Site uses cookies to provide basic functionality.

OK
GENESIS
Prev Up Next
Chapter 33
Gene HebModer 33:1  וישא יעקב עיניו וירא והנה עשו בא ועמו ארבע מאות איש ויחץ את הילדים על לאה ועל רחל ועל שתי השפחות׃
Gene HebModer 33:2  וישם את השפחות ואת ילדיהן ראשנה ואת לאה וילדיה אחרנים ואת רחל ואת יוסף אחרנים׃
Gene HebModer 33:3  והוא עבר לפניהם וישתחו ארצה שבע פעמים עד גשתו עד אחיו׃
Gene HebModer 33:4  וירץ עשו לקראתו ויחבקהו ויפל על צוארו וישקהו ויבכו׃
Gene HebModer 33:5  וישא את עיניו וירא את הנשים ואת הילדים ויאמר מי אלה לך ויאמר הילדים אשר חנן אלהים את עבדך׃
Gene HebModer 33:6  ותגשן השפחות הנה וילדיהן ותשתחוין׃
Gene HebModer 33:7  ותגש גם לאה וילדיה וישתחוו ואחר נגש יוסף ורחל וישתחוו׃
Gene HebModer 33:8  ויאמר מי לך כל המחנה הזה אשר פגשתי ויאמר למצא חן בעיני אדני׃
Gene HebModer 33:9  ויאמר עשו יש לי רב אחי יהי לך אשר לך׃
Gene HebModer 33:10  ויאמר יעקב אל נא אם נא מצאתי חן בעיניך ולקחת מנחתי מידי כי על כן ראיתי פניך כראת פני אלהים ותרצני׃
Gene HebModer 33:11  קח נא את ברכתי אשר הבאת לך כי חנני אלהים וכי יש לי כל ויפצר בו ויקח׃
Gene HebModer 33:12  ויאמר נסעה ונלכה ואלכה לנגדך׃
Gene HebModer 33:13  ויאמר אליו אדני ידע כי הילדים רכים והצאן והבקר עלות עלי ודפקום יום אחד ומתו כל הצאן׃
Gene HebModer 33:14  יעבר נא אדני לפני עבדו ואני אתנהלה לאטי לרגל המלאכה אשר לפני ולרגל הילדים עד אשר אבא אל אדני שעירה׃
Gene HebModer 33:15  ויאמר עשו אציגה נא עמך מן העם אשר אתי ויאמר למה זה אמצא חן בעיני אדני׃
Gene HebModer 33:16  וישב ביום ההוא עשו לדרכו שעירה׃
Gene HebModer 33:17  ויעקב נסע סכתה ויבן לו בית ולמקנהו עשה סכת על כן קרא שם המקום סכות׃
Gene HebModer 33:18  ויבא יעקב שלם עיר שכם אשר בארץ כנען בבאו מפדן ארם ויחן את פני העיר׃
Gene HebModer 33:19  ויקן את חלקת השדה אשר נטה שם אהלו מיד בני חמור אבי שכם במאה קשיטה׃
Gene HebModer 33:20  ויצב שם מזבח ויקרא לו אל אלהי ישראל׃