ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 55
| Isai | Pohnpeia | 55:1 | KAUN-O ketin mahsanih, “Kumwail koaros me men nimpildahr, kumwail kohdo- iet pwarer en pihlen! Kumwail me sohte noumwail mwohni, kumwail kohdo- kumwail pwainda amwail tungoal pilawa oh iang kepinkonot! Kumwail kohdo! Alehda amwail tungoal wain oh milik- kumwail sohte pahn pwain! | |
| Isai | Pohnpeia | 55:2 | Dahme kumwail pahn kesehkihla noumwail mwohni kan ong ni mehkot me sohte pahn kaitarala amwail anahn? Dahme kumwail pahn kesehkihla wahn pwudowamwail kan ahpw kumwail sohte pahn medla? Kumwail rong ie oh kapwaiada dahme I pahn mahsanih, kumwail ahpw pahn nsenamwahukihla kisin tungoal me keieu kaselel sang koaros. | |
| Isai | Pohnpeia | 55:3 | “Kumwail nei aramas akan, kumwail rong ie, oh kohdo rehi; kumwail kohdo rehi, I ahpw pahn komourkumwailla! I pahn kauwada inou poatopoat nanpwungatail, oh ketikihong kumwail kupwuramwahu me I inoukihong Depit. | |
| Isai | Pohnpeia | 55:4 | I wiahkihla ih sounkaweid oh kaunen wehi kan, I kasalehda ei manaman ong wehi kan pwehki ih. | |
| Isai | Pohnpeia | 55:5 | Eri, kumwail pahn ekerodo wehin liki kan me sohte kin esei kumwail mahso, ahpw met re pahn tangatang kodohn iangkumwailla! Ngehi, KAUN-O, amwail Koht, Koht sarawien Israel, pahn koasoanehdi pwe mepwukat koaros en pweida; I pahn kawauwihala oh kalinganaikumwailda.” | |
| Isai | Pohnpeia | 55:6 | Kumwail sohpeiong KAUN-O oh kapakapohng nindokon eh sohte kin ketin dohsang kumwail. | |
| Isai | Pohnpeia | 55:7 | Aramas suwed kan en sohpeisang ar mour suwed, oh wekidala ar lamalam. Re en sohpeiong KAUN-O, atail Koht; pwe ih me kupwurkalahngan oh kin mwadang mahkikihong kitail dipatail kan. | |
| Isai | Pohnpeia | 55:8 | KAUN-O ketin mahsanih, “Audepen nan kupwurei sohte duwehte audepen amwail lamalam, oh ei wiewia kan sohte duwehte amwail wiewia kan. | |
| Isai | Pohnpeia | 55:9 | Pwe duwen nanleng eh ileilesang sampah, ih duwen kupwurei oh wiewia kan eh ileilesang amwail kan. | |
| Isai | Pohnpeia | 55:10 | “Ei mahsen kin rasehng sinoh oh keteu me kin mweredi sang pahnlahng pwe en kalamwurih sampah. E kin kawosehda oh kakairada wahnsahpw, oh pil kin kihong aramas werentuhke mehn poad oh kisin tungoal akan mehn tungoal. | |
| Isai | Pohnpeia | 55:11 | Ih pil duwen mahsen me I kin kapwilewei- e pahn kin kapwaiada audepen kupwurei koaros; e pahn kin kapwaiada mehkoaros me I anahne en pweida. | |
| Isai | Pohnpeia | 55:12 | “Eri, kumwail pahn mweselsang Papilon pereperen; kumwail pahn pakahrieisang nan kahnimwo ni popohl. Nahna kan oh dohl akan pahn direkihla ar koulen kaping, oh tuhkehn nansapw akan pahn ngisingiski ar peren. | |