ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 53
| Isai | Pohnpeia | 53:1 | Aramas akan ahpw sapeng, patohwan, “Ihs me pahn kamehlele dahme kitail kadehdedahret? Ihs me pahn kak marainkihla doadoahk en nin limen KAUN-O ni irair wet? | |
| Isai | Pohnpeia | 53:2 | Iet kupwur en KAUN-O: sapwellime laduwo en keirda, rasehng kisin tuhke kis me kalewe kan wosada nan pwehl madekeng. Sohte wahu ehu de lingan ehu me mie reh, me kitail kak linganki oh inangih kilang. Sohte mehkot mwahu mie ni paliwere, me pahn kahrehiong atail men keiong mpe. | |
| Isai | Pohnpeia | 53:3 | Kitail mwamwahliki oh sohpeisangehr sohte men kilang; ohlen lokolok men ih me ahnlahr soangen medek koaros. Sohte emen mie me men kilang- kitail kin pohnsehse pwe likamwete sohte mwahn ih mehkot. | |
| Isai | Pohnpeia | 53:4 | “Ahpw, atail tungoal lokolok kan me e lokolongki, atail medek me e toutoukihla. Ni ahnsowo kitail medemedewe me Koht me ketikihong kalokolok wet. | |
| Isai | Pohnpeia | 53:5 | Ahpw soh, dipatail kan me e lipwalipwkihda, oh atail wiewia suwed kan me e wowokihki. Lokolok wet kamwahwihkitailla, lipwen ohla kan ni paliwere kaunsekihkitailla. | |
| Isai | Pohnpeia | 53:6 | Kitail koaros rasehng sihpw kei me salongalahr; emenemen kitail kin weweid nan nsene. Ahpw KAUN-O ketin kapwukoahki ih kalokepen dipatail kan, kalokolok me kitail koaros konehng ale. | |
| Isai | Pohnpeia | 53:7 | “Ni eh wiemwahlla pahn aramas, e soh mwahn kin kaulimala, sohte mwahn kisin kaulim kis kin kohsang nan ewe. Rasehng sihmpwul men me nektehn kamakamala, rasehng sihpw men me nektehn seiseisang wune kan, e sohte mwahn nda mehkot. | |
| Isai | Pohnpeia | 53:8 | E miher nan selipe, pakadeikadahr oh pakahrlahr pwe en kamakamala, oh sohte emen me kesempwalkihda dahme pahn wiawihong. E ahpw kamakamala pwehki dipen neitail aramas akan. | |
| Isai | Pohnpeia | 53:9 | E ahpw nekinekdiong nan sousou ehu iang me dipan akan, oh seridi rehn me kepwehpwe kan, mehnda ma e sohte mwahn wiahda sapwung ehu, de likamw ehu kohsang nan ewe.” | |
| Isai | Pohnpeia | 53:10 | KAUN-O ketin mahsanih, “Ngehi me kupwurehda en ale lokolok; pwe eh mehla, iei meirong ehu me pahn kahrehdo mahk oh kalahngan. Iei me e pahn kilangki kadaudoke kan; e pahn mour werei nin sampah, oh ei koasoandi pahn pweida pwehki ih. | |
| Isai | Pohnpeia | 53:11 | Mwurin eh mour en lokolok, e pahn pwurehng perenda; e pahn esehda me eh lokolok kan sohte wiawi mwahl. Ei ladu loalopwoat me I kin kupwurperenki, me pahn toutoukihla lokolok en aramas ngeder oh pwehki ih me I pahn kupwur mahkikihong dipen aramas akan. | |
| Isai | Pohnpeia | 53:12 | Me kahrehda I pahn wauneki oh ketikihong lengileng ehu, oh dehu ehu nanpwungen soupeidi oh me lapalap akan. E meirongkihla eh mour sang ni pein nsene, oh mweidala pein ih pwe en iang wadawadohng me dipan akan. E wilianla me dipan ngeder oh kasakaskin irail pwe re en ale mahkpen diparail kan.” | |