JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 12
| Jere | Vulgate | 12:1 | iustus quidem tu es Domine si disputem tecum verumtamen iusta loquar ad te quare via impiorum prosperatur bene est omnibus qui praevaricantur et inique agunt | |
| Jere | Vulgate | 12:2 | plantasti eos et radicem miserunt proficiunt et faciunt fructum prope es tu ori eorum et longe a renibus eorum | |
| Jere | Vulgate | 12:3 | et tu Domine nosti me vidisti me et probasti cor meum tecum congrega eos quasi gregem ad victimam et sanctifica eos in die occisionis | |
| Jere | Vulgate | 12:4 | usquequo lugebit terra et herba omnis regionis siccabitur propter malitiam habitantium in ea consumptum est animal et volucre quoniam dixerunt non videbit novissima nostra | |
| Jere | Vulgate | 12:5 | si cum peditibus currens laborasti quomodo contendere poteris cum equis cum autem in terra pacis secura fueris quid facies in superbia Iordanis | |
| Jere | Vulgate | 12:6 | nam et fratres tui et domus patris tui etiam ipsi pugnaverunt adversum te et clamaverunt post te plena voce ne credas eis cum locuti fuerint tibi bona | |
| Jere | Vulgate | 12:7 | reliqui domum meam dimisi hereditatem meam dedi dilectam animam meam in manu inimicorum eius | |
| Jere | Vulgate | 12:8 | facta est mihi hereditas mea quasi leo in silva dedit contra me vocem ideo odivi eam | |
| Jere | Vulgate | 12:9 | numquid avis discolor hereditas mea mihi numquid avis tincta per totum venite congregamini omnes bestiae terrae properate ad devorandum | |
| Jere | Vulgate | 12:10 | pastores multi demoliti sunt vineam meam conculcaverunt partem meam dederunt portionem meam desiderabilem in desertum solitudinis | |
| Jere | Vulgate | 12:11 | posuerunt eam in dissipationem luxitque super me desolatione desolata est omnis terra quia nullus est qui recogitet corde | |
| Jere | Vulgate | 12:12 | super omnes vias deserti venerunt vastatores quia gladius Domini devoravit ab extremo terrae usque ad extremum eius non est pax universae carni | |
| Jere | Vulgate | 12:13 | seminaverunt triticum et spinas messuerunt hereditatem acceperunt et non eis proderit confundemini a fructibus vestris propter iram furoris Domini | |
| Jere | Vulgate | 12:14 | haec dicit Dominus adversum omnes vicinos meos pessimos qui tangunt hereditatem quam distribui populo meo Israhel ecce ego evellam eos de terra eorum et domum Iuda evellam de medio eorum | |
| Jere | Vulgate | 12:15 | et cum evellero eos convertar et miserebor eorum et reducam eos virum ad hereditatem suam et virum in terram suam | |
| Jere | Vulgate | 12:16 | et erit si eruditi didicerint vias populi mei ut iurent in nomine meo vivit Dominus sicut docuerunt populum meum iurare in Baal aedificabuntur in medio populi mei | |