GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 16
| Gene | TpiKJPB | 16:1 | ¶ Nau Sarai, meri bilong Ebram, i no karim pikinini long em. Na em i gat wanpela wokmeri, wanpela meri Isip, husat nem bilong en em Hegar. | |
| Gene | TpiKJPB | 16:2 | Na Sarai i tokim Ebram, Lukim nau, BIKPELA i bin pasim mi long karim. Mi askim plis long yu, go insait i go long wokmeri bilong mi. Em i ken stap olsem long mi ken kisim ol pikinini long em. Na Ebram i bihainim nek bilong Sarai. | |
| Gene | TpiKJPB | 16:3 | Na Sarai, meri bilong Ebram, i kisim Hegar, wokmeri bilong en, meri Isip, bihain long Ebram i stap tenpela yia long hap bilong Kenan, na givim em long man bilong em Ebram bilong stap meri bilong em. | |
| Gene | TpiKJPB | 16:4 | ¶ Na em i go insait i go long Hegar, na em i kisim bel. Na taim em i luksave long em i bin kisim bel pinis, bosmeri bilong em i samting nating long ai bilong em. | |
| Gene | TpiKJPB | 16:5 | Na Sarai i tokim Ebram, Rong bilong mi i stap antap long yu. Mi bin givim wokmeri bilong mi long bros bilong yu. Na taim em i luksave long em i bin kisim bel, mi stap samting nating long ai bilong em. BIKPELA i ken stap jas namel long mi na yu. | |
| Gene | TpiKJPB | 16:6 | Tasol Ebram i tokim Sarai, Lukim, wokmeri bilong yu i stap long han bilong yu. Mekim long em olsem em i amamasim yu. Na taim Sarai i mekim pasin i hat tru long em, em i ranawe long pes bilong em. | |
| Gene | TpiKJPB | 16:7 | ¶ Na ensel bilong BIKPELA i lukim em klostu long wanpela ai bilong wara i sut, long ples i no gat man, klostu long ai bilong wara i sut long rot i go long Sur. | |
| Gene | TpiKJPB | 16:8 | Na Em i tok, Hegar, wokmeri bilong Sarai, yu kam long we? Na bai yu go we? Na em i tok, Mi ranawe long pes bilong bosmeri bilong mi, Sarai. | |
| Gene | TpiKJPB | 16:9 | Na ensel bilong BIKPELA i tokim em, Go bek long bosmeri bilong yu, na yu putim yu yet aninit long tupela han bilong em. | |
| Gene | TpiKJPB | 16:10 | ¶ Na ensel bilong BIKPELA i tokim em, Mi bai mekim tumbuna pikinini bilong yu i kamap planti moa planti moa yet, inap long ol bai i no inap long kaunim, long wanem, ol i bikpela lain tru. | |
| Gene | TpiKJPB | 16:11 | Na ensel bilong BIKPELA i tokim em, Lukim, yu gat bel, na yu bai karim wanpela pikinini man, na yu bai kolim nem bilong em Ismael, bilong wanem, BIKPELA i bin harim long hevi bilong yu. | |
| Gene | TpiKJPB | 16:12 | Na em bai stap wanpela wailman. Na han bilong em bai birua long olgeta wan wan man, na han bilong olgeta wan wan man bai birua long em. Na em bai stap long pes bilong olgeta brata bilong em. | |
| Gene | TpiKJPB | 16:13 | Na em i kolim nem bilong BIKPELA husat toktok long em, Yu God i lukim mi. Long wanem, em i tok, Ating mi tu hia i bin lukluk i bihainim Em husat i lukim mi? | |
| Gene | TpiKJPB | 16:14 | Olsem na ol i kolim dispela hul wara Biar-lahairoi. Lukim, em i stap namel long Kedes na Beret. | |
| Gene | TpiKJPB | 16:15 | ¶ Na Hegar i karim long Ebram wanpela pikinini man. Na Ebram i kolim nem bilong pikinini man bilong em, husat Hegar i karim, Ismael. | |