JOSHUA
Chapter 3
Josh | CSlEliza | 3:1 | И воста заутра Иисус, и воздвигошася из Саттина, и приидоша до Иордана той и вси сынове Израилевы, и сташа тамо прежде неже прейти. | |
Josh | CSlEliza | 3:3 | и заповедаша людем, глаголюще: егда узрите кивот завета Господа Бога нашего, и жерцы нашя, и левиты воздвизающыя его, да воздвигнетеся и вы от мест ваших и пойдете вслед его: | |
Josh | CSlEliza | 3:4 | но подалее да будет между вами и оным, елико две тысящы лакот станете: не приближитеся к нему, да увесте путь, по немуже пойдете: не ходисте бо путем тем ни вчера, ни третияго дне. | |
Josh | CSlEliza | 3:5 | И рече Иисус к людем: очиститеся наутрие, яко заутра сотворит в вас Господь чудная. | |
Josh | CSlEliza | 3:6 | И рече Иисус к жерцем: воздвигните кивот завета Господня и предидите пред людьми. И взяша жерцы кивот завета Господня и идоша пред людьми. | |
Josh | CSlEliza | 3:7 | И рече Господь ко Иисусу: в сей день начинаю возвышати тя пред всеми сынми Израилевыми, да уведят, якоже бех с Моисеом, тако буду и с тобою: | |
Josh | CSlEliza | 3:8 | и ныне заповеждь жерцем воздвизающым кивот завета, глаголя: егда внидете на часть воды Иордана, и во Иордане станете. | |
Josh | CSlEliza | 3:9 | И рече Иисус сыном Израилевым: приступите семо, и слышите слово Господа Бога вашего: | |
Josh | CSlEliza | 3:10 | в сих увесте, яко Господь живяй в вас и потребляяй потребит от лица вашего Хананеа и Хеттеа, и Ферезеа и Евеа, и Гергесеа и Аморреа и Иевусеа: | |
Josh | CSlEliza | 3:12 | изберите себе дванадесять мужей от сынов Израилевых, единаго от коегождо племене, | |
Josh | CSlEliza | 3:13 | и будет егда почиют нози жерцев воздвизающих кивот завета Господа всея земли в воде Иордана, вода Иорданова оскудеет, вода же низтекущая станет. | |
Josh | CSlEliza | 3:14 | И бысть егда воздвигнушася людие от кущ своих прейти Иордан, жерцы же воздвигоша кивот завета Господня пред людьми: | |
Josh | CSlEliza | 3:15 | егда же внидоша жерцы воздвижуще кивот завета Господня во Иордан, и нози жерцев воздвизающих кивот завета Господня омочишася в части воды Иордана, Иордан же наполняшеся во вся краи своя, якоже во дни жатвы пшеницы: | |
Josh | CSlEliza | 3:16 | и сташа воды текущыя свыше, ста огустение едино отлучившееся далече зело зело от Адами града даже до страны Кариафиарима: низтекущая же низтече в море Аравско, в море Сланое, дондеже до конца оскуде. | |