JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 21
| Jere | Azeri | 21:1 | پادشاه صئدقئيا مَلکئيا اوغلو پَشخورو و مَعَسِيا اوغلو کاهئن صِفَنياني اِرِميا‌نين يانينا گؤنده‌ره‌نده، ربّئن سؤزو اِرِميايا نازئل اولدو. اونلار دِمئشدئلر: | |
| Jere | Azeri | 21:2 | "گل، بئزئم طرفئمئزدن ربدن سوروش. چونکي بابئل پادشاهي نَبوکَدنِصّر بئزه هوجوم گتئرئر. بلکه رب کِچمئشده اتدئيي مؤجوزه‌لره بَنزَر بئزه بئر شي اِدَر و نَبوکَدنِصّر بئزدن اَل چکر؟" | |
| Jere | Azeri | 21:4 | ائسرايئلئن تاريسي رب بله بويورور: «اَلئنئزده اولان موحارئبه سئلاحلاريني کي، اونونلا دووارلارين او طرفئنده سئزي موحاصئره‌يه آلان بابئل پادشاهي و کَلدانئلرله ساواشيرسينيز، گری ساخلاياجاغام. سئلاحلارينيزي بو شهرئن اورتاسينا بئر يِره ييغاجاغام. | |
| Jere | Azeri | 21:5 | من اؤزوم سئزئن ضئدّئنئزه اَل قالديراجاغام، گوجلو قولوملا، قِيض، قضب و بؤيوک حئدّتله سئزئنله ووروشاجاغام. | |
| Jere | Azeri | 21:6 | بو شهرده ياشايان ائنساني دا، حيواني دا محو اده‌جيم. اونلار شئدّتلي وبادان اؤله‌جکلر.» | |
| Jere | Azeri | 21:7 | رب بويورور: «بوندان سونرا يهودا پادشاهي صئدقئياني و اعيانلاريني، هم ده بو شهرده وبادان، قيلينجدان و آجليقدان صاغ قالانلاري بابئل پادشاهي نَبوکَدنِصّره و جانلاريني آلماق ائسته‌ين دوشمنلرئنه تسلئم اده‌جيم. او، اونلاري قيلينج آغزينا وره‌جک، اونلارا نه رحم، نه شَفقَت، نه ده مرحمت گؤرسده‌جک.» | |
| Jere | Azeri | 21:8 | بوندان علاوه، بو خالقا دِه: رب بله ديئر: «باخ، حيات يولونو و اؤلوم يولونو قاباغينيزا قويورام. | |
| Jere | Azeri | 21:9 | بو شهرده قالان قيلينج، آجليق و وبادان اؤله‌جک. لاکئن کئم باييرا چيخيب سئزي موحاصئره‌يه آلان کَلدانئلره تسلئم اولسا، صاغ قالاجاق، هچ اولماسا اؤز جا‌نيني قورتاراجاق. | |
| Jere | Azeri | 21:10 | بو شهره ياخشيليق يوخ، پئسلئک اتمه‌يه نئيّت اتمئشم.» رب بويورور. «بورا بابئل پادشاهينا تسلئم ادئله‌جک، او دا بوراني يانديريب ياخاجاق.» | |
| Jere | Azeri | 21:12 | ای داوود نسلي، رب بله ديئر: «هر سحر عدالتله رفتار ادئن، مظلومو ظالئمئن اَلئندن قورتارين. يوخسا پئس عمل‌لرئنئزه گؤره قضبئم اود کئمي چيخيب يانديراجاق، اونو سؤندورن اولماياجاق.» | |
| Jere | Azeri | 21:13 | رب بويورور: «من سنه ضئدّم، ای وادئنئن اوستونده‌کي يايلادا اولان قايادا اوتوران اورشلئم!» سئز ديئرسئز: «اوستوموزه کئم گله بئلر؟ ياشاديغيميز يِرلره کئم گئره بئلر؟» | |