TpiKJPB - III John - 1

1:1  ¶ Lapun hetman i go long Gaias, man i stap klostu tru long bel bilong mi tru, husat mi laikim tru insait long tok tru.

1:2  Man i stap klostu tru long bel bilong mi, antap long olgeta samting mi gat laik tru long yu ken stap gutpela na stap orait, yes, olsem tewel bilong yu i stap gutpela.

1:3  ¶ Long wanem, mi wokim bikpela amamas tru, taim ol brata i kam na tokaut klia long dispela tok tru i stap insait long yu, yes, olsem yu wokabaut insait long tok tru.

1:4  Mi no gat narapela amamas tru i bikpela moa long taim mi harim long ol pikinini bilong mi i wokabaut insait long tok tru.

1:5  Man i stap klostu tru long bel bilong mi, yu save mekim wanem samting yu mekim long ol brata, na long ol ausait man, wantaim pasin yu inap bilip long en,

1:6  Husat i bin stap witnes long pasin bilong laikim tru bilong yu long ai bilong sios, husat sapos yu bringim i go long wokabaut bilong ol i bihainim kain pasin bilong bihainim God, yu bai mekim gutpela.

1:7  Bilong wanem, long tingim nem bilong em ol i go ausait, na ol i no kisim wanpela samting long ol man i no Ju.

1:8  Olsem na yumi mas kisim kain man olsem, inap long yumi ken i stap ol wanwok long tok tru.

1:9  ¶ Mi raitim i go long sios, tasol Daiotrefis, husat i laikim tru long gat nambawan namba namel long ol, i no kisim mipela.

1:10  Olsem na, sapos mi kam, mi bai holim tingting long ol wok bilong em, dispela em i mekim, taim em i toktok nating i birua long mipela wantaim ol toktok bilong tingting nogut. Na em i no tok em inap long dispela, na tu em yet i no kisim ol brata, na em i tambuim ol husat i gat laik long kisim ol, na tromoi ol i go ausait long sios.

1:11  Man i stap klostu tru long bel bilong mi, no ken bihainim dispela samting i nogut, tasol dispela samting i gutpela. Em husat i mekim gutpela em i bilong God. Tasol em husat i mekim nogut i no bin lukim God.

1:12  ¶ Demitrias i gat gutpela ripot long olgeta man, na long tok tru em yet. Yes, na mipela tu i tokaut long en. Na yupela save long tokaut bilong mipela em i tru.

1:13  Mi bin gat planti samting long raitim, tasol mi bai i no inap raitim wantaim ing na ingpen long yu.

1:14  Tasol mi gat bilip long mi bai lukim yu klostu nau, na yumi bai toktok pes i go long pes. Bel isi i stap long yu. Ol pren bilong yumi i salim gude long yu. Kolim nem bilong ol pren taim yu tok gude long ol.