TpiKJPB - Zechariah - 14

14:1  ¶ Lukim, de bilong BIKPELA i kam, na ol kago bilong pait bilong yu bai ol i tilim insait long namel bilong yu.

14:2  Long wanem, Mi bai bungim olgeta kantri bilong birua long Jerusalem long pait. Na biktaun ol bai kisim, na ol bai kisim olgeta kago bilong ol haus, na ol bai bagarapim nogut ol meri. Na wanpela hap bilong biktaun bai go ausait i go long kalabus, na ol bai i no inap rausim lain i stap yet bilong dispela lain manmeri long biktaun.

14:3  Nau bai BIKPELA i go ausait, na pait birua long ol dispela kantri, olsem taim Em i pait long de bilong pait.

14:4  Na tupela lek bilong Em bai sanap long dispela de antap long maunten bilong ol Oliv, dispela i stap long ai bilong Jerusalem long hap is, na maunten bilong ol Oliv bai bruk insait long namel bilong en i go long hap is na i go long hap wes, na bai i gat wanpela bikpela ples daun tru. Na namba tu hap bilong maunten bai lusim i go long hap not, na namba tu hap bilong maunten bai go long hap saut.

14:5  Na yupela bai ranawe i go long ples daun bilong ol maunten. Long wanem, ples daun bilong ol maunten bai go inap long Asal. Yes, yupela bai ranawe, wankain olsem yupela ranawe long ai bilong guria long ol de bilong Usaia, king bilong Juda. Na BIKPELA, God bilong mi, bai kam, na olgeta seint wantaim yu.

14:6  Na em bai kamap olsem long dispela de, long lait bai i no inap stap klia, o tudak.

14:7  Tasol em bai stap wanpela de, dispela bai BIKPELA i save long en, i no san, o nait. Tasol em bai kamap olsem, long taim bilong apinun tru em bai stap lait.

14:8  ¶ Na em bai stap olsem long dispela de, long ol wara i gat laip bai ran i go ausait long Jerusalem. Namba tu hap bilong ol i go long biksi bilong bipo, na namba tu hap bilong ol bai go long biksi baksait. Long taim bilong biksan na long taim bilong bikpela kol em bai stap olsem.

14:9  Na BIKPELA bai stap king antap long dispela graun olgeta. Long dispela de bai i gat wanpela BIKPELA, na nem bilong Em wanpela.

14:10  Olgeta dispela hap bai tanim i kamap olsem wanpela ples stret i stat long Geba i go long Rimon long hap saut bilong Jerusalem. Na em bai stap antap, na ol lain bai stap long en insait long ples bilong em, i stat long dua bilong banis bilong Benjamin i go long ples bilong namba wan dua bilong banis, i go long kona dua bilong banis, na i go long taua bilong Hananel i go long ol masin bilong krungutim wain bilong king.

14:11  Na ol man bai stap long en, na bai i no gat bagarap olgeta. Tasol ol man bai stap gut long Jerusalem.

14:12  Na dispela bai stap sik nogut we BIKPELA bai i paitim olgeta manmeri long en husat i bin pait birua long Jerusalem. Ol mit bilong ol bai dai isi isi i go taim ol i sanap antap long ol lek bilong ol, na ol ai bilong ol bai dai isi isi i go long ol hul bilong ol, na ol tang bilong ol bai dai isi isi i go insait long maus bilong ol.

14:13  Na em bai kamap long dispela de, long wanpela bikpela paul nabaut i kam long BIKPELA bai stap namel long ol. Na ol bai putim han olgeta wan wan long han bilong man i stap klostu long em, na han bilong em bai kirap na birua long han bilong man i stap klostu long em.

14:14  Na Juda tu bai i pait long Jerusalem. Na bikpela mani samting bilong olgeta haiden raun bai ol i bungim wantaim, gol, na silva, na naispela klos, i planti moa yet.

14:15  Na olsem tasol bai sik nogut bilong hos, bilong miul, bilong kemel, na bilong donki, na bilong olgeta animal husat bai stap long ol dispela haus sel i stap, olsem dispela sik nogut.

14:16  ¶ Na em bai kamap olsem, long olgeta wan wan husat i stap yet bilong olgeta kantri husat i kam birua long Jerusalem, yes, bai i go antap wanpela yia i go long narapela yia bilong lotuim King, BIKPELA bilong ol ami, na bilong holimpas bikpela kaikai bilong ol haus win.

14:17  Na em bai kamap olsem, long husat man i no laik kam antap bilong olgeta famili bilong dispela graun i go long Jerusalem bilong lotuim King, BIKPELA bilong ol ami, yes, antap long ol bai i no gat ren.

14:18  Na sapos famili bilong Isip i no go antap, na i no kam, husat i no gat ren, long dispela hap bai i gat sik nogut, we BIKPELA bai paitim ol haiden long en husat i no kam antap long bikpela kaikai bilong ol haus win.

14:19  Dispela bai stap mekim save bilong Isip, na mekim save bilong olgeta kantri husat i no kam antap long holimpas bikpela kaikai bilong ol haus win.

14:20  Long dispela de bai i gat antap long ol belo bilong ol hos, PASIN HOLI I GO LONG BIKPELA. Na ol sospen long haus bilong BIKPELA bai stap olsem ol dis long ai bilong alta.

14:21  Yes, olgeta wan wan sospen long Jerusalem na Juda bai stap pasin holi i go long BIKPELA bilong ol ami. Na ol olgeta husat i sakrifais bai kam na kisim bilong ol, na boilim kaikai insait long ol. Na long dispela de bai i no gat lain Kenan moa long haus bilong BIKPELA bilong ol ami.