GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 40
| Gene | TpiKJPB | 40:1 | ¶ Na em i kamap olsem, bihain long ol dispela samting, man i lukautim kap bilong king bilong Isip na man i wokim bret, tupela i bin kirapim bel bilong bikman bilong ol, em king bilong Isip. | |
| Gene | TpiKJPB | 40:2 | Na Fero i belhat tru na birua long tupela ofisa bilong en, long nambawan hetman bilong ol man i lukautim kap na long nambawan hetman bilong ol man i wokim bret. | |
| Gene | TpiKJPB | 40:3 | Na em i putim ol long kalabus long haus bilong kepten bilong ol wasman. Em i putim ol long kalabus, em dispela ples Josep i pas long en. | |
| Gene | TpiKJPB | 40:4 | Na kepten bilong ol wasman i givim tok long Josep long lukautim ol, na em i mekim wok long lukautim ol. Na ol i stap sampela taim long kalabus. | |
| Gene | TpiKJPB | 40:5 | ¶ Na ol i driman wanpela driman. Tupela wan wan man i driman driman bilong en long wanpela nait. Tupela wan wan i driman bilong bihainim as mining bilong driman bilong en. Dispela man i lukautim kap na dispela man i wokim bret bilong king bilong Isip na ol i pas long kalabus, ol i driman. | |
| Gene | TpiKJPB | 40:6 | Na long moningtaim Josep i kam long ol, na i lukluk long ol. Na, lukim, ol i bel hevi. | |
| Gene | TpiKJPB | 40:7 | Na em i askim ol ofisa bilong Fero ol i stap wantaim em long kalabus bilong haus bilong bikman bilong en, na i spik, Bilong wanem tude pes bilong yutupela i bel hevi olsem? | |
| Gene | TpiKJPB | 40:8 | Na ol i tokim em, Mipela i bin driman wanpela driman. Na i no gat man bilong telimautim as mining bilong en. Na Josep i tokim ol, Ating wok bilong telimautim ol as mining i no samting bilong God, a? Mi askim plis long yupela long tokim mi long ol. | |
| Gene | TpiKJPB | 40:9 | Na nambawan hetman bilong lukautim kap em i telimautim driman bilong en long Josep. Na em i tokim em, Long driman bilong mi, lukim, wanpela diwai wain i stap long pes bilong mi. | |
| Gene | TpiKJPB | 40:10 | Na long dispela diwai wain tripela han i stap. Na em i olsem pikinini bilong plaua i kamap. Na ol plaua bilong en i kamap. Na ol han plaua bilong en i karim pikinini wain i mau. | |
| Gene | TpiKJPB | 40:11 | Na kap bilong Fero i stap long han bilong mi. Na mi kisim ol pikinini wain na mi kisim wara bilong ol i go long kap bilong Fero. Na mi givim dispela kap long han bilong Fero. | |
| Gene | TpiKJPB | 40:12 | Na Josep i tokim em, Dispela em i as mining bilong en. Dispela tripela han i tripela de. | |
| Gene | TpiKJPB | 40:13 | Na insait long tripela de Fero bai litimapim het bilong yu na putim yu gen long ples bilong yu. Na bai yu givim kap bilong Fero long han bilong en, olsem yu bin mekim bipo, taim yu bin stap man i lukautim kap bilong em. | |
| Gene | TpiKJPB | 40:14 | Tasol yu mas tingting long mi, taim yu stap gut. Na mi askim plis long yu long yu soim gutpela pasin long mi. Na yu mas toksave long mi long Fero na bringim mi i go long lusim dispela haus. | |
| Gene | TpiKJPB | 40:15 | Long wanem, tru tumas, ol i bin stilim mi long hap graun bilong ol Hibru. Na tu mi no bin mekim samting long hia, bai ol i mas putim mi long dispela hul kalabus. | |
| Gene | TpiKJPB | 40:16 | Taim nambawan hetman bilong wokim bret i lukim dispela as mining i gutpela, em i tokim Josep, Mi tu mi stap long driman bilong mi. Na, lukim, mi gat tripela waitpela basket antap long het bilong mi. | |
| Gene | TpiKJPB | 40:17 | Na insait long basket i stap antap moa i gat olgeta kain bret kek samting i go long Fero. Na ol pisin i kisim ol long basket i stap antap long het bilong mi, na ol i kaikai. | |
| Gene | TpiKJPB | 40:18 | Na Josep i bekim tok, na i tok, Dispela em as mining bilong en. Dispela tripela basket i tripela de. | |
| Gene | TpiKJPB | 40:19 | Na insait long tripela de Fero bai litimapim het bilong yu i lusim yu. Na bai em i hangamapim yu long wanpela diwai. Na ol pisin bai kaikai mit bilong bodi bilong yu. | |
| Gene | TpiKJPB | 40:20 | ¶ Na em i kamap olsem, long namba tri de, em de mama bilong Fero i bin karim em, Fero i wokim wanpela bikpela kaikai bilong olgeta wokboi bilong en. Na namel long ol wokboi bilong en, em i litimapim het bilong nambawan hetman i lukautim kap na bilong nambawan hetman i wokim bret. | |
| Gene | TpiKJPB | 40:21 | Na dispela nambawan hetman i lukautim kap, em i putim em gen long wok bilong lukautim kap. Na em i givim kap long han bilong Fero. | |
| Gene | TpiKJPB | 40:22 | Tasol em i hangamapim nambawan hetman i wokim bret, olsem Josep i bin autim as mining long ol. | |