 12:7 | Оставих дом Мой, оставих достояние Мое, дах возлюбленную душу Мою в руки врагов ея: | |
| Jere | CSlEliza | 12:8 | бысть Мне достояние Мое яко лев в дубраве, даде противу Мене глас свой: сего ради возненавидех е. | |
| Jere | CSlEliza | 12:9 | Не вертеп ли иенин достояние Мое Мне, или пещера окрест его? Идите, соберите вся звери селныя, и да приидут снести е. | |
| Jere | CSlEliza | 12:10 | Пастырие мнози растлиша виноград Мой, оскверниша часть Мою, даша часть желаемую Мою в пустыню непроходную, | |
| Jere | CSlEliza | 12:11 | положиша в потребление пагубы: Мене ради разорением разорена есть вся земля, яко ни един есть, иже размышляет сердцем. | |
| Jere | CSlEliza | 12:12 | Во всякий путь пустыни приидоша опустошающии, яко мечь Господень пояст от края земли даже до края ея: несть мира всяцей плоти. | |
| Jere | CSlEliza | 12:13 | Посеясте пшеницу, а терние пожасте: достояния их не полезна будут им: постыдитеся стыдением от похваления вашего, от поношения пред Господем. | |
| Jere | CSlEliza | 12:14 | Яко сия глаголет Господь о всех соседех лукавых, прикасающихся наследию Моему, еже разделих людем Моим Израилю: се, Аз исторгну их от земли их и дом Иудин извергну от среды их: | |
| Jere | CSlEliza | 12:15 | и будет, егда исторгну их, обращуся и помилую их, и вселю их когождо в достояние свое и когождо в землю свою: | |
| Jere | CSlEliza | 12:16 | и будет, аще учащеся научатся путем людий Моих, еже клятися именем Моим, жив Господь, якоже научиша людий Моих клятися Ваалом, и созиждутся посреде людий Моих: | |