I SAMUEL
Chapter 4
| I Sa | Aleppo | 4:1 | ויהי דבר שמואל לכל ישראל ויצא ישראל לקראת פלשתים למלחמה ויחנו על האבן העזר ופלשתים חנו באפק | |
| I Sa | Aleppo | 4:2 | ויערכו פלשתים לקראת ישראל ותטש המלחמה וינגף ישראל לפני פלשתים ויכו במערכה בשדה כארבעת אלפים איש | |
| I Sa | Aleppo | 4:3 | ויבא העם אל המחנה ויאמרו זקני ישראל למה נגפנו יהוה היום לפני פלשתים נקחה אלינו משלה את ארון ברית יהוה ויבא בקרבנו וישענו מכף איבינו | |
| I Sa | Aleppo | 4:4 | וישלח העם שלה וישאו משם את ארון ברית יהוה צבאות ישב הכרבים ושם שני בני עלי עם ארון ברית האלהים—חפני ופינחס | |
| I Sa | Aleppo | 4:6 | וישמעו פלשתים את קול התרועה ויאמרו מה קול התרועה הגדולה הזאת במחנה העברים וידעו—כי ארון יהוה בא אל המחנה | |
| I Sa | Aleppo | 4:8 | אוי לנו—מי יצילנו מיד האלהים האדירים האלה אלה הם האלהים המכים את מצרים בכל מכה—במדבר | |
| I Sa | Aleppo | 4:10 | וילחמו פלשתים וינגף ישראל וינסו איש לאהליו ותהי המכה גדולה מאד ויפל מישראל שלשים אלף רגלי | |
| I Sa | Aleppo | 4:13 | ויבוא והנה עלי ישב על הכסא יך (יד) דרך מצפה—כי היה לבו חרד על ארון האלהים והאיש בא להגיד בעיר ותזעק כל העיר | |
| I Sa | Aleppo | 4:16 | ויאמר האיש אל עלי אנכי הבא מן המערכה ואני מן המערכה נסתי היום ויאמר מה היה הדבר בני | |
| I Sa | Aleppo | 4:17 | ויען המבשר ויאמר נס ישראל לפני פלשתים וגם מגפה גדולה היתה בעם וגם שני בניך מתו חפני ופינחס וארון האלהים נלקחה {פ} | |
| I Sa | Aleppo | 4:18 | ויהי כהזכירו את ארון האלהים ויפל מעל הכסא אחרנית בעד יד השער ותשבר מפרקתו וימת—כי זקן האיש וכבד והוא שפט את ישראל ארבעים שנה | |
| I Sa | Aleppo | 4:19 | וכלתו אשת פינחס הרה ללת ותשמע את השמועה אל הלקח ארון האלהים ומת חמיה ואישה ותכרע ותלד כי נהפכו עליה צריה | |