ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 50
| Isai | Pohnpeia | 50:1 | KAUN-O ketin mahsanih, “Ia duwe, kumwail lemeleme me I kadarala nei aramas akan, rasehng ohl emen me kesehla eh pwoud? Eri a, ia kisinlikoun kamweid? Kumwail lemeleme me I netikinkumwailla nin duwen lidu kei, rasehng ohl emen me kin netikihla nah kan pwe re en wiahla lidu? Soh! Pwe kumwail kalipilipala pwehki dipamwail kan; I kadarkumwailla pwehki amwail wiewia sapwung kan. | |
| Isai | Pohnpeia | 50:2 | “Dahme nei seri kan sohte men dungkiong ie ni ei kolahng doareirailla? Dahme re sohte sapengki ni ei likweriong irail? Ia duwe, I nohn luwet oh sohte kak doareirailla? I kak kammadahkihda pilen madau mahsenteieu, oh kawekala pillap akan ong ni sapwtehn, pwe mwahmw akan loale en mehkihla eh solahr pihl. | |
| Isai | Pohnpeia | 50:4 | KAUN-O, Wasa Lapalahpie, ketin padahkihong ie dahme I pahn patohwan, pwe I en kak kakehlahda me pwangadahr akan. Nimenseng koaros e kin ketin koangngoangehkin ie I en rong sapwellime padahk. | |
| Isai | Pohnpeia | 50:6 | I mweidohng irail en wokih pohnsewei, I sohte irehdi ar lahlahwe ie ni ar wus wunen ei alis oh kendipiong ni mesei. | |
| Isai | Pohnpeia | 50:7 | Arail lahlahwe ie sohte kamedekeiehla, pwehki KAUN-O, Wasa Lapalahpie, kin ketin sewese ie. I nannantihongete ei kanengamahiong irail, pwe I ese me I sohte pahn namenekla; | |
| Isai | Pohnpeia | 50:8 | pwe Koht kin ketin karanih ie, oh e pahn ketin kasalehda eh sohte dipei. Mie me eimahiong kedipe ie? Eri, se en ketila nan mwoalen kopwung! Mweidohng en kedipe ie wasao! | |
| Isai | Pohnpeia | 50:9 | Pein KAUN-O me pahn ketin doare ie- eri, ihs me kak kadehdehda me mie ei sapwung? Me kedipe ie koaros pahn sohrala, rasehng likou me kul kan kangalahr. | |
| Isai | Pohnpeia | 50:10 | Kumwail koaros me kin wauneki KAUN-O oh kin peikiong mahsen en sapwellime ladu, ahl me kumwail kekeid loale kakete mi nan rotorot mosul, ahpw kumwail likih KAUN-O, koapworopworki amwail Koht. | |