ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 54
| Isai | Pohnpeia | 54:1 | Serusalem, ke rasehng lih emen me sohte nah seri, ahpw met, ke kakehr koul oh ngisingiski omw peren. Pwe met ke pahn naineki seri me tohtohsang lih me eh pwoud sohte kesehla. | |
| Isai | Pohnpeia | 54:2 | Eri, kalaudehla imwomw impwal me ke kin kousoan loale; kareireila selipe kan oh katengehdi kisin lepin tuhkehn katenge kan! | |
| Isai | Pohnpeia | 54:3 | Ke pahn kalaudehla irepen sapwomw ni pali koaros; pwe noumw aramas akan pahn pwurehng nan sahpw me wehin liki kan mihmi ie ahnsou wet. Kahnimw kan, me ahnsou wet sohte towe, pahn diren aramasala. | |
| Isai | Pohnpeia | 54:4 | Ke dehr perki mehkot-ke solahr pahn pwurehng sarohdi; ke solahr pahn namenekla. Ke pahn manokehla omw soaloalopwoat nin duwen peinakapw pwopwoud men, oh omw loaleid nin duwen liohdi men. | |
| Isai | Pohnpeia | 54:5 | Pwe ih me ketin kapikuhkada pahn rasehng omw pwoud- mware, iei KAUN-O, Wasa Lapalahpie. Koht sarawien Israel me pahn komouruhkala- ih me kaunepen sampah pwon. | |
| Isai | Pohnpeia | 54:6 | Israel, ke rasehng lih pwopwoud pwulopwul men, me eh pwoud keselahr, oh me likideklahr. Ahpw met KAUN-O ketin malipeiuk, mahsanih, | |
| Isai | Pohnpeia | 54:7 | “Erein ahnsoutehkis me I keseiukalahr; ahpw ni ei limpoak lapalahpie I pahn kapwureiukodohng rehi. | |
| Isai | Pohnpeia | 54:8 | Ahnsou kis I sohpeisang uhk ni ei engieng; ahpw I pahn kasalehiong uhk ei limpoak poatopoat sang met kohla.” Iei duwen mahsen en KAUN-O me ketin komouruhkala. | |
| Isai | Pohnpeia | 54:9 | “Ni mwehin Noha, I kahukilahr oh inoukidahr me I solahr pahn kauwehkihla sampah nohlik lapalap. Eri, I pil inoukihda met me I solahr pahn pwurehng engieng pahmw; I solahr pahn angiangihiuk de kalokeiuk. | |
| Isai | Pohnpeia | 54:10 | Nahna kan oh dohl akan kakete re en mwerpeseng, ahpw ei limpoak ong uhk sohte kak en sohrala; I pahn dadaurete ei inoun popohl kohkohlahte.” Iei duwen mahsen en KAUN-O me ketin loalloaleiuk. | |
| Isai | Pohnpeia | 54:11 | KAUN-O ketin mahsanih, “Serusalem, kahnimw en lokolok, me sohte sawasepe, me sohte mehmen me kak koaloalamwahwihiuk. I pahn onekihda sapahl poahsoan kan en omw kahnimw takai kesempwal. | |
| Isai | Pohnpeia | 54:12 | I pahn kaukihda omw wasahn iroir kan kisin takai weitahta kesempwal me ede rupi, oh omw ewen kehl kan kisin takai me lingaling duwehte kisiniei, oh kehl kan me kapiluhkpene pahn kokoukihda takai kesempwal. | |
| Isai | Pohnpeia | 54:13 | “Pein ngehi pahn padahkihong noumw aramas akan, oh ketikihong irail paiamwahu oh popohl. | |
| Isai | Pohnpeia | 54:14 | Pwuhng oh inen pahn kakehleiukada. Ke pahn silasil mwahu sang pahn kehnaudek oh me kamasepwehk kan. | |
| Isai | Pohnpeia | 54:15 | Ma mehmen pahn mahweniong uhk, ke en ese me kaidehn ngehi me mweidohng; oh mehmen me uhwong uhk oh pelianuhkada, e pahn pwupwudi. | |
| Isai | Pohnpeia | 54:16 | “Ngehi me wiahda sounsuk mete kan, me kin saunda kisiniei en wiahda tehtehn mahwen. Ngehi me pil wiahda sounpei kan, me kin doadoahngki tehtehn mahwen kan mehn kemehla aramas. | |