ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 52
| Isai | Wycliffe | 52:1 | Rise thou, Sion, rise thou, be thou clothid in thi strengthe; Jerusalem, the citee of the hooli, be thou clothid in the clothis of thi glorie; for a man vncircumcidid and a man vncleene schal no more leie to, that he passe by thee. | |
| Isai | Wycliffe | 52:2 | Jerusalem, be thou schakun out of dust; rise thou, sitte thou; thou douyter of Sion, prisoner, vnbynde the boondis of thi necke. | |
| Isai | Wycliffe | 52:3 | For the Lord seith these thingis, Ye ben seeld without cause, and ye schulen be ayenbouyt with out siluer. | |
| Isai | Wycliffe | 52:4 | For the Lord God seith these thingis, Mi puple in the bigynnyng yede doun in to Egipt, that it schulde be there `an erthe tiliere, and Assur falsli calengide it with out ony cause. | |
| Isai | Wycliffe | 52:5 | And now what is to me here? seith the Lord; for my puple is takun awei with out cause; the lordis therof doen wickidli, seith the Lord, and my name is blasfemyd contynueli al dai. | |
| Isai | Wycliffe | 52:6 | For this thing my puple schal knowe my name in that day, for lo! Y my silf that spak, am present. | |
| Isai | Wycliffe | 52:7 | Ful faire ben the feet of hym that tellith, and prechith pees on hillis, of hym that tellith good, of hym that prechith helthe, and seith, Sion, thi God schal regne. | |
| Isai | Wycliffe | 52:8 | The vois of thi biholderis; thei reisiden the vois, thei schulen herie togidere; for thei schulen se with iye to iye, whanne the Lord hath conuertid Sion. | |
| Isai | Wycliffe | 52:9 | The forsakun thingis of Jerusalem, make ye ioie, and herie ye togidere; for the Lord hath coumfortid his puple, he hath ayenbouyt Jerusalem. | |
| Isai | Wycliffe | 52:10 | The Lord hath maad redi his hooli arm in the iyen of alle folkis, and alle the endis of the erthe schulen se the helthe of oure God. | |
| Isai | Wycliffe | 52:11 | Go ye awei, go ye awei, go ye out fro thennus; nyle ye touche defoulid thing, go ye out fro the myddis therof; be ye clensid, that beren the vessels of the Lord. | |
| Isai | Wycliffe | 52:12 | For ye schulen not go out in noyse, nether ye schulen haaste in fleynge awei; for whi the Lord schal go bifore you, and the God of Israel schal gadere you togidere. | |
| Isai | Wycliffe | 52:13 | Lo! my seruaunt schal vndirstonde, and he schal be enhaunsid, and he schal be reisid, and he schal be ful hiy. | |
| Isai | Wycliffe | 52:14 | As many men wondriden on hym, so his biholdyng schal be with out glorie among men, and the fourme of hym among the sones of men. | |