ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 61
| Isai | TpiKJPB | 61:1 | ¶ Spirit bilong GOD Bikpela i stap long mi, long wanem BIKPELA i bin makim mi long autim tok long gutnius i go long ol i bihainim pasin isi. Na Em i bin salim mi long oraitim ol man bel bilong ol i pilim bel hevi tru, na long autim toksave long pasin bilong i stap fri long ol kalabusman, na long autim tok long ol dua bilong kalabus i op long ol i stap pas insait. | |
| Isai | TpiKJPB | 61:2 | Em bilong autim toksave long yia bilong BIKPELA Em i orait long em, na de bilong God bilong yumi long bekim ol rong, na givim bel isi long olgeta i krai sori. | |
| Isai | TpiKJPB | 61:3 | Em long makim long ol i krai sori long Saion, long givim ol naispela bilas bilong senisim ol sit bilong paia, na wel bilong amamas tru bilong senisim krai sori, na ol klos bilong litimapim nem bilong senisim spirit bilong bel hevi, bai ol i ken kisim nem ol diwai bilong stretpela pasin, na planim bilong BIKPELA, bai Em i ken kisim glori. | |
| Isai | TpiKJPB | 61:4 | ¶ Na ol bai wokim gen ol hap ol i bin bagarapim pastaim, na ol bai kirapim gen ol hap i bin bagarap, na ol bai stretim ol biktaun i stap nating, em ol bagarap bilong planti lain manmeri pastaim. | |
| Isai | TpiKJPB | 61:5 | Na ol man bilong longwe ples bai sanap na givim kaikai long ol bung bilong sipsip samting bilong yupela, na ol pikinini man bilong ol arapela lain bai stap wokboi bilong yupela i wokim masin bilong brukim graun na wokboi bilong yupela bilong lukautim ol diwai wain. | |
| Isai | TpiKJPB | 61:6 | Tasol yupela bai kisim nem Ol Pris bilong BIKPELA. Ol man bai kolim yupela Ol Wokman bilong God bilong yumi. Bai yupela i kaikai ol samting i dia tumas bilong ol lain i no Ju, na bai yupela i litimapim yupela yet long glori bilong ol. | |
| Isai | TpiKJPB | 61:7 | Bilong senisim sem bilong yupela bai yupela i holimpas long dabol. Na bilong senisim nem nogut ol bai amamas tru long ol samting bilong ol. Olsem na long graun bilong ol, ol bai holimpas long dabol. Amamas tru i stap oltaim oltaim bai stap long ol. | |
| Isai | TpiKJPB | 61:8 | Long wanem Mi BIKPELA, Mi laikim tru stretpela kot, na Mi no laikim tru ol samting ol i bin stilim bilong mekim ofa ol i kukim olgeta. Na bai Mi bosim wok bilong ol long tok tru, na bai Mi wokim wanpela kontrak i stap oltaim oltaim wantaim ol. | |
| Isai | TpiKJPB | 61:9 | Na namel long ol lain i no Ju ol bai save long tumbuna pikinini bilong ol, na namel long dispela manmeri ol bai save long ol pikinini bilong ol. Olgeta bilong ol i lukim ol bai toksave long ol, long ol i pikinini kaikai BIKPELA i bin blesim. | |
| Isai | TpiKJPB | 61:10 | ¶ Bai mi gat bikpela amamas tru long BIKPELA, na tewel bilong mi bai amamas tru long God bilong mi. Long wanem Em i bin putim klos long mi, em ol klos bilong kisim bek, na Em i bin karamapim mi long longpela saket bilong stretpela pasin, olsem man i laik marit i bilasim em yet long ol bilas, na olsem meri i laik marit i bilasim em yet long ol ston i dia tumas bilong em. | |