ABPGRK - III John

Chapter 1

1:1  ο πρεσβύτερος Γαϊω τω αγαπητώ ον εγώ αγαπώ εν αληθεία

1:2  αγαπητέ περί πάντων εύχομαί σε ευοδούσθαι και υγιαίνειν καθώς ευοδούταί σου η ψυχή

1:3  εχάρην γαρ λίαν ερχομένων αδελφών και μαρτυρούντων σου τη αληθεία καθώς συ εν αληθεία περιπατείς

1:4  μειζοτέραν τούτων ουκ έχω χαράν ίνα ακούω τα εμά τέκνα εν αληθεία περιπατούντα

1:5  αγαπητέ πιστόν ποιείς ο εάν εργάση εις τους αδελφούς και εις τους ξένους

1:6  οι εμαρτύρησάν σου τη αγάπη ενώπιον εκκλησίας ους καλώς ποιήσεις προπέμψας αξίως του θεού

1:7  υπέρ γαρ του ονόματος αυτού εξήλθον μηδέν λαμβάνοντες από των εθνών

1:8  ημείς ούν οφείλομεν απολαμβάνειν τους τοιούτους ίνα συνεργοί γινώμεθα τη αληθεία

1:9  έγραψα τη εκκλησία αλλ΄ ο φιλοπρώτευων αυτών Διοτρεφής ουκ επιδέχεται ημάς

1:10  δια τούτο εάν έλθω υπομνήσω αυτού τα έργα α ποιεί λόγοις πονηροίς φλυαρών ημάς και μη αρκούμενος επί τούτοις ούτε αυτός επιδέχεται τους αδελφούς και τους βουλομένους κωλύει και εκ της εκκλησίας εκβάλλει

1:11  αγαπητέ μη μιμού το κακόν αλλά το αγαθόν ο αγαθοποιών εκ του θεού εστίν ο δε κακοποιών ουχ εώρακε τον θεόν

1:12  Δημητρίω μεμαρτύρηται υπό πάντων και υπ΄ αυτής της αληθείας και ημείς δε μαρτυρούμεν και οίδατε ότι η μαρτυρία ημών αληθής εστι

1:13  πολλά είχον γράφειν αλλ΄ ου θέλω διά μέλανος και καλάμου σοι γράψαι

1:14  ελπίζω δε ευθέως ιδείν σε και στόμα προς στόμα λαλήσομεν ειρήνη σοι ασπάζονταί σε οι φίλοι ασπάζου τους φίλους κατ΄ όνομα