TpiKJPB - Zechariah - 10

10:1  ¶ Yupela askim long BIKPELA long ren long taim bilong ren bihain. Olsem na BIKPELA bai mekim ol klaut i lait, na givim ol ol taim bilong ren, bilong olgeta wan wan hap gras bilong ples kunai.

10:2  Long wanem, ol piksa bilong god giaman i bin toktok nating, na ol glasman i bin lukim wanpela giaman, na ol i bin tokaut long ol giaman driman. Ol i givim bel isi nating. Olsem na ol i go long rot bilong ol olsem wanpela lain sipsip, ol i pilim wari, bilong wanem, i no gat wasman bilong sipsip i stap.

10:3  Belhat bilong Mi i kirap na birua long ol wasman bilong sipsip, na Mi wokim mekim save long ol meme. Long wanem, BIKPELA bilong ol ami i bin go lukim lain sipsip bilong Em, hauslain bilong Juda, na Em i bin mekim ol olsem nambawan hos bilong Em long de bilong pait.

10:4  Ausait long em kona i kam, ausait long em nil, ausait long em banara bilong pait, ausait long em olgeta wan wan man bilong mekim man i kisim taim wantaim.

10:5  ¶ Na ol bai stap olsem ol strongpela man bilong pait, husat bai krungutim i go daun ol birua bilong ol long graun malumalu bilong ol rot long pait. Na ol bai pait, bilong wanem, BIKPELA i stap wantaim ol, na ol man i ran antap long ol hos bai stap paul tru.

10:6  Na Mi bai strongim hauslain bilong Juda, na Mi bai kisim bek hauslain bilong Josep, na Mi bai bringim ol gen bilong putim ol. Long wanem, Mi gat marimari long ol. Na ol bai stap olsem Mi no bin tromoi ol i go. Long wanem, Mi stap BIKPELA, God bilong ol, na Mi bai harim ol.

10:7  Na ol bilong Ifraim bai stap olsem wanpela strongpela man bilong pait, na bel bilong ol bai wokim amamas tru olsem ol i mekim wantaim wain. Yes, ol pikinini bilong ol bai lukim dispela, na stap amamas. Ol bel bilong ol bai wokim amamas tru insait long BIKPELA.

10:8  Mi bai wokim nois bilong singautim bilong helpim ol, na bungim ol. Long wanem, Mi bin baim bek ol. Na ol bai kamap planti moa olsem ol i bin kamap planti moa.

10:9  Na Mi bai planim ol namel long ol manmeri. Na ol bai holim tingting long Mi long ol longwe kantri. Na ol bai stap laip wantaim ol pikinini bilong ol, na tanim gen.

10:10  Mi bai bringim ol gen tu ausait long hap bilong Isip, na bungim ol ausait long Asiria. Na Mi bai bringim ol insait long hap bilong Gileat na Lebanon. Na ol bai i no inap painim pinis wanpela ples bilong ol.

10:11  Na em bai wokabaut namel long biksi wantaim hevi, na bai paitim ol sibruk bilong biksi, na olgeta hap dip bilong riva bai go drai. Na hambak pasin bilong Asiria bai em i bringim i kam daun, na stik king bilong Isip bai lusim hap i go.

10:12  Na Mi bai strongim ol insait long BIKPELA. Na ol bai wokabaut antap na daunbilo long nem bilong Em, BIKPELA i tok.