Site uses cookies to provide basic functionality.

OK
PSALMS
Prev Up Next Toggle notes
Chapter 63
Psal PohnOld 63:1  Kot komui ai Kot, nin soran i kin piridang komui. Ngen i kin inong iong komui. Pali war ai kin inong iong komui nan sap madekong o mongedi, wasa me sota pil mi ia.
Psal PohnOld 63:2  I wasa i kin tamanda komui nan sapwilim omui tanpas im saraui, pwe i men kilang omui manaman o lingan.
Psal PohnOld 63:3  Pwe omui kalangan mau sang maur; kil en au ai kin kapinga komui.
Psal PohnOld 63:4  I wasa i inong iong kapinga komui arain ai maur, o men pokada pa i kat ni mar omui.
Psal PohnOld 63:5  I me pan kaperen pan ngen i o ai popol, ma i pan kak kapinga komui ki au ai kaperen.
Psal PohnOld 63:6  Ni ai kin wendi pon los, i kin madamadaua duen komui, o ni ai pirida, i kin lokelokaia duen komui.
Psal PohnOld 63:7  Pwe komui sauas pa i, o pan mot en lim omui kan i kin ngisingis.
Psal PohnOld 63:8  Ngen i kin tengidi ong komui; lim omui pali maun kin apapwali ia.
Psal PohnOld 63:9  A irail me masamasan ia, pwen saik ia di, pan lokidokila pan sappa.
Psal PohnOld 63:10  Re pan pupedi ong nan kodlas, o kidi en wel pan kang ir ala;
Psal PohnOld 63:11  A nanmarki pan peren kida Kot. Me kin kaula ong i, pan pwaida, pwe au en me likam akan pan pena pinla.