II SAMUEL
Chapter 8
II S | VulgSist | 8:1 | Factum est autem post haec percussit David Philisthiim, et humiliavit eos, et tulit David Frenum tributi de manu Philisthiim. | |
II S | VulgSist | 8:2 | Et percussit Moab, et mensus est eos funiculo, coaequans terrae: mensus est autem duos funiculos, unum ad occidendum, et unum ad vivificandum: factusque est Moab David serviens sub tributo. | |
II S | VulgSist | 8:3 | Et percussit David Adarezer filium Rohob regem Soba, quando profectus est ut dominaretur super flumen Euphraten. | |
II S | VulgSist | 8:4 | Et captis David ex parte eius mille septingentis equitibus, et viginti millibus peditum, subnervavit omnes iugales curruum: dereliquit autem ex eis centum currus. | |
II S | VulgSist | 8:5 | Venit quoque Syria Damasci, ut praesidium ferret Adarezer regi Soba: et percussit David de Syria viginti duo millia virorum. | |
II S | VulgSist | 8:6 | Et posuit David praesidium in Syria Damasci: factaque est Syria David serviens sub tributo: servavitque Dominus David in omnibus ad quaecumque profectus est. | |
II S | VulgSist | 8:7 | Et tulit David arma aurea, quae habebant servi Adarezer, et detulit ea in Ierusalem. | |
II S | VulgSist | 8:8 | Et de Bete, et de Beroth, civitatibus Adarezer tulit rex David aes multum nimis, de quo fecit Salomon omnia vasa aurea in templo: et mare aeneum, et columnas et altare. | |
II S | VulgSist | 8:10 | et misit Thou Ioram filium suum ad regem David, ut salutaret eum congratulans, et gratias ageret: eo quod expugnasset Adarezer, et percussisset eum. Hostis quippe erat Thou Adarezer, et in manu eius erant vasa aurea, et vasa argentea, et vasa aerea: | |
II S | VulgSist | 8:11 | quae et ipsa sanctificavit rex David Domino cum argento et auro, quae sanctificaverat de universis gentibus, quas subegerat, | |
II S | VulgSist | 8:12 | de Syria, et Moab, et filiis Ammon, et Philisthiim, et Amalec, et de manubiis Adarezer filii Rohob regis Soba. | |
II S | VulgSist | 8:13 | Fecit quoque sibi David nomen cum reverteretur capta Syria in Valle Salinarum, caesis decem et octo millibus et in Gebelem ad viginti tria millia: | |
II S | VulgSist | 8:14 | et posuit in Idumaea custodes, statuitque praesidium: et facta est universa Idumaea serviens David. et servavit Dominus David in omnibus ad quaecumque profectus est. | |
II S | VulgSist | 8:15 | Et regnavit David super omnem Israel: faciebat quoque David iudicium et iustitiam omni populo suo. | |
II S | VulgSist | 8:16 | Ioab autem filius Sarviae erat super exercitum: porro Iosaphat filius Ahilud erat a commentariis: | |
II S | VulgSist | 8:17 | et Sadoc filius Achitob, et Achimelech filius Abiathar, erant sacerdotes: et Saraias, scriba: | |