ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 52
| Isai | Pohnpeia | 52:1 | Serusalem, pwurehng kehlailada oh lapalapala! Kahnimw sarawien Koht, kapwatkihda omw likou lingan akan. Me rotorot akan solahr pahn pwurehng pedolong nan ewen kelen omw kahnimw. | |
| Isai | Pohnpeia | 52:2 | Serusalem, pein kasaledekihiukala! Uhdahsang nanpwel oh mwohndiong nan mwoalomw! Kamweidpeseng selipomw kan me senselihiuk, kowe, Saion, wehi lidu! | |
| Isai | Pohnpeia | 52:3 | KAUN-O, Wasa Lapalahpie, ketin mahsanihong sapwellime aramas akan, “Ni ahnsou me kumwail wiahla lidu, sohte mwohni ieu me pwainkumwailda; pil sohte mwohni ieu mehn kasaledekihkumwailla. | |
| Isai | Pohnpeia | 52:4 | Mahso kumwail kousoanla Isip nin duwen mehn liki kei, kumwail wiahier met sang ni pein nsenamwail. Asiria ahpw uhd weikumwailsang ni idihd oh sohte mwohni ieu me pwainkumwailda. | |
| Isai | Pohnpeia | 52:5 | Oh met, soangen irairohte pil wiawi nan Papilonia: kumwail wialahr aramas selidi kei oh sohte mwohni ieu me pil pwainkumwailda. Koaros me kaunkumwaildahr kin suweiki oh koasoakoasoia oh wie mwamwahlikin ie ahnsou koaros. | |
| Isai | Pohnpeia | 52:6 | Ni ahnsou kan me pahn kohdo, kumwail pahn wehwehkihla me ngehi, iei Koht, me mahseniongkumwailehr.” | |
| Isai | Pohnpeia | 52:7 | Meid lingan oh kaselel atail udiahl meninkeder men ni eh kin kotehdo nahna kan wa kohdo rongamwahu, rongamwahu en popohl! E pakairki duwen manaman en powehdi, oh ndaiong Saion, “Omwi nanmwarki, iei Koht!” | |
| Isai | Pohnpeia | 52:8 | Silepen kahnimwo kan wiahkinteieu werda, werkihda ar perenda kowahlap. Pwehki ar kilangki masarail kan sapahldohn KAUN-O nan Saion. | |
| Isai | Pohnpeia | 52:9 | Kumwail mohn ihmw kan en Serusalem, kumwail koaros werda oh ngisingiski amwail peren! KAUN-O pahn ketin doarehla sapwellime kahnimwo oh kaloalamwahwihala sapwellime aramas akan. | |
| Isai | Pohnpeia | 52:10 | KAUN-O pahn ketin doadoahngki sapwellime manaman sarawi; e pahn ketin komourala sapwellime aramas akan, oh sampah pokon pahn kilang duwen met. | |
| Isai | Pohnpeia | 52:11 | Kumwail mwadang mweselsang Papilonia, kumwail koaros me weuwa dipwisoun Tehnpas Sarawio kan. Kumwail dehpa sair mehkot me keinepwi; . kumwail pein kamwakeleikumwailda oh mweselsang nan kahnimwet. | |
| Isai | Pohnpeia | 52:12 | Ahnsou wet amwail mwesel sohte pahn wiawi ni karuaru; kumwail sohte pahn mwomwen tang de sopohla. KAUN-O, amwail Koht, pahn ketin kahluwai kumwail, oh ketin doandoareikumwailsang me suwed koaros. | |
| Isai | Pohnpeia | 52:13 | KAUN-O ketin mahsanih, “Ei laduwo pahn pweida mwahu nan eh doadoahk; e pahn lapalapala oh waunla kowahlahpie. | |
| Isai | Pohnpeia | 52:14 | Aramas tohtohie inenen pwuriamweikihla ni ar kilangada; pwe mwomwe inenen suwedsang mwomwen aramas, likamwete kaidehn aramas emen ih. | |