II PETER
Chapter 2
II P | CSlEliza | 2:1 | Быша же и лживии пророцы в людех, якоже и в вас будут лживии учителие, иже внесут ереси погибели, и искупльшаго их Владыки отметающеся, приводяще себе скору погибель. | |
II P | CSlEliza | 2:3 | И в преумножении льстивых словес вас уловят: ихже суд искони не коснит, и погибель их не дремлет. | |
II P | CSlEliza | 2:4 | Аще бо Бог аггелов согрешивших не пощаде, но пленицами мрака связав, предаде на суд мучимых блюсти: | |
II P | CSlEliza | 2:5 | и перваго мира не пощаде, но осмаго Ноа правды проповедника сохрани, потоп миру нечествовавших наведе: | |
II P | CSlEliza | 2:6 | и грады Содомския и Гоморрския сжег, разорением осуди, образ хотящым нечествовати положив: | |
II P | CSlEliza | 2:8 | Видением бо и слухом праведный, живый в них, день от дне душу праведну беззаконными делы мучаше: | |
II P | CSlEliza | 2:9 | весть Господь благочестивыя от напасти избавляти, неправедники же на день судныи мучимы блюсти, | |
II P | CSlEliza | 2:10 | наипаче же вслед плотския похоти сквернения ходящыя и о господстве нерадящыя: продерзателе, себе угодницы, славы не трепещут хуляще: | |
II P | CSlEliza | 2:11 | идеже Ангели крепостию и силою больши суще, не терпят на ся от Господа укоризнен суд. | |
II P | CSlEliza | 2:12 | Сии же, яко скоти животни естеством бывше в погибель и тлю, в нихже не разумеют хуляще, во истлении своем истлеют, | |
II P | CSlEliza | 2:13 | приемлюще мзду неправедну, сласть мняще вседневное насыщение, сквернители и порочницы, питающеся лестьми своими, ядуще с вами, | |
II P | CSlEliza | 2:14 | очи имуще исполнь блудодеяния и непрестаемаго греха, прельщающе душы неутверждены, сердце научено лихоимству имуще, клятвы чада: | |
II P | CSlEliza | 2:15 | оставльше правый путь заблудиша, последовавше пути Валаама Восорова, иже мзду неправедну возлюби, | |
II P | CSlEliza | 2:16 | обличение же име своего беззакония: подяремник безгласен, человеческим гласом провещавшь, возбрани пророка безумие. | |
II P | CSlEliza | 2:17 | Сии суть источницы безводни, облацы и мглы от ветр преносими, имже мрак темный во веки блюдется. | |
II P | CSlEliza | 2:18 | Прегордая бо суеты вещающе, прельщают в скверны плотския похоти, отбегающих всячески от них живущих во льсти, | |
II P | CSlEliza | 2:19 | свободу им обещавающе, сами раби суще тления: имже бо кто побежден бывает, сему и работен есть. | |
II P | CSlEliza | 2:20 | Аще бо отбегше скверн мира в разум Господа и Спаса нашего Иисуса Христа, сими же паки сплетшеся побеждаеми бывают, быша им последняя горша первых. | |
II P | CSlEliza | 2:21 | Лучше бо бе им не познати пути правды, нежели познавшым возвратитися вспять от преданныя им святыя заповеди. | |