II KINGS
Chapter 7
| II K | Kapingam | 7:1 | Elisha ga-helekai gi mee, “Hagalongo gi nnelekai mai baahi o Dimaadua! I-di madagoaa beenei daiaa, goe gaa-mee di-hui au mee i-lodo Samaria nia pauna e-madangaholu o-nia huwa-‘wheat’ humalia be nia pauna e-madalua o-nia huwa-‘barley’ e-hui gi-di bahihadu silber hua e-dahi.” | |
| II K | Kapingam | 7:2 | Tangada aamua o-di king ga-helekai gi Elisha, “E-deemee di-hai beenaa! Dimaadua hogi e-deemee labelaa di-gaamai ana huwa-palaawaa hagalimalima!” Gei Elisha ga-helekai gi mee, “Goe ga-mmada-laa gi-di-maa gaa-gila, gei goe hagalee gai au mee i-nia maa!” | |
| II K | Kapingam | 7:3 | Nia daane dogohaa e-magi genegene nogo noho i-tua di abaaba o Samaria, digaula ga-helekai i nadau mehanga, “Ma di-aha dela e-tali go gidaadou i ginei gaa-dae-loo gi tadau mmade? | |
| II K | Kapingam | 7:4 | Deai dono hadinga ai maa gidaadou ga-ulu gi-lodo di waahale, idimaa gidaadou ga-hiigai gaa-mmade i-golo. Gei gidaadou gaa-noho i ginei le e-mmade labelaa. Gidaadou gaa-hula gi-di waahale-laa o digau Syria. Holongo digaula ga-daaligi gidaadou gii-mmade, gei holongo digaula ga-benebene tadau mouli.” | |
| II K | Kapingam | 7:5 | I-mua di-maa dela ga-bouli, gei digaula gaa-hula gi-di waahale-laa o digau Syria. I di-nadau dau-adu-hua gi-golo, gei di-maa hagalee tangada e-dahi i-golo ai! | |
| II K | Kapingam | 7:6 | Di Tagi la-guu-hai digau Syria gi-hagalongo gi-nia hagadilinga lee e-logo, gadoo be nia lee gau-dauwa dogologowaahee, mo nadau hoodo, mono waga-dauwa hongo-henua, gei digau Syria gu-hagamaanadu bolo ma go di king o Israel gu-gahi-mai nia king o Hittite mo Egypt mo nadau gau-dauwa belee heebagi gi ginaadou. | |
| II K | Kapingam | 7:7 | Malaa, di hiahi-hua deelaa, digau Syria ne-hula ne-llele e-halahala nadau mouli, gu-diiagi nadau hale-laa, hoodo, ‘donkey’, ge gu-diiagi di-nadau waahale-laa beelaa. | |
| II K | Kapingam | 7:8 | I-di madagoaa o-nia daane dogohaa ne-dau i taalinga o di waahale-laa, digaula ga-ulu gi-lodo di hale-laa, ga-miami mo-di inu nia mee nogo i-golo, ga-hagabudu-mai nia silber mono goolo, mono goloo ala ne-gidee-ginaadou, ga-ulu-mai gi-daha, gaa-dugu hagammuni nia maa. Digaula ga-ulu labelaa gi tuai hale-laa, gaa-hai labelaa nadau hai nogo hai. | |
| II K | Kapingam | 7:9 | Gei digaula ga-helehelekai i nadau mehanga, “Gidaadou hagalee belee hai beenei! Gidaadou gu-iai tadau longo humalia, gei gidaadou hagalee belee dugu-hua i tadau baahi. Maa gidaadou bolo gaa-tali gi-di luada ga-haga-iloo-laa, gidaadou la-ga-galabudi. Gaa-hula hagalimalima, e-haga-iloo gi-nia daangada aamua o-di king!” | |
| II K | Kapingam | 7:10 | Gei digaula ga-hagatanga i-di waahale-laa o digau Syria, gaa-hula gi-muli gi Samaria, ga-wwolowwolo gi-nia daangada hagaloohi i-di bontai di abaaba boloo, “Gimaadou guu-hula gi-di waahale-laa o digau Syria, gei digi gidee be longono-gimaadou nia daangada. Nia hoodo mono ‘donkey’ aalaa-hua e-daula i-golo, gei nia hale-laa ala e-tuu i-golo ne-diiagi go digau Syria.” | |
| II K | Kapingam | 7:11 | Nia daangada hagaloohi gu-haga-iloo di longo deenei, ga-haga-iloo i-lodo di hale o-di king. | |
| II K | Kapingam | 7:12 | Ge di-maa e-boo hua igolo, gei di king ga-du-gi-nua gi-daha mo dono hada-kii, ga-helekai gi ana daangada aamua, “Au e-hai-adu gi goodou bolo digau Syria ne-hai di-nadau hangahai-mee. Digaula e-iloo-ginaadou bolo gidaadou e-noho i-lodo tau-hiigai i ginei. Deelaa di mee digaula ne-hula-ai gi-daha mo nadau waahale-laa, ne-hula ne-pala hagammuni i-di baahi i-golo di waahale. Digaula e-maanadu bolo gidaadou gaa-hula gi-daha mo tadau waahale bolo e-halahala tadau meegai i-golo, gei digaula gaa-kumi gidaadou gaa-lahi hagamouli, gaa-kumi di waahale.” | |
| II K | Kapingam | 7:13 | Dahi dangada aamua ga-helekai, “Nia daangada ala i-ginei i-lodo di waahale la-gu-lodo-huaidu huoloo, e-hai gadoo be digau ala guu-mmade. Deelaa-laa, gidaadou ga-hagau tadau daane mo nia hoodo e-lima i-nia hoodo ala e-dubu gii-hula, gi-iloo-gidaadou be di-maa di-aha dela ne-hai.” | |
| II K | Kapingam | 7:14 | Digaula gu-hili-aga nadau daane, gei di king ga-hagau digaula i-nia waga hongo-henua e-lua, ga-helekai gi digaula bolo gii-hula gii-mmada be di-maa di-aha dela ne-hai ang-gi digau-dauwa o Syria. | |
| II K | Kapingam | 7:15 | Nia daane gu-hula-loo guu-dau i Jordan, digaula gu-gidee nia gahu mono goloo-dauwa ala ne-diiagi go digau Syria i-hongo nia ala i-di nadau llele. Gei digaula ga-lloomoi gi-muli ga-hagi-anga gi di king. | |
| II K | Kapingam | 7:16 | Digau Samaria guu-hula haga-lellele gi-di waahale-laa digau o Syria guu-kae nia goloo digaula. Gei nia pauna ‘wheat’ humalia e-madangaholu, be nia pauna ‘barley’ madalua e-hui gi-di bahihadu silber e-dahi, guu-hai gadoo be nnelekai Dimaadua ala ne-hai. | |
| II K | Kapingam | 7:17 | Di king o Israel guu-dugu ang-gi dana dangada aamua gi-benebene di bontai di abaaba di waahale deelaa. Tangada aamua deelaa la-gu-dagadagahi go nia daangada guu-made, guu-hai gadoo be nnelekai ala ne-haga-modongoohia go Elisha gi mee i-di madagoaa o-di king dela ne-hana gi-baahi o mee. | |
| II K | Kapingam | 7:18 | Elisha ne-hai ang-gi di king bolo i-di madagoaa beenei daiaa, nia pauna ‘wheat’ humalia e-madangaholu, be nia pauna ‘barley’ madalua e-hui i Samaria gi-di bahihadu silber hua e-dahi, | |
| II K | Kapingam | 7:19 | gei tangada aamua di king ne-helekai boloo, “E-deemee di-hai beenaa! Dimaadua hogi e-deemee di-gaamai ana huwa-palaawaa hagalimalima.” Gei Elisha ne-helekai boloo, “Goe ga-mmada-laa gi-di-maa gaa-gila, gei goe hagalee gai au mee i-nia maa.” | |