ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 47
| Isai | Pohnpeia | 47:1 | KAUN-O ketin mahsanih, “Papilon doudihsang nan mwoalomwi, oh mwohndiong nan pwelpar nan pwehl. Mahs ke duwehte meipwon emen, kahnimw ehu me saikinte me kalowehdi, ahpw met ke solahr kil medendel oh kaselel! Met ke wialahr lidu men! | |
| Isai | Pohnpeia | 47:2 | Kapir takain wia pilawa amas! Ngidarpene pilawa amas! Kihsang omw koaduhpwelen! Kapwuhrasang omw likou kaselel kan! Pwekada omw urohs en pwe ke en kotehwei pilitik kan! | |
| Isai | Pohnpeia | 47:3 | Aramas akan pahn kilang duwen omw pahn kilisoula; re pahn kilang duwen omw pahn aktikitikla oh namenekla. I pahn ikihong uhk, oh sohte mehmen pahn katokihiehdi.” | |
| Isai | Pohnpeia | 47:4 | Koht sarawien Israel ketin kasaledekihkitaillahr- mware iei KAUN-O, Wasa Lapalap. | |
| Isai | Pohnpeia | 47:5 | KAUN-O ketin mahsanihong Papilon, “Nennenla kowe mwomwohd nan rotorot; re solahr pahn kahdanekin uhk lih nanmwarkien wehi kan! | |
| Isai | Pohnpeia | 47:6 | I engiengdahr pahn nei aramas akan; I solahr wiahkin irail nei aramas; I kihongirailehr pahn omw manaman, ke ahpw sohte mahkohng irail; ke pil wiakauwelahr me mah kan. | |
| Isai | Pohnpeia | 47:7 | Ke medemedewe me ke pahn wiewiahte lih nanmwarki men kohkohlahte, oh sohte kihdiong mepwukat nan kapehdomw de sohte medemedewe duwen imwilahn mepwukat koaros. | |
| Isai | Pohnpeia | 47:8 | “Rong mahs, kowe, me kin poakohhg kansenamwahu kan en sampah, 2 kowe, me kin medemedewe me ke nsenamwahu oh sohte pahn diar apwal. Ke kosekose me ke me lapalap rasehng Koht- me dene sohte emen me duwehte kowe. Ke lemeleme me ke sohte pahn wiahla liohdi de lokolongki mehlahn noumw seri kan. | |
| Isai | Pohnpeia | 47:9 | Ahpw ni ahnsou tehkis, ni rahnteieu, mepwukat koaros pahn pweida. Mehndahte soangen wunahni kan koaros me ke kin doadoahngki, omw pwoud oh noumw seri kan pahn mehsang uhk. | |
| Isai | Pohnpeia | 47:10 | “Ke likih pein kowe nan omw wiewia suwed kan; 2 ke lemeleme me sohte me pahn kak kilang uhk. Omw erpit oh loalokong pahn kahreiukalahng nan ahl sapwung, ke ahpw mengimengloalki, ‘Ngehi me Koht- sohte emen me duwehte ngehi.’ | |
| Isai | Pohnpeia | 47:11 | Kahpwal pahn lelohng uhk, oh sohte ehu omw wunahni kan pahn kak katokihedi. Ohla laud pahn mwadangete lelohng uhk- soangen ohla me ke saikinte mwahn ouramanda! | |
| Isai | Pohnpeia | 47:12 | Kolokol omw wunahni oh akmanaman akan me ke kin wie doadoahngki sang ni omw tikitik. Mweinele re pahn wia sawas ehu ong uhk; mweinele ke pahn kak en kamasakada omw imwintihti kan. | |
| Isai | Pohnpeia | 47:13 | Sohte omw manaman mehndahte omw aleier kaweid kan. Mweidohng noumw aramas loalokong kan en kohdo oh doareiukala- soangen aramas akan me kin sukuhlki duwen usu kan, me kin iroirong pahnlahg kan oh kin ndahng uhk dahme pahn pweida rehmw nan ehuehu sounpwong. | |
| Isai | Pohnpeia | 47:14 | “Re pahn rasehng dihpw meng, 2 oh kisiniei pahn isikirailla! Re sohte pahn pil kak pein doareirailla- oh mpwulen kisinieio pahn inenen karakar ong irail, kaidehn soangen kisiniei me pahn kansenamwahu ong irail ni arail pou. | |