DANIEL
Chapter 7
| Dani | CopSahBi | 7:9 | ⲁⲛⲟⲕ ⲇⲁⲛⲓⲏⲗ ⲁⲓⲛⲁⲩ ϩⲛ ⲟⲩϩⲟⲣⲁⲥⲓⲥ ⲛⲧⲉⲩϣⲏ ⲛⲉⲓⲛⲁⲩ ⲡⲉ ϣⲁⲛⲧⲟⲩⲕⲱ ⲉϩⲣⲁⲓ ⲛϩⲛⲑⲣⲟⲛⲟⲥ ⲁⲩⲱ ⲛⲉⲣⲉ ⲡⲁⲡⲁⲥ ϩⲛ ⲛⲉϥϩⲟⲟⲩ ϩⲙⲟⲟⲥ ⲡⲉ ⲧⲉϥϩⲃⲥⲱ ⲇⲉ ⲛⲉⲥⲟⲩⲱⲃϣ ⲛⲑⲉ ⲛⲟⲩⲭⲓⲱⲛ ⲁⲩⲱ ⲛⲉⲣⲉ ⲡϥⲱ ⲛⲧⲉϥⲁⲡⲉ ⲟ ⲛⲑⲉ ⲛⲟⲩⲥⲟⲣⲧ ⲉϥⲧⲃⲃⲏⲩ ⲁⲩⲱ ⲡⲉϥⲑⲣⲟⲛⲟⲥ ⲛⲉ ⲟⲩϣⲁϩ ⲛⲕⲱϩⲧ ⲡⲉ ⲉⲣⲉ ⲛⲉϥⲧⲣⲟⲭⲟⲥ ⲟ ⲛⲕⲱϩⲧ ⲉⲧⲙⲟⲩϩ | |
| Dani | CopSahBi | 7:10 | ⲁⲩⲱ ⲛⲉⲣⲉ ⲟⲩⲉⲓⲉⲣⲟ ⲛⲕⲱϩⲧ ⲉⲧⲥⲱⲕ ⲙⲡⲉϥⲙⲧⲟ ⲉⲃⲟⲗ ⲉⲣⲉ ϩⲛϣⲟ ⲛϣⲟ ϣⲙϣⲉ ⲛⲁϥ ⲁⲩⲱ ⲉⲣⲉ ϩⲛⲧⲃⲁ ⲛⲧⲃⲁ ⲁϩⲉⲣⲁⲧⲟⲩ ⲙⲡⲉϥⲙⲧⲟ ⲉⲃⲟⲗ ⲁⲩⲱ ⲁϥϩⲙⲟⲟⲥ ⲛϭⲓ ⲡⲉⲕⲣⲓⲧⲏⲥ ϥⲟⲩⲱⲛ ⲛϩⲛϫⲟⲱⲱⲙⲉ | |
| Dani | CopSahBi | 7:11 | ⲛⲉⲓϭⲱϣⲧ ⲡⲉ ⲛⲧⲉⲩⲛⲟⲩ ⲁⲩⲱ ⲁⲓⲥⲱⲧⲙ ⲉϩⲛϩⲣⲟⲟⲩ ⲉⲩⲟϣ ⲛϣⲁϫⲉ ⲉⲣⲉ ⲡⲧⲁⲡ ϫⲱ ⲙⲙⲟⲟⲩ ⲛⲉⲓⲛⲁⲩ ⲡⲉ ϣⲁⲛⲧⲟⲩϩⲱⲧⲃ ⲙⲡⲉⲑⲩⲣⲓⲟⲛ ⲁⲩⲱ ⲡⲉϥⲥⲱⲙⲁ ⲁⲩⲧⲁⲕⲟϥ ⲁⲩⲱ ⲩⲧⲁⲁϥ ⲉⲡⲕⲱϩⲧ ⲉⲣⲱⲕϩ ⲙⲙⲟϥ | |
| Dani | CopSahBi | 7:12 | ⲁⲩⲱ ⲁⲩϫⲓ ⲙⲡϫⲱⲕ ⲛⲧⲁⲣⲭⲏ ⲙⲛ ⲛⲉⲝⲟⲩⲥⲓⲁ ⲛⲛⲉⲑⲏⲣⲓⲟⲛ ⲁⲩⲱ ⲁⲩϯ ⲛⲁⲩ ⲛⲟⲩⲱⲛϩ ϣⲁ ⲟⲩⲟⲉⲓϣ ⲙⲛ ⲟⲩⲭⲣⲟⲛⲟⲥ | |
| Dani | CopSahBi | 7:13 | ⲛⲉⲓⲛⲁⲩ ⲡⲉ ϩⲛ ⲧϩⲟⲣⲁⲥⲓⲥ ⲛⲧⲉⲩϣⲏ ⲁⲩⲱ ⲉⲓⲥ ϩⲏⲏⲧⲉ ⲛⲑⲉ ⲛⲟⲩϣⲏⲣⲉ ⲛⲣⲱⲙⲉ ⲉϥⲛⲏⲩ ϩⲓϫⲛ ⲛⲉⲕⲗⲟⲟⲗⲉ ⲛⲧⲡⲉ ⲁⲩⲱ ⲁϥϩⲱⲛ ⲉϩⲟⲩⲛ ⲉⲡⲁ ⲧⲁⲣⲭⲏ ϩⲛ ⲛⲉϥϩⲟⲟⲩ ⲁⲩⲱ ⲁϥⲉⲓ ⲙⲡⲉϥⲙⲧⲟ ⲉⲃⲟⲗ | |
| Dani | CopSahBi | 7:14 | ⲁϥϯ ⲛⲁϥ ⲛⲧⲁⲣⲭⲏ ⲙⲛ ⲧⲉⲝⲟⲩⲥⲓⲁ ⲙⲛ ⲧⲙⲛⲧⲉⲣⲟ ⲁⲩⲱ ⲛⲗⲁⲟⲥ ⲧⲏⲣⲟⲩ ⲙⲛ ⲛⲉⲫⲩⲗⲏ ⲙⲛ ⲛⲁⲥⲡⲉ ⲛⲗⲁⲥ ⲁⲩⲣ ϩⲙϩⲁⲗ ⲛⲁϥ ⲛⲉⲣⲉ ⲧⲉϥⲉⲝⲟⲩⲥⲓⲁ ⲇⲉ ⲙⲏⲛ ⲉⲃⲟⲗ ϣⲁ ⲉⲛⲉϩ ⲛⲉⲛⲉϩ ⲛⲁⲧϯⲟⲩⲱ ⲁⲩⲱ ⲧⲉϥⲙⲛⲧⲉⲣⲟ ⲟⲩⲁⲧⲧⲁⲕⲟ ⲧⲉ | |