I SAMUEL
Chapter 31
I Sa | VulgCont | 31:1 | Philisthiim autem pugnabant adversum Israel: et fugerunt viri Israel ante faciem Philisthiim, et ceciderunt interfecti in monte Gelboe. | |
I Sa | VulgCont | 31:2 | Irrueruntque Philisthiim in Saul, et in filios eius, et percusserunt Ionathan, et Abinadab, et Melchisua filios Saul, | |
I Sa | VulgCont | 31:3 | totumque pondus prælii versum est in Saul: et consecuti sunt eum viri sagittarii, et vulneratus est vehementer a sagittariis. | |
I Sa | VulgCont | 31:4 | Dixitque Saul ad armigerum suum: Evagina gladium tuum, et percute me: ne forte veniant incircumcisi isti, et interficiant me, illudentes mihi. Et noluit armiger eius: fuerat enim nimio terrore perterritus. Arripuit itaque Saul gladium, et irruit super eum. | |
I Sa | VulgCont | 31:5 | Quod cum vidisset armiger eius, videlicet quod mortuus esset Saul, irruit etiam ipse super gladium suum, et mortuus est cum eo. | |
I Sa | VulgCont | 31:6 | Mortuus est ergo Saul, et tres filii eius, et armiger illius, et universi viri eius in die illa pariter. | |
I Sa | VulgCont | 31:7 | Videntes autem viri Israel, qui erant trans vallem, et trans Iordanem, quod fugissent viri Israelitæ, et quod mortuus esset Saul, et filii eius, reliquerunt civitates suas, et fugerunt: veneruntque Philisthiim, et habitaverunt ibi. | |
I Sa | VulgCont | 31:8 | Facta autem die altera, venerunt Philisthiim, ut spoliarent interfectos, et invenerunt Saul et tres filios eius iacentes in monte Gelboe. | |
I Sa | VulgCont | 31:9 | Et præciderunt caput Saul, et spoliaverunt eum armis: et miserunt in Terram Philisthinorum per circuitum, ut annunciaretur in templo idolorum, et in populis. | |
I Sa | VulgCont | 31:10 | Et posuerunt arma eius in templo Astaroth, corpus vero eius suspenderunt in muro Bethsan. | |
I Sa | VulgCont | 31:11 | Quod cum audissent habitatores Iabes Galaad, quæcumque fecerant Philisthiim Saul, | |
I Sa | VulgCont | 31:12 | surrexerunt omnes viri fortissimi, et ambulaverunt tota nocte, et tulerunt cadaver Saul, et cadavera filiorum eius de muro Bethsan: veneruntque Iabes Galaad, et combusserunt ea ibi: | |