GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 47
| Gene | TpiKJPB | 47:1 | ¶ Orait Josep i kam na tokim Fero, i spik, Papa bilong mi na ol brata bilong mi, na ol lain sipsip samting bilong ol na ol lain bulmakau samting bilong ol, na olgeta samting ol i gat, ol i lusim graun bilong Kenan na i kam. Na, lukim, ol i stap long hap graun Gosen. | |
| Gene | TpiKJPB | 47:2 | Na em i kisim sampela bilong ol brata bilong en, yes, faipela man, na em i soim ol long Fero. | |
| Gene | TpiKJPB | 47:3 | Na Fero i tok long ol brata bilong em, Yupela i save mekim wanem kain wok? Na ol i tok long Fero, Ol wokboi bilong yu i ol wasman bilong sipsip, mipela wantaim ol papa bilong mipela tu. | |
| Gene | TpiKJPB | 47:4 | Na moa tu ol i tok long Fero, Mipela i kam bilong stap long dispela hap graun. Long wanem, ol wokboi bilong yu i no gat ples gras long ol lain sipsip bilong ol. Long wanem, bikpela hangre i stap nogut tru long graun bilong Kenan. Olsem na, mi askim plis long yu long nau yu ken larim ol wokboi bilong yu i stap long hap graun bilong Gosen. | |
| Gene | TpiKJPB | 47:5 | Na Fero i tok long Josep, i spik, Papa bilong yu na ol brata bilong yu, ol i kam pinis long yu. | |
| Gene | TpiKJPB | 47:6 | Graun bilong Isip i stap long pes bilong yu. Long nambawan hap bilong dispela graun, papa bilong yu na ol brata bilong yu i ken i stap. Ol i ken i stap long hap graun bilong Gosen. Na sapos yu save long sampela man namel long ol, ol inap wok strong, orait mekim ol i stap ol hetman bilong ol bulmakau samting bilong mi. | |
| Gene | TpiKJPB | 47:7 | Na Josep i bringim Jekop, papa bilong en, i kam insait. Na em i putim em long pes bilong Fero. Na Jekop i blesim Fero. | |
| Gene | TpiKJPB | 47:9 | Na Jekop i tok long Fero, Ol de bilong ol krismas bilong mi stap waira i 130 krismas. Ol de bilong ol krismas bilong laip bilong mi ol i no planti na ol i nogut. Na ol i no bin kamap olsem ol de bilong ol krismas bilong laip bilong ol papa bilong mi long ol de bilong ol i stap waira. | |
| Gene | TpiKJPB | 47:11 | Na Josep i putim papa bilong en na ol brata bilong en, na em i givim hap graun long ol long holimpas long graun bilong Isip, long nambawan hap bilong dispela graun, long hap graun bilong Rameses, olsem Fero i bin givim strongpela tok long mekim. | |
| Gene | TpiKJPB | 47:12 | Na Josep i givim kaikai long papa bilong en na ol brata bilong en na olgeta wanhaus bilong papa bilong en. Em i givim bret bilong bihainim ol famili bilong ol i mas kisim. | |
| Gene | TpiKJPB | 47:13 | ¶ Na i no gat bret long dispela hap olgeta. Long wanem, bikpela hangre i stap nogut tru. Olsem na graun bilong Isip na olgeta graun bilong Kenan i laik hap i dai long dispela bikpela hangre. | |
| Gene | TpiKJPB | 47:14 | Na Josep i bungim olgeta mani i stap long hap graun bilong Isip na long hap graun bilong Kenan. Em long dispela wit samting ol i bin baim. Na Josep i bringim dispela mani i kam insait long haus bilong Fero. | |
| Gene | TpiKJPB | 47:15 | Na taim mani i pinis long graun bilong Isip na long graun bilong Kenan, olgeta Isip i kam long Josep. Na ol i tok, Yu mas givim bret long mipela. Long wanem, bilong wanem mipela i mas i dai pinis long pes bilong yu? Long wanem, mani i pinis. | |
| Gene | TpiKJPB | 47:16 | Na Josep i tok, Yupela mas givim ol bulmakau samting bilong yupela. Na bai mi givim kaikai long yupela long baim ol bulmakau samting bilong yupela, sapos mani i pinis. | |
| Gene | TpiKJPB | 47:17 | Na ol i bringim ol bulmakau samting bilong ol i kam long Josep. Na Josep i givim bret long ol bilong senisim ol hos, na ol lain sipsip samting, na ol bulmakau bilong ol lain bulmakau, na ol donki. Na long dispela yia em i givim bret long ol bilong kaikai bilong senisim olgeta bulmakau samting bilong ol. | |
| Gene | TpiKJPB | 47:18 | Taim dispela yia i pinis, ol i kam long em long namba tu yia. Na ol i tok long em, Bai mipela i no haitim dispela long bikman bilong mi. I olsem, mani bilong mipela i pinis. Na tu bikman bilong mi i holim ol lain bulmakau samting bilong mipela. I no gat narapela samting i stap long ai bilong bikman bilong mi. Ol bodi bilong mipela na ol graun bilong mipela, em tasol. | |
| Gene | TpiKJPB | 47:19 | Olsem wanem mipela i mas i dai pinis long ai bilong yu, mipela na graun bilong mipela tu? Yu mas baim mipela na graun bilong mipela long bret. Na mipela wantaim graun bilong mipela bai i stap ol wokboi long Fero. Na yu mas givim pikinini kaikai long mipela, bai mipela i ken stap laip na mipela i no mas i dai pinis. Na bai dispela graun i no ken stap nating. | |
| Gene | TpiKJPB | 47:20 | Na Josep i baim bilong Fero olgeta hap graun bilong Isip. Long wanem, olgeta wan wan man bilong Isip i salim gaden bilong en. Long wanem, bikpela hangre i stap antap long ol. Olsem na dispela graun i kamap graun bilong Fero. | |
| Gene | TpiKJPB | 47:21 | Na long ol dispela manmeri, em i putim ol i go long ol biktaun i stat long wanpela sait bilong ol arere bilong graun bilong Isip na yes, em i go long arapela sait bilong en. | |
| Gene | TpiKJPB | 47:22 | Hap graun bilong ol pris tasol, em i no baim. Long wanem, ol pris i gat hap skel Fero i makim long ol. Na ol i kaikai hap skel Fero i givim ol. Olsem na ol i no salim ol graun bilong ol. | |
| Gene | TpiKJPB | 47:23 | Nau Josep i tokim ol manmeri, Lukim, dispela de mi bin baim yupela na graun bilong yupela i bilong Fero. Harim, pikinini kaikai i stap bilong helpim yupela, na yupela bai planim dispela graun. | |
| Gene | TpiKJPB | 47:24 | Na bai em i kamap olsem, taim em i karim kaikai, yupela i mas brukim long faipela hap na givim wanpela hap long Fero. Na fopela hap bai i bilong yupela yet. Em long pikinini kaikai bilong planim long gaden, na long kaikai bilong yupela, na long ol wanhaus bilong yupela, na long kaikai bilong ol liklik pikinini bilong yupela. | |
| Gene | TpiKJPB | 47:25 | Na ol i tok, Yu bin kisim bek ol laip bilong mipela. Yu mas larim mipela i kisim marimari long ai bilong bikman bilong mi. Na mipela bai i stap ol wokboi bilong Fero. | |
| Gene | TpiKJPB | 47:26 | Na Josep i wokim dispela lo long hap graun bilong Isip inap long dispela de olsem, Fero i mas kisim wanpela hap bilong ol faipela hap. Graun bilong ol pris tasol, em i no kamap graun bilong Fero. | |
| Gene | TpiKJPB | 47:27 | ¶ Na Isrel i stap long graun bilong Isip, long hap graun bilong Gosen. Na ol i holimpas long ol samting long en, na ol i kamap bikpela, na i kamap planti moa tru. | |
| Gene | TpiKJPB | 47:28 | Na Jekop i sindaun long graun bilong Isip inap 17 krismas. Olsem na yia olgeta bilong Jekop i 147. | |
| Gene | TpiKJPB | 47:29 | Na taim i kam klostu long Israel i mas dai pinis. Na em i singautim i kam pikinini man bilong en Josep. Na em i tokim em, Sapos nau mi bin kisim marimari long ai bilong yu, mi askim plis long yu long putim han bilong yu aninit long antap hap bilong lek bilong mi. Na yu soim gutpela pasin na pasin tru long mi. Mi askim plis long yu long yu no ken planim mi long Isip. | |
| Gene | TpiKJPB | 47:30 | Tasol bai mi slip wantaim ol papa bilong mi. Na yu ken karim mi i lusim Isip na i go. Na yu ken planim mi long ples matmat bilong ol. Na em i tok, Bai mi mekim olsem yu tok. | |