ABPGRK - Nahum - 2

2:1  συντετέλεσται ανήλωται ανέβη εμφυσών εις πρόσωπόν σου εξαιρούμενος εκ θλίψεως σκόπευσον όδον κράτησον οσφύος άνδρισαι τη ισχύι σφόδρα

2:2  διότι απέστρεψε κύριος την ύβριν Ιακώβ καθώς ύβριν του Ισραήλ διότι εκτινάσσοντες εξετίναξαν αυτούς και τα κλήματα αυτών διέφθειραν

2:3  όπλα δυναστείας αυτού εξ ανθρώπων άνδρας δυνατούς εμπαίζοντας εν πυρί αι ηνίαι των αρμάτων αυτών εν ημέρα ετοιμασίας αυτού και οι ιππείς θορυβηθήσονται

2:4  εν ταις οδοίς συγχυθήσονται τα άρματα και συμπλακήσονται εν ταις πλατείαις η όρασις αυτών ως λαμπάδες πυρός και ως αστραπαί διατρέχουσαι

2:5  και μνησθήσονται οι μεγιστάνες αυτών και φεύξονται ημέρας και ασθενήσουσιν εν τη πορεία αυτών και σπεύσουσιν επί τα τείχη και ετοιμάσουσι τας προφυλακάς αυτών

2:6  πύλαι των πόλεων διηνοίχθησαν και τα βασίλεια διέπεσε

2:7  και η υπόστασις απεκαλύφθη και άυτη ανέβαινε και αι δούλαι αυτής ήγοντο καθώς περιστεραί φθεγγόμεναι εν καρδίαις αυτών

2:8  και Νινευϊ ως κολυμβήθρα ύδατος τα ύδατα αυτής και αυτοί φεύγοντες ουκ έστησαν και ουκ ην ο επιβλέπων

2:9  διήρπαζον το αργύριον διήρπαζον το χρυσίον και ουκ ην πέρας του κόσμου αυτής βεβάρυνται υπέρ πάντα τα σκεύη τα επιθυμήματα αυτής

2:10  εκτιναγμός και ανατιναγμός και εκβρασμός και καρδίας θραυσμός και υπόλυσις γονάτων και ωδίνες επί πάσαν οσφύν και το πρόσωπον πάντων ως πρόσκαυμα χύτρας

2:11  που έστι το κατοικητήριον των λεόντων και η νομή η ούσα τοις σκύμνοις που επορεύθη λέων του εισελθείν εκεί σκύμνος λέοντος και ουκ ην ο εκφοβών

2:12  λέων ήρπασε τα ικανά τοις σκύμνοις αυτού και απέπνιξε τοις λέουσιν αυτού και έπλησε θήρας νοσσιάν αυτού και το κατοικητήριον αυτού αρπαγής

2:13  ιδού εγώ επί σε λέγει κύριος παντοκράτωρ και εκκαύσω εν καπνώ πληθός σου και τους λέοντάς σου καταφάγεται ρομφαία και εξολοθρεύσω εκ της γης την θήραν σου και ου μη ακουσθή έτι τα έργα σου