ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 26
| Isai | TpiKJPB | 26:1 | ¶ Long dispela de ol bai singim dispela song long hap graun bilong Juda, Mipela i gat wanpela strongpela biktaun. God bai makim pasin bilong kisim bek olsem ol banis na ol baret i lukautim dispela. | |
| Isai | TpiKJPB | 26:2 | Yupela mas opim ol dua bilong banis, bai dispela stretpela kantri i save holimpas tok tru i ken kam insait. | |
| Isai | TpiKJPB | 26:3 | Yu bai holimpas man long pasin bilong givim bel isi i inap tru sapos tingting bilong em i stap olgeta taim long Yu, long wanem em i putim bilip bilong em long Yu. | |
| Isai | TpiKJPB | 26:4 | Yupela i mas putim bilip bilong yupela i go long BIKPELA oltaim oltaim. Long wanem strong i stap oltaim oltaim em i stap long BIKPELA JEHOVA. | |
| Isai | TpiKJPB | 26:5 | ¶ Long wanem Em i bringim i kam daun ol husat i stap long antap. Dispela biktaun i stap antap tru, Em i daunim dispela i go daun. Em i daunim dispela i go daun, yes inap long graun. Em i bringim dispela, yes inap long bungim das. | |
| Isai | TpiKJPB | 26:6 | Lek bai krungutim dispela i go daun, yes ol lek bilong ol rabisman na ol wokabaut bilong ol manmeri i sot long samting. | |
| Isai | TpiKJPB | 26:7 | Rot bilong ol stretpela man em i stretpela pasin. Yu wanpela i stap stretpela olgeta, Yu save skelim wokabaut bilong ol stretpela man. | |
| Isai | TpiKJPB | 26:8 | Yes, O BIKPELA, mipela i bin wetim Yu long rot bilong tok long pe bilong kot bilong Yu. Nem bilong Yu na holim tingting long Yu em i laik bilong tewel bilong mipela. | |
| Isai | TpiKJPB | 26:9 | Mi bin laikim Yu long tewel bilong mi long taim bilong nait. Yes, long spirit bilong mi i stap insait long mi bai mi wok long painim Yu long moningtaim tru. Long wanem tok long pe bilong kot bilong Yu i stap long dispela graun, ol manmeri bilong dispela graun bai kisim save long stretpela pasin. | |
| Isai | TpiKJPB | 26:10 | Larim gutpela pasin i kamap long man i nogut tru, tasol bai em i no kisim save long stretpela pasin. Em bai mekim pasin i no stret long hap graun bilong stretpela pasin. Na bai em i no lukim ol bilas samting bilong BIKPELA. | |
| Isai | TpiKJPB | 26:11 | BIKPELA, taim Yu litimapim han bilong Yu, ol i no laik lukim. Tasol bai ol i lukim na kisim sem long pasin mangal bilong ol i go long ol manmeri. Yes, paia bilong ol birua bilong Yu bai bagarapim ol. | |
| Isai | TpiKJPB | 26:12 | ¶ BIKPELA, bai Yu makim bel isi long mipela. Long wanem Yu bin wokim tu olgeta wok bilong mipela insait long mipela. | |
| Isai | TpiKJPB | 26:13 | O BIKPELA na God bilong mipela, ol arapela bikman i narapela long Yu, ol i bin bosim mipela. Tasol long strong bilong Yu tasol bai mipela i tokaut long nem bilong Yu. | |
| Isai | TpiKJPB | 26:14 | Ol i stap daiman na bai ol i no stap laip. Ol i bin i dai pinis na bai ol i no kirap. Olsem na Yu bin i go lukim ol na bagarapim ol. Na Yu bin mekim olgeta pasin bilong holim tingting long ol i pinis. | |
| Isai | TpiKJPB | 26:15 | Yu bin mekim dispela kantri i kamap bikpela moa, O BIKPELA, Yu bin mekim dispela kantri i kamap bikpela moa. Yu bin kisim glori. Yu bin surikim dispela longwe inap long olgeta arere tru bilong dispela graun. | |
| Isai | TpiKJPB | 26:16 | BIKPELA, ol i bin kam long Yu long taim bilong hevi. Ol i bin kapsaitim wanpela beten, taim pasin bilong Yu bilong stikim ol i bin stap long ol. | |
| Isai | TpiKJPB | 26:17 | Olsem wanpela meri i gat bel na taim bilong karim pikinini i kamap klostu na em i gat pen na singaut long pen bilong em, olsem tasol mipela i bin stap long ai bilong Yu, O BIKPELA. | |
| Isai | TpiKJPB | 26:18 | Mipela i bin kisim bel na mipela i bin kisim pen. Tasol em i olsem mipela i bin karim win tasol. Mipela i no bin wokim wanpela pasin long dispela graun bilong mekim manmeri i kamap fri. Na tu ol manmeri bilong dispela graun i no bin pundaun. | |
| Isai | TpiKJPB | 26:19 | Ol daiman bilong Yu bai stap laip. Ol bai kirap wantaim bodi bilong mi i bin dai pinis. Kirap na sing, yupela husat i stap long das. Long wanem tuhat bilong yu i olsem tuhat bilong ol sayor, na dispela graun bai rausim ol daiman. | |
| Isai | TpiKJPB | 26:20 | ¶ Kam, ol manmeri bilong Mi. Yu mas kam insait long ol rum bilong yu na pasim ol dua bilong yu i stap nabaut long yu. Yu mas haitim yu yet long i olsem liklik taim wantu tasol inap long bel nogut bilong Mi em i pinis. | |