ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 21
| Isai | Wycliffe | 21:1 | The birthun of the forsakun see. As whirlewyndis comen fro the southwest, it cometh fro desert, fro the orible lond. | |
| Isai | Wycliffe | 21:2 | An hard reuelacioun is teld to me; he that is vnfeithful, doith vnfeithfuli; and he that is a distriere, distrieth. Thou Helam, stie, and thou, Meda, biseche; Y made al the weilyng therof for to ceesse. | |
| Isai | Wycliffe | 21:3 | Therfor my leendis ben fillid with sorewe; angwische weldide me, as the angwisch of a womman trauelynge of child; Y felle doun, whanne Y herde; Y was disturblid, whanne Y siy. | |
| Isai | Wycliffe | 21:4 | Myn herte fadide, derknessis astonieden me; Babiloyne, my derlyng, is set to me in to myracle. | |
| Isai | Wycliffe | 21:5 | Sette thou a boord, biholde thou in to a toting place; rise, ye princes, etynge and drynkynge, take ye scheeld. | |
| Isai | Wycliffe | 21:6 | For whi the Lord seide these thingis to me, Go thou, and sette a lokere; and telle he, what euer thing he seeth. | |
| Isai | Wycliffe | 21:7 | And he siy the chare of tweyne horse men, the stiere of an asse, and the stiere of a camel; and he bihelde diligentli with myche lokyng, | |
| Isai | Wycliffe | 21:8 | and criede as a lioun, Y stonde contynueli bi dai on the totyng place of the Lord, and Y stonde bi alle nyytis on my kepyng. | |
| Isai | Wycliffe | 21:9 | Lo! this cometh, a man stiere of a carte of horse men. And Isaie criede, and seide, Babiloyne felle doun, felle doun; and alle the grauun ymagis of goddis therof ben al to-brokun in to erthe. | |
| Isai | Wycliffe | 21:10 | Mi threschyng, and the douyter of my cornfloor, Y haue teld to you what thingis Y herde of the Lord of oostis, of God of Israel. | |
| Isai | Wycliffe | 21:11 | The birthun of Duma. It crieth fro Seir to me, Kepere, what our of the niyt? `kepere, what our of the niyt? | |
| Isai | Wycliffe | 21:12 | The kepere seide, Morewtid cometh, and niyt; if ye seken, seke ye, and be ye conuertid, and `come ye. | |
| Isai | Wycliffe | 21:13 | The birthun in Arabie. In the forest at euentid ye schulen slepe, in the pathis of Dodanym. | |
| Isai | Wycliffe | 21:14 | Ye that dwellen in the lond of the south, renne, and bere watir to the thristi; and renne ye with looues to hym that fleeth. | |
| Isai | Wycliffe | 21:15 | For thei fledden fro the face of swerdis, fro the face of swerd neiyynge, fro the face of bouwe bent, fro the face of greuouse batel. | |
| Isai | Wycliffe | 21:16 | For the Lord seith these thingis to me, Yit in o yeer, as in the yeer of an hirid man, and al the glorie of Cedar schal be takun awei. | |