JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 10
| Jere | Azeri | 10:2 | رب بله ديئر: "آيري مئلّتلرئن يولونو اؤيرنمه‌يئن، گؤي علامتلرئندن دهشته گلمه‌يئن، بونلاردان باشقا مئلّتلر دهشت ادئرلر. | |
| Jere | Azeri | 10:3 | چونکي خالقلارين رسم-روسوملاري بوش شي‌دئر. مِشه‌دن کَسئلمئش اودوندور، اوستا اَلئنئن کَسکئسی ائله اونا شکئل ورئر. | |
| Jere | Azeri | 10:5 | بوتلري خئيار بوستانينداکي مترسک کئمي دئرلر، دانيشا بئلمئرلر. اونلاري داشيماق لازيمدير، چونکي يِرئيه بئلمئرلر. اونلاردان قورخمايين، چونکي هچ بئر ضرر يتئره بئلمئرلر، فايدالاري دا هچ يوخدور." | |
| Jere | Azeri | 10:7 | ای مئلّتلرئن پادشاهي، سنه کئم حؤرمت اتمَز؟ سنه حؤرمت ياراشير، چونکي مئلّتلرئن بوتون حئکمتلی‌لري آراسيندا، بوتون مملکتلرئنده سنئن کئمئسي يوخدور. | |
| Jere | Azeri | 10:8 | اونلارين هاميسي عاغيلسيز و آخماقديرلار، فايداسيز بوتلردن نه اؤيره‌نئله‌بئلر کي؟ آغاجدان دوزه‌لمئشدئرلر! | |
| Jere | Azeri | 10:9 | تَرشئشدن دؤيولموش گوموش، اوفازدان قيزيل گتئرئلئر. اوستانين و زرگرئن اَلي ائله دوزه‌لدئلن بوته؛ لاجورد و ارغوان پالتار گِيئندئرئلئر. هاميسي باجاريقلي آداملارين اَلي ائشئدئر. | |
| Jere | Azeri | 10:10 | آمّا رب حقئقي تاري‌دير. وار اولان تاري‌دير، ابدی پادشاه اودور. قضبئندن يِر تئتره‌ير، حئدّتئنئن قاباغيندا مئلّتلر دورا بئلمز. | |
| Jere | Azeri | 10:11 | اونلارا بله دئيه‌جکسن: "يري و گؤيو ياراتمايان آللاهلار ير اوزوندن و گؤيون آلتيندان يوخ اولاجاقلار." | |
| Jere | Azeri | 10:12 | ربدئر کي، قودرتي ائله يِر اوزونو ياراتدي، حئکمتي ائله دونياني قوردو، درّاکه‌سي ائله گؤيلري يايدي. | |
| Jere | Azeri | 10:13 | او گورلاياندا، گؤيلرده‌کي سولار جوشا گلئر، يِرئن اوجقارلاريندان بولودلاري اوجالدير، ياغيش اوچون شئمشک چاخديرير، آنبارلاريندان کولَک چيخاردير. | |
| Jere | Azeri | 10:14 | هر کس آغيلسيزدير، معرئفتسئزدئر. هر زرگر دوزلتدئيي بوتدن اوتانير، چونکي اونون تؤکدويو بوت پوچدور، اونلاردا نفس يوخدور. | |
| Jere | Azeri | 10:15 | اونلار بوش شي‌دئرلر، مسخره‌دئرلر. جزا واختلاري گلن زامان، اونلار دا محو اولاجاقلار. | |
| Jere | Azeri | 10:16 | لاکئن يعقوبا نصئب اولان اونلارا بَنزه‌مز؛ چونکي هر شيي يارادان اودور. ائسرايئل اونون ائرث قبئله‌سي‌دئر، اونون آدي قوشونلار ربّي‌دئر. | |
| Jere | Azeri | 10:18 | چونکي رب بله ديئر: "باخ، من بو دفه اؤلکه‌نئن ساکئنلرئني ساپاندلا آتاجاغام. اونلاري سيخيشديراجاغام کي، دوشمن اَلئنه کچسئنلر." | |
| Jere | Azeri | 10:19 | يارامدان اؤتري، واي حاليما! يارام صاغالماز. آنجاق من ددئم: "قطعن، مرض، منئم مرضئم، اونا دؤزمه‌لي‌يَم." | |
| Jere | Azeri | 10:20 | چاديريمين ييخيليب، بوتون ائپلرئم قوپوب. اوشاقلاريم منی ترک ادئب و آرتيق يوخدورلار. چاديريمي تزه‌دن قوران، پرده‌لرئمي تزه‌دن آسان قالماييب. | |
| Jere | Azeri | 10:21 | چونکي خالقين چوبانلاري آغيلسيز اولوبلار، ربدن مصلحت آلماييبلار. بونا گؤره ده اوغور قازانماييبلار، بوتون سورولري ده داغيليب. | |
| Jere | Azeri | 10:22 | بئر خبر سَسي گلئر، قولاق آسين! شئمال اؤلکه‌سئندن بؤيوک گورولتو گلئر کي، يهودا شهرلرئني خاراباليغا، چاقّال يوواسينا چِوئرسئن. | |
| Jere | Azeri | 10:23 | يارب، بئلئرم کي، ائنسانين عؤمرو اؤز اَلئنده ديئل. قدملرئنه طرئق ورمک ده اونون ائشي ديئل. | |