Site uses cookies to provide basic functionality.

OK
PSALMS
Prev Up Next
Chapter 6
Psal Pohnpeia 6:1  Maing KAUN, komw dehr ketin engieng pahi, oh angiangih ie! Komw dehr ketin kaloke ie ni omwi engieng!
Psal Pohnpeia 6:2  Maing KAUN, I patohwan weikeklahr; komw ketin kupwure ie. Komw ketin kakehleiehda; pwe I weikeklahr kowahlap;
Psal Pohnpeia 6:3  oh paliwereiet oh ngeniet unsek milahr nan apwal laud. Maing KAUN, ia erein omwi pahn ketin awiawih mwohn omwi pahn ketin sewese ie?
Psal Pohnpeia 6:4  Maing KAUN, komw ketido oh doareiehla; sang ni omwi kalahngan komw ketin kapitiesang mehla.
Psal Pohnpeia 6:5  Nan sapwen me melahr akan sohte me kin tamanda mwaromwi; sohte me kak kapinga komwi wasao.
Psal Pohnpeia 6:6  I weikengkilahr ei nsensuwed laud; nipwong koaros kiei lohs kin wisekesengkihla ei kin sengiseng; ulungei pil kin wisekesengkihla pilen mesei.
Psal Pohnpeia 6:7  I solahr kak kilang wasa; meseiet mpwoskipesengier ei kin sengiseng, pwehki ei imwintihti kan me kahrehda.
Psal Pohnpeia 6:8  Kumwail aramas suwed kan, kumwail keiweisang ie! KAUN-O kin ketin karonge ie ni ei kin sengiseng;
Psal Pohnpeia 6:9  e kin ketin karonge ie ni ei kin likwerin pek sawas oh e pahn ketin sapeng ei kapakap.
Psal Pohnpeia 6:10  Ei imwintihti kan pahn pehmada kanamenek mwuledek en ar lohdi; re pahn mwadangete pingida oh tangpeseng.