ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 18
| Isai | Pohnpeia | 18:1 | Palio pillap akan en Sudan mie sahpw ehu wasa me ngilen pehnpihr kan kin peipeido sang ie. | |
| Isai | Pohnpeia | 18:2 | Sang nan sahpwo meninkeder lapalap akan kin kohdi nan Pillap Nail dake pwoht me wiawihkihda ahlek. Kumwail pwurala, kumwail meninkeder kan! Kumwail wahla rohng pwoatet ong sapwamwailo me mi nanpwungen pillap akan, sahpw kehlail oh manaman, me towe kan reirei oh kil medendel, me aramas koaros en sampah kin masak. | |
| Isai | Pohnpeia | 18:3 | Kumwail rong, kumwail koaros me kin kousoan nin sampah! Kumwail rapahkihda pilaik ehu me pahn wia kilel pwehn epida pohn kumwen nahna kan! Kumwail rong ngilen koronihda kan! | |
| Isai | Pohnpeia | 18:4 | KAUN-O ketin mahsanihong ie, “I pahn mahsendihwei sang nanleng ni meleilei duwehte pwoaik en nipwong ni ahnsoun dolung wahnsahpw, oh ni meleilei duwehte marain en ketipin ni rahn. | |
| Isai | Pohnpeia | 18:5 | Mwohn wahn wain kan ar pahn rikirikpene, ni ar pahn masalpeseng oh pwupwudier, oh wah kan mahlahr, imwintihtio pahn kamwomwala mehn Sudan rasehng naip pwoat eh kin pelehsang rahn wain kan. | |
| Isai | Pohnpeia | 18:6 | Paliweren neirail sounpei kan pahn lekdekla rehn menpihr kan oh mahn lawalo kan. Ni ahnsoun karakar menpihr kan pahn kin kangkang irail, oh ni ahnsoun pou, mahn lawalo kan pahn pil uhd kangkang irail.” | |
| Isai | Pohnpeia | 18:7 | Ahnsou ehu pahn kohdo me KAUN-O, Wasa Lapalap, pahn ketikihda kisakis kan sang nan sahpw wet me mi nanpwungen pillap akan, wehi kehlail oh manaman, me towe kan reirei oh kil medendel, me aramas en sampah koaros kin masak. Re pahn kohdo pohn Nahna Saion, wasa me kaudok kin wiawihong KAUN-O, Wasa Lapalap. | |