EZEKIEL
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Chapter 19
| Ezek | VulgHetz | 19:2 | et dices: Quare mater tua leæna inter leones cubavit, in medio leunculorum enutrivit catulos suos? | |
| Ezek | VulgHetz | 19:3 | Et eduxit unum de leunculis suis, et leo factus est: et didicit capere prædam, hominemque comedere. | |
| Ezek | VulgHetz | 19:4 | Et audierunt de eo Gentes, et non absque vulneribus suis ceperunt eum: et adduxerunt eum in catenis in Terram Ægypti. | |
| Ezek | VulgHetz | 19:5 | Quæ cum vidisset quoniam infirmata est, et periit expectatio eius: tulit unum de leunculis suis, leonem constituit eum. | |
| Ezek | VulgHetz | 19:6 | Qui incedebat inter leones, et factus est leo: et didicit prædam capere, et homines devorare: | |
| Ezek | VulgHetz | 19:7 | Didicit viduas facere, et civitates earum in desertum adducere: et desolata est terra, et plenitudo eius a voce rugitus illius. | |
| Ezek | VulgHetz | 19:8 | Et convenerunt adversus eum Gentes undique de provinciis, et expanderunt super eum rete suum, in vulneribus earum captus est. | |
| Ezek | VulgHetz | 19:9 | Et miserunt eum in caveam, in catenis adduxerunt eum ad regem Babylonis: miseruntque eum in carcerem, ne audiretur vox eius ultra super montes Israel. | |
| Ezek | VulgHetz | 19:10 | Mater tua quasi vinea in sanguine tuo super aquam plantata est: fructus eius, et frondes eius creverunt ex aquis multis. | |
| Ezek | VulgHetz | 19:11 | Et factæ sunt ei virgæ solidæ in sceptra dominantium, et exaltata est statura eius inter frondes: et vidit altitudinem suam in multitudine palmitum suorum. | |
| Ezek | VulgHetz | 19:12 | Et evulsa est in ira, in terramque proiecta, et ventus urens siccavit fructum eius: marcuerunt, et arefactæ sunt virgæ roboris eius: ignis comedit eam. | |